Êsêkiên 16:52 - Sơ̆p Hlabơar Nơ̆r 'Bok Kei-Dei

⁵² Ih jing pŭ iŏk tơdrong mơlâu yua kơ ih pơm kơ đe mŏ oh ih nhen thoi lu sư tơpăt, yua kơ tơdrong yoch ih pơm kơnê̆ hloh kơ lu sư, đe lăng lu sư tơpăt hloh kơ ih. Thoi noh ih pŭ iŏk bĕ tơdrong mơlâu, yua kơ ih pơm kơ đe mŏ oh ih nhen thoi lu sư jing tơpăt hloh kơ ih.

Êsêkiên 16:52 ပူးပေါင်းရင်းမြစ်များ

Bl 38:26

Juđa lăng kơnăl dôm lu tơmam noh na sư khan: Sư tơpăt hloh kơ inh, yua kơ inh ưh kơ ăn Sêla, kon tơdăm inh kơ sư, wă oei hơdai hăm sư. Đơ̆ng noh Juđa ưh pă oei hơdai hăm Tamar dơ̆ng.

I Pot 2:32

Kră Yang gô pơm tơwih kơ Jôap đêl sư pơlôch tuh pham tuh plơ̆ tơ kơ̆l sư dơ̆ng, mă-lei Đawit 'bă inh, ưh kơ băt sư pơlôch 'bar 'nu bơngai 'lơ̆ng tơpăt hloh kơ sư, hăm đao gưm noh bre Apner kon drŏ-nglo Nêr, yŏng linh bơngai Isơrael păng Amasa kon drŏ-nglo Jêther, yŏng linh bơngai Juđa.

Je 23:40

Inh gô ăn kơ iĕm mơlâu kơ đe ling-lang hlŏng hloi, ưh kơ đei bu gơh hiơt.”

Je 3:11

Kră Yang khan kơ inh: “Ih pơting lăng tơdrong Isơrael pơm kơnê̆ oei dă 'biơ̆ kơ Juđa,

Je 31:19

Tơpă, đơ̆ng rŏng kơ inh weh đơ̆ng Kră Yang, inh tơbral boih; đơ̆ng rŏng kơ inh băt hlôh, inh tŭr kơtơh hmach. Inh mơlâu dêh, Inh pŭ tơdrong mơlâu đơ̆ng pơm yoch đơ̆ng oei tơdăm mơlôh.”

Je 51:51

Lu nhôn mơlâu dêh, yua kơ đe pơjăm pơjuă lu nhôn, tơdrong mơlâu gom 'bĕnh kơ muh măt lu nhôn. Yua kơ lu bơngai tơmoi mơ̆t boih lăm Anih 'Lơ̆ng Rơgoh Kră Yang.”

Êsêkiên 16:47

Ih ưh kơ năm kiơ̆ trong lu sư ôh hă? Ưh kơ pơm dôm lu tơdrong kơnê̆ 'mê̆ krưp lei-lăi kơ lu sư ôh hă? Mă-lei ih pơm rai kơnê̆ hloh kơ lu sư lăm dôm trong ih năm bơih.

Êsêkiên 16:48

Kră Yang Tih Hloh khan: Tơpă thoi Inh mă arih ling-lang, oh drŏ-kăn ih pơlei Sôđôm, kơdih sư păng lu kon drŏ-kăn sư ưh tam pơm tơdrong kơnê̆ thoi ih păng lu kon drŏ-kăn ih mă pơm boih.

Êsêkiên 16:53

Inh gô ba brŏk Sôđôm hăm lu kon drŏ-kăn sư, păng Samari hăm lu kon drŏ-kăn sư ăn rơngei dơ̆ng păng ih hăm lu sư wih brŏk ăn rơngei.

Êsêkiên 16:54

Wă kơ ih pŭ iŏk tơdrong kơdơ̆ mơlâu tôm tơdrong ih hlôi pơm kơnê̆; na pơm thoi noh, ih gô pơlung lu sư ăn đe lăng mŏ oh ih nhen thoi lu sư ưh kơ yoch tih tŏ ih, bơngai tơpăt hloh kơ ih.

