Êsêkiên 16:3 - Sơ̆p Hlabơar Nơ̆r 'Bok Kei-Dei

³ Kră Yang Tih Hloh khan: ‘Khan bĕ kơ Jêrusalem thoi âu: Anih tơm rơh tơpŭ kơ ih đơ̆ng dêh char Kanaan, 'bă ih bơngai Amôrit, mĕ ih bơngai Hêtit.

Êsêkiên 16:3 ပူးပေါင်းရင်းမြစ်များ

Bl 11:25

Đơ̆ng rŏng kơ Nahôr pơjing kơ Thêra boih, sư oei arih minh-hrĕng mơjĭt-tơsĭn sơnăm, đei pơjing kon drŏ-nglo, kon drŏ-kăn.

Bl 11:29

Abram păng Nahôr chă akăn; akăn Abram anăn sư Sarai, gah akăn Nahôr anăn Milka: Milka hăm Iska kon drŏ-kăn Haran.

Bl 15:16

dĭng truh tơ jơhnơr tăl puăn lu adrĕch adrung ih gô wih brŏk hơlơ̆k tơ âu, yua kơ 'bơ̆t noh boih tơdrong yoch kon pơlei Amôrit tôm wă phak boih.”

I Pot 21:26

Dôm tơdrong sư pơm kơ Kră Yang areh dêh, sư kơkuh kơ rup yang thoi lu bơngai Amôrit kơkuh, lu sư noh kon pơlei pơla mă Kră Yang pơpuh tơlĕch bơih lu sư đơ̆ng anăp lu bơngai Isơrael.

II Pot 21:11

“Manase, pơtao đe Juđa hlôi pơm tơdrong yoch kơnê̆ krưp 'nâu păng pơm tơdrong kơnê̆ hloh kơ đĭ-đăng lu bơngai Amôrit hlôi pơm adrol kơ sư păng sư pơm kơ lu bơngai Isơrael pơm yoch kơkuh kơ lu rup yang đêl sư pơm.

Esơra 9:1

Đơ̆ng rŏng kơ tơdrong noh, lu 'bok kuan tih năm jê̆ pơma hăm inh thoi âu: Kon pơlei Isơrael, lu 'bok soi păng bơngai Lêwi hai, ưh kơ đei tơklah đơ̆ng adrĕch păng lăm tơring âu, lu sư pơm rok lu kon pơlei Kanaan, kon pơlei Hêtit, kon pơlei Phêrêsit, kon pơlei Jêbus, kon pơlei Ammôn, kon pơlei Môap, kon pơlei Êyiptơ păng kon pơlei Amôrit.

Ne 9:7

Ơ! Kră Yang Ih Kră Yang 'Bok Kei-Dei mă đei rơih iŏk Abram, chông sư lĕch đơ̆ng Ur kon pơlei Kalđê păng krao anăn sư Abraham.

Êsai 1:10

Ơ lu kră wei-lăng plei Sôđôm, mơ̆ng bĕ nơ̆r Kră Yang khan. Ơ kon pơlei Gômôrơ, pơgling đon iĕm mơ̆ng bĕ khôi juăt Kră Yang 'Bok Kei-Dei lu bơ̆n.

Êsai 43:27

'Bok tơm lu iĕm sơ̆ pơm yoch bơih, bơngai pơtruh nơ̆r lăm lu iĕm pơm glăi blah Inh bơih.

Êsêkiên 16:2

“Ơ kon bơngai, athei tơbăt kơ Jêrusalem tơdrong lu sư pơm kơnê̆ krưp.

Êsêkiên 16:4

Tơdrong tơpŭ kơ ih thoi âu, lăm năr 'nao tơpŭ kơ ih, tơlei klŏk ih tam mă kăt, tam mă tơhum ih rơgoh, tam mă pung lơlĭ hăm 'boh, tam mă pôn hăm che.

Êsêkiên 16:45

Ih boih kon drŏ-kăn mĕ ih, bơngai hŭt tŭk lê̆ kon klo; ih jing oh kơ lu mŏ oh ih, bơngai mă hŭt tŭk lê̆ kon klo sư; mĕ ih bơngai Hêtit, 'bă ih bơngai Amôrit,

Êsêkiên 21:30

Tah bĕ đao lăm hơnglop! Lăm anih mă pơjing ih sơ̆, lăm char mă 'bok yă ih, Inh gô sek tơlang ih.

