Êsêkiên 16:27 - Sơ̆p Hlabơar Nơ̆r 'Bok Kei-Dei

²⁷ 'Nâu Inh yơ̆r ti blah ih, iŏk lê̆ tơmam đơ̆ng ăn kơ ih păng pơjao ih kơ lu bơngai ayăt areh kơ ih, lu kon drŏ-kăn Philistin, lu bơngai mă kơdơ̆ mơlâu yua kơ tơdrong ih pơm pơyô kư̆ kă.

Êsêkiên 16:27 ပူးပေါင်းရင်းမြစ်များ

Êsai 9:12

Mă-lei kon pơlei ưh kơ wih brŏk ôh tơ tơ'ngla mă teh pơjĭ lu sư, kư̆m ưh kơ chơchă Kră Yang Tih Hloh.

Êsêkiên 16:57

adrol kơ tơdrong kơnê̆ ih đe 'bôh bơih. Dang ei đei nơ̆r đe chrih kơ ih đơ̆ng lăm lu kon drŏ-kăn Êđôm hăm đĭ-đăng tơring sư, lu kon drŏ-kăn Philistin jum dăr ih, lu sư pơjăm ih tôm tơdrong.

Êsêkiên 16:37

lei na Inh gô akŭm đĭ-đăng lu bơngai ih hưch ih wă, noh lu bơngai ih hưch hăm lu bơngai ih areh; Inh gô akŭm lu sư đơ̆ng jơ̆p kơ anih năm blah ih. Inh gô tơ'bôh ăn hang-hông ih 'bơ̆t anăp lu sư, lu sư gô 'bôh đĭ-đăng hang-hông ih.

Tơdrông Tơ'bôh 17:16

Mơjĭt tŏ ake mă ih 'bôh 'noh hei păng sem brem noh, lu sư hil areh kơ bơngai đi, na thu iŏk đĭ mŭk tơmam bơngai drŏ-kăn noh, jing akâu hoh, klaih kơ noh 'bet sa sư, 'buh pơkhoy tơ ŭnh.

Êsêkiên 23:25

Inh gô blĕk gar hil blah ih, lu sư gô pơm kơ ih hăm tơdrong hil dêh. Lu sư gô kăt muh păng đon ih; lu bơngai oei arih gô lôch kơ đao. Lu sư gô rôp kon drŏ-nglo kon drŏ-kăn ih; lu bơngai oei arih ŭnh gô sa đĭ.

Êsêkiên 23:22

Thoi noh, ơ Ôhôliba, Kră Yang khan thoi âu: “Âu, Inh pơtrŭt lu bơngai mă ih hưch, lu bơngai ih weh achăng lê̆ gô blah ih, Inh gô chông ba lu sư đơ̆ng jơ̆p kơ tơring năm tơ ih;

Êsêkiên 16:47

Ih ưh kơ năm kiơ̆ trong lu sư ôh hă? Ưh kơ pơm dôm lu tơdrong kơnê̆ 'mê̆ krưp lei-lăi kơ lu sư ôh hă? Mă-lei ih pơm rai kơnê̆ hloh kơ lu sư lăm dôm trong ih năm bơih.

Êsêkiên 14:9

“Tơdah đe pơhlŭ bơngai khan lê̆ adrol na sư khan lê̆ adrol pơma minh nơ̆r ayơ noh, Inh boih Kră Yang lê̆ kơ đe pơhlŭ bơngai khan lê̆ adrol noh, păng Inh gô yơ̆r ti pơm plơ̆ kơ sư păng pơlôch pơrăm lê̆ sư đơ̆ng lăm kon pơlei Isơrael Inh.

Je 34:21

Sêđekia pơtao đe Juđa păng kră pơgơ̆r sư Inh gô jao ăn tơ lăm ti lu bơngai ayăt kơ sư lu bơngai 'maih wă pơlôch lu sư, lăm ti lu linh pơtao Babilôn 'nao weh đơ̆ng lu iĕm.”

Êsai 9:17

Yua kơ tơdrong kơnê̆ lu sư khơ̆ng thoi ŭnh sa 'nhĕt jơla hăm jơ'bôt jơla 'nhui sư kơdŭk hyôi tŏk kơjung.

Êsai 5:25

Thoi noh bơih na Kră Yang hil mĭl kơ kon pơlei Sư; Kră Yang hiŏng ti teh lu sư, kông tơdrŏ, akâu bơngai lôch 'bĕnh-'bang kơ trong. Mă-lei tơdrong Kră Yang hil oei ưh kơ ngach oei hiŏng ti hil kơ lu sư 'mơ̆i.

Êsai 3:1

Âu, Kră Yang Kră Yang Tih Hloh, gô iŏk lê̆ tơdrong dŏng păng tơgŭm dôm tơmam kăl yua đơ̆ng pơlei Jêrusalem păng char Juđa, thoi kơ tơmam sa mă lu sư gơnang păng đak mă lu sư hơmĕng.

Horiso 106:41

Na Sư pơjao lê̆ lu sư lăm ti lu bơngai dêh tơmoi, Ăn lu bơngai mă areh kơ lu sư pơgơ̆r lu sư.

II Pot 24:2

Kră Yang ăn lu khŭl linh đe Kalđê, khŭl linh đe Asiri, păng khŭl linh đe Môap năm blah pơrăm char Juđa, wă khŭl linh đe Ammôn pơrăm lê̆ lu sư, kiơ̆ thoi nơ̆r Kră Yang yua nơ̆r lu bơngai khan lê̆ adrol, noh jơ̆ lu đĭch đam sư,

Jêphania 3:19

Âu, lăm kơplah noh, Inh pơlôch lu bơngai mă pơm kơ ih ơh sơ'ngon; Inh gô dŏng pơklaih lu bơngai hơwen hơwo jo jăn, pơpôi lu bơngai mă đe pơpuh tơweh đe teh pơmat, pơm ăn kơ lu iĕm jing đe bơnê păng pơư pơang; wă khan lu bơngai mă đe pơjăm pơjuă lăm teh đak âu.