Êsêkiên 16:4 - Sơ̆p Hlabơar Nơ̆r 'Bok Kei-Dei

⁴ Tơdrong tơpŭ kơ ih thoi âu, lăm năr 'nao tơpŭ kơ ih, tơlei klŏk ih tam mă kăt, tam mă tơhum ih rơgoh, tam mă pung lơlĭ hăm 'boh, tam mă pôn hăm che.

Êsêkiên 16:4 ပူးပေါင်းရင်းမြစ်များ

Bl 15:13

Na Kră Yang khan kơ Abram thoi âu: “Inh khan kơ ih tơpă lu adrĕch adrung ih gô oei tơ lăm minh pôm char ưh kơ trŏ char lu sư, oei tơ ei thoi tơmoi đĕch păng pơm đĭch đam kơ char noh, na char noh gô pơjuă pơđep lu sư lăm puăn-hrĕng sơnăm.

Nhom 2:20

Ơ Kră Yang, apinh Ih lăng lăng! Ih tam đei pơm kơ bu thoi noh? Drŏ-kăn hăm trŏ kơ sư plei đơ̆ng lăm klak sư kơdih, wă khan lu kon hơ'lơ̆p mă oei pôk lăm ti sư hă? Bơngai khan lê̆ adrol hăm 'bok soi, hăm trŏ đe pơlôch lăm anih Kră Yang?

Nhom 2:22

Ih ăn tơdrong hli krưp truh tăp dăr kơ inh, Thoi Ih pơtơm bơngai wă năm sŏng sa tih. Lăm năr Kră Yang hil, ưh kơ đei bu klaih hlôi, kư̆m ưh kơ đei bu arih. Dôm lu bơngai mă inh đei pôk kơ'mĭn păng 'me rong, Linh ayăt pơlôch pơrăm đĭ boih.

Êsêkiên 16:3

Kră Yang Tih Hloh khan: ‘Khan bĕ kơ Jêrusalem thoi âu: Anih tơm rơh tơpŭ kơ ih đơ̆ng dêh char Kanaan, 'bă ih bơngai Amôrit, mĕ ih bơngai Hêtit.

Êsêkiên 20:13

Mă-lei adrĕch Isơrael blah inh lăm char glă. Lu sư ưh kơ pơm kiơ̆ khôi juăt Inh, sơngah kơ nơ̆r inh tơtă, noh tơdrong mă bơngai bu pơm kiơ̆ gô arih; lu sư kư̆m pơm yoch 'mê̆-'mach lăm năr Sa'bat Inh dơ̆ng. Inh khan wă tuh tơdrong Inh hil mĭl tơ lu sư lăm char glă.

Êsêkiên 20:8

Mă-lei lu sư oei blah Inh, ưh kơ wă mơ̆ng Inh, ưh kơ hŭt lê̆ rup yang kơnê̆ krưp mă măt lu sư 'maih lăng; kư̆m ưh kơ hŭt lê̆ lu rup yang Êyiptơ. Yua kơ thoi noh Inh khan Inh gô tuh tơdrong Inh hil tơ lu sư, wă kơ hrăp tơdrong Inh blĕk kơ lu sư tơ lăm char Êyiptơ.

Hôsia 2:3

Tơdah ưh, kơnh Inh gô plôh lê̆ hơbĕn ao đơ̆ng sư lê̆ sư akâu hoh, thoi đe 'nao hơiơch kơ sư sơ̆; păng Inh pơm kơ sư thoi teh kro tơ char glă, pơm kơ sư lôch kơ rơhing.

Hôsia 2:5

Mĕ lu sư pơm boih pơyô kư̆ kă, anăp kơ lu sư hăm tơdrong mơlâu. Sư khan: Inh gô kiơ̆ lu pơyô inh, lu sư ăn kơ inh por sŏng đak nhă, che, sŏk triu, đak rơmă păng ăn kơ inh tơmam huch sa.

Luka 2:12

Tơdrong 'nâu wă tơbăt kơ iĕm chă Sư: Iĕm gô 'bôh minh 'nu kon nge tơsu khăn, tơ'bĭch kơpal 'nhĕt kro lăm war rơmo.”

Luka 2:7

klaih kơ noh sư tơpŭ kơ minh 'nu kon kơdră sư. Sư tơsu kơ kon sư minh blah khăn, klaih kơ noh tơ'bĭch kơpal 'nhĕt kro tơ lăm war rơmo yua kơ ưh kơ đei anih boih lăm hnam 'bĭch tơmoi.

Both 15:15

Athei 'blŏk kơ iĕm đêl pơm đĭch boih lăm dêh Êyiptơ, Kră Yang 'Bok Kei-Dei dŏng pơklaih; thoi noh, năr 'nâu inh bơtho khan kơ iĕm nơ̆r tơtă 'nâu.

Both 5:6

Inh boih Kră Yang 'Bok Kei-Dei lu iĕm, Tơ'ngla tơlĕch lu iĕm đơ̆ng dêh Êyiptơ, lĕch đơ̆ng pơm đĭch.

Jôsuê 24:2

Jôsuê khan hăm đĭ-đăng kon pơlei: “Kră Yang 'Bok Kei-Dei Isơrael đei khan: ‘'Bok iĕm sơ̆ noh Tharê 'bă kơ Abraham păng Nakô, oei gah to Krong Tih păng bơ̆jang kơkuh kơ lu yang nai.