Mathiơ 11:24

Inh khan kơ iĕm tơpă, mưh truh năr sek tơlang ning-mônh, Sư gô phak tơring Sôđôm hơiơch 'biơ̆ kơ pơlei iĕm.”

Mathiơ 3:7

Yôhan 'bôh lu bơngai Juđê mă khan sư lui kơ 'Bok Kei-Dei kiơ̆ kơ tơdrong Pharisi păng lu mơ'nah dơ̆ng kiơ̆ kơ tơdrong Sađusê, lu sư năm tơ sư wă iŏk 'batem, na Yôhan khan kơ lu sư: “Iĕm âu dang lĕ kơ 'bih. Iĕm băt kơ 'Bok Kei-Dei wă phak iĕm ning-mônh, na iĕm mah năm tơ âu wă iŏk 'batem đĕch khan gơh klaih đơ̆ng tơdrong phak noh hă?

Luka 3:7

Na Yôhan khan kơ lu bơngai tơpôl wă năm iŏk 'batem ei thoi âu: “Iĕm âu dang lĕ kơ 'bih. Iĕm băt kơ 'Bok Kei-Dei wă phak iĕm ning-mônh na iĕm mah năm tơ âu wă iŏk 'batem đĕch khan gô klaih đơ̆ng tơdrong phak noh hă?

Yo 8:44

'Noh 'bă iĕm yang Satan, na iĕm pơm kiơ̆ kơ sư wă kơ sư lăp đon kơ iĕm. Đơ̆ng blŭng-a sơ̆ sư nŏng kơ chă pơlôch đe păng sư ưh kơ pơma tơpăt tŏ sĕt 'biơ̆, yua kơ sư ưh kơ layơ pơm tơpăt. Sư hơlĕnh ling-lang. Sư pơm yŏng pơjing gah tơdrong hơlĕnh.

Êphêsô 2:3

Mă đĭ kơ nhôn bơngai Juđê kư̆m pơm thoi noh mơ̆n sơ̆. Nhôn kư̆m hưch hanh kơ tơdrong âu tơdrong to, pơm kiơ̆ kơ nhôn wă kơdih kơnê̆ dêh, trŏ kơ 'Bok Kei-Dei hil thoi lu bơngai nai tơpă.

Both 20:17

Athei pơlôch pơrăm đĭ, kon pơlei Hêtit, kon pơlei Amôrit, kon pơlei Kanaan, kon pơlei Pêrisit, kon pơlei Hêwit, kon pơlei Jêbus, kiơ̆ thoi Kră Yang 'Bok Kei-Dei iĕm đei pơkă boih.

Both 7:1

Layơ Kră Yang 'Bok Kei-Dei iĕm chông ba iĕm mơ̆t iŏk dêh mă Sư pơkă păng puh tơweh đĭ lu adrĕch đe 'bơ̆t anăp iĕm, noh lu kon pơlei Hêtit, kon pơlei Girgasit kon pơlei Amôrit, kon pơlei Kanaan, kon pơlei Pêrisit, kon pơlei Hêwit păng kon pơlei Jêbus, wă khan tơpơh adrĕch tih păng pran hloh kơ iĕm.

Jôsuê 13:4

Tơ gah gơal, đĭ-đăng kơ char bơngai Kanaan, đơ̆ng Ara, noh lăm kon pơlei Siđôn, noh tơring Aphek, truh tơ teh đak kon pơlei Amôrit;

Jôsuê 24:14

Thoi noh dang ei, athei chu yom bĕ kơ Kră Yang păng pơm kiơ̆ kơ Sư hăm đĭ jơhngơ̆m păng tơnăp, hŭt lê̆ bĕ lu yang mă 'bok lu iĕm kơkuh tơ gah hơlĕch kơ đak Krong Tih păng tơ lăm char Êyiptơ; athei chu yom bĕ kơ Kră Yang.

I Yo 3:10

Bơ̆n gơh kơnăl tơduă bơngai bơ̆n, bơngai bu kon 'Bok Kei-Dei, bơngai bu kon yang Satan sư phara thoi âu: Bơngai bu ưh kơ pơm 'lơ̆ng tơpăt păng ưh kơ 'mêm kơ 'nhŏng oh sư, bơngai 'noh ưh kơ sĭ kon 'Bok Kei-Dei ôh.