Êsêkiên 16:53 - Sơ̆p Hlabơar Nơ̆r 'Bok Kei-Dei

⁵³ Inh gô ba brŏk Sôđôm hăm lu kon drŏ-kăn sư, păng Samari hăm lu kon drŏ-kăn sư ăn rơngei dơ̆ng păng ih hăm lu sư wih brŏk ăn rơngei.

Êsêkiên 16:53 ပူးပေါင်းရင်းမြစ်များ

Jop 42:10

Đơ̆ng rŏng kơ Jop krao khan ăn kơ buăl sư đang bơih, Kră Yang ăn kơ Jop đei pŭn hiôk păng ăn kơ Jop đei 'bar 'bar lu mŭk tơmam đei 'bar 'bar hơgrop lu sem dơrong.

Horiso 126:1

Kơplah Kră Yang chông lu bơngai bơnă brŏk tơ Siôn. Lu nhôn thoi bơngai tep apo.

Horiso 14:7

Ơ rŏ kơ đơ̆ng pơlei Siôn tơdrong pơklaih lu bơngai Isơrael jah truh! Kơplah Kră Yang chông ba lu bơnă pơlei pơla Sư brŏk, Kơplah noh Jakôp gô chhôk hơnôk păng lu bơngai Isơrael gô 'nă hal.

Horiso 85:1

Ơ Kră Yang, Ih mơnat ăn boih tơdrong 'lơ̆ng kơ dêh char Ih; Ih chông adrĕch Jakôp đêl pơm bơnă wih brŏk.

Êsai 1:9

Tơdah Kră Yang Tih Hloh ưh kơ lê̆ bơ̆n arih hơya tŏ sĕt, lei lu bơ̆n kư̆m răm lei-lăi thoi pơlei Sôđôm păng thoi pơlei Gômôrơ mơ̆n.

Je 12:16

Tơdah lu sư pơnam hŏk pơhrăm iŏk kiơ̆ trong kon pơlei pơla Inh păng pơkă pơkăm hăm anăn Inh. ‘Tơpă Kră Yang arih,’ thoi sơ̆ lu sư kư̆m bơtho kon pơlei Inh pơkă hăm yang Baal, kơplah noh lu sư gô oei kơjăp lăm kon pơlei pơla Inh.

Je 20:16

Ăn kơ bơngai noh thoi lu pơlei Kră Yang pơrăm boih ưh pă đei mơnat! Ăn kơ sư kơtơ̆ng tơdrong nhơ̆m hmoi gah pơgê hrôih, 'năr dơ̆ng kơtơ̆ng đe ôr krao tơdrong tơblah.

Je 31:23

Kră Yang Tih Hloh 'Bok Kei-Dei bơngai Isơrael khan: “Kơplah Inh chông tơwih bơngai bơnă brŏk, lăm char Juđa păng tơ rim pơlei gô khan: ‘Ơ lu anih mă 'lơ̆ng tơpăt Kră Yang, kông rơgoh, apinh Kră Yang ăn kơ anih âu pŭn hiôk!’

Je 46:27

“Ơ Jakôp đĭch đam Inh, 'nĕ kơ hli! Ơ Isơrael 'nĕ tơrơ tăr wăr! Inh gô pơklaih ih đơ̆ng anih ataih hơtŏ, dŏng pơklaih adrĕch adrung ih đơ̆ng dêh char mă oei pơm đĭch. Jakôp gô wih brŏk arih jang sa hiôk-hian, ưh pă đei hli kơ bu dơ̆ng.”

Je 48:47

Mă-lei truh năr hơtuch kơnh Inh gô pơdrâu iŏk lu bơngai bơnă char Môap brŏk,” Kră Yang khan thoi noh. Nơ̆r khan lê̆ adrol kơ bơngai Môap tôch đĭ 'bơ̆t dâu.

Je 49:39

Mă-lei lăm chăl đơ̆ng rŏng, inh gô tơiung lu bơngai Êlam wih brŏk đơ̆ng pơm bơnă. Noh Kră Yang khan.

Je 49:6

mă-lei dơning dơmônh Inh gô iŏk tơwih lu kon sâu Ammôn brŏk đơ̆ng pơm đĭch, bơnă đe. Noh Kră Yang khan.

Êsêkiên 16:52

Ih jing pŭ iŏk tơdrong mơlâu yua kơ ih pơm kơ đe mŏ oh ih nhen thoi lu sư tơpăt, yua kơ tơdrong yoch ih pơm kơnê̆ hloh kơ lu sư, đe lăng lu sư tơpăt hloh kơ ih. Thoi noh ih pŭ iŏk bĕ tơdrong mơlâu, yua kơ ih pơm kơ đe mŏ oh ih nhen thoi lu sư jing tơpăt hloh kơ ih.

Êsêkiên 16:54

Wă kơ ih pŭ iŏk tơdrong kơdơ̆ mơlâu tôm tơdrong ih hlôi pơm kơnê̆; na pơm thoi noh, ih gô pơlung lu sư ăn đe lăng mŏ oh ih nhen thoi lu sư ưh kơ yoch tih tŏ ih, bơngai tơpăt hloh kơ ih.

Êsêkiên 26:6

Lu kon pơlei sư oei tơ chŭn mir đe gô pơlôch hăm đao; păng lu sư gô băt Inh boih Kră Yang.

Êsêkiên 29:14

Inh gô chông lu bơngai bơnă Êyiptơ wih păng năm ba lu sư wih tơ char Patrôs jing teh mă lu sư kơdih sơ̆ mă-lei tơ noh lu sư pơjing char pơtao pơgơ̆r iĕ.

Êsêkiên 39:25

Na, Kră Yang khan thoi âu: Âu Inh gô ăn kơ lu adrĕch Jakôp wih brŏk; hiôk-hian păng 'mêm mơnat kơ đĭ-đăng lu adrĕch Isơrael, păng gô gar anăn 'lơ̆ng rơgoh Inh.

Jôel 3:1

'Nâu, lăm chăl noh, lăp năr noh 'bơ̆t năr Inh gô ăn dơ̆ng tơdrong pŭn hiôk kơ lu bơngai Juđa păng pơlei Jêrusalem,