Êsêkiên 16:56

'Bơ̆r ih ưh pă pơma 'bơm boih gah mŏ oh ih Sôđôm kơplah ih oei đei tơdrong pơang,

Êsêkiên 16:63

Na ih gô 'blŏk păng mơlâu kơplah Inh đei mơnat ăn tôm tơdrong mă ih đei pơm, ih pă gơh ha 'bơ̆r pơma dơ̆ng yua kơ mơlâu, Kră Yang tih hloh khan thoi noh.”

Êsêkiên 32:24

Elam hăm đĭ-đăng lu sư oei tơ noh, bơsat lu sư tăp dăr; đĭ-đăng lu sư pơ̆k lôch đe pơlôch hăm đao. Lu sư bơngai ưh kơ chu kăt tơdra akar jur lăm bơsat; lu sư bơngai mă hlôi pơm kơ lu char bơngai arih hli tơrơ. Lu sư pŭ iŏk mơlâu hơdai hăm lu bơngai jur lăm sơlŭng jrŭ.

Êsêkiên 36:15

Inh ưh pă ăn ih kơtơ̆ng lu nơ̆r kơnê̆ đe pơjăm pơjuă đơ̆ng lu dêh char; ih kư̆m huay pă pŭ tơdrong mơlâu dơ̆ng lu kon pơlei dơ̆ng păng ih kư̆m ưh pă ăn kơ dêh char ih, ih pơ̆k huŏng dơ̆ng, Kră Yang khan.”

Êsêkiên 39:26

Lu sư gô đei tơdrong mơlâu yua kơ đei pơm yoch hăm Inh, kơplah lu sư oei hiôk-hian lăm char noh ưh kơ đei bu tơhli lu sư.

Êsêkiên 44:13

Lu sư ưh kơ gơh năm jê̆ Inh wă pơm 'bok soi 'bơ̆t anăp Inh, lu sư kư̆m ưh kơ gơh năm jê̆ tơmam 'lơ̆ng rơgoh, kư̆m ưh kơ gơh năm jê̆ tơmam mă 'lơ̆ng rơgoh hloh. Mă-lei lu sư gô pŭ tơdrong mơlâu păng lu tơdrong kơnê̆ 'mê̆ krưp mă lu sư hlôi pơm yoch.

Hôsia 10:6

Sĭt tơpă đe gô tung ba rup 'noh tơ char Asiri pơm tơmam thuê̆ pơyơ̆r ăn kơ pơtao tơm Jarep. Lu bơngai Êphraim kơdơ̆, lu bơngai Isơrael gô mơlâu kơdih akâu.

Luka 6:37

“Iĕm 'nĕ bâu roi đe, khan đe bơngai ưh kơ 'lơ̆ng. Dah iĕm jô̆ kơ đe bơngai ưh kơ 'lơ̆ng, kơnh 'Bok Kei-Dei kư̆m jô̆ kơ iĕm bơngai ưh kơ 'lơ̆ng mơ̆n. Iĕm 'nĕ kơ jâu đe, na 'Bok Kei-Dei huay kơ jâu iĕm. Iĕm 'nĕ kơ jô̆ yo kơ đe wă kơ 'Bok Kei-Dei huay kơ jô̆ yo kơ iĕm.

Rom 1:32

Bơ̆n băt kơ ning-mônh 'Bok Kei-Dei wă phak dôm lu bơngai thoi noh ră, mă-lei bơ̆n kư̆m oei pơm khŏm khŏm thoi noh. Bơ̆n 'bôh đe pơm yoch thoi noh, bơ̆n khan tơdrong 'lơ̆ng tơdrong trŏ.

Rom 2:10

Mă bơngai Juđê, mă bơngai nai, dah lu sư pơm 'lơ̆ng hăm 'Bok Kei-Dei, ning-mônh 'Bok Kei-Dei ăn kơ lu bơ̆n oei hơdai hăm Sư hiôk chơt ling-lang.

Rom 6:21

Tơdrong iĕm pơm yoch sơ̆ ưh kơ đei tơgŭm iĕm minh tơdrong kiơ ôh. Dang ei iĕm băt mơlâu kơ tơdrong yoch iĕm sơ̆ boih; tơdrong bơ̆n pơm yoch bơ̆n gô lôch hiong đĕch.

I Sam 24:17

Sôl khan kơ Đawit: Kon pơm tơpăt hloh kơ 'bă, yua kơ iŏk tơdrong 'lơ̆ng, na pơm 'mong tơdrong kơnê̆ 'bă hlôi pơm ăn kơ kon.