Êsêkiên 16:23 - Sơ̆p Hlabơar Nơ̆r 'Bok Kei-Dei

²³ Kră Yang Tih Hloh khan: Răm-'băm, răm-'băm tơpă kơ ih, kơ dôm tơdrong kơnê̆ 'mê̆-'mach ih đei pơm.

Êsêkiên 16:23 ပူးပေါင်းရင်းမြစ်များ

Je 13:27

Inh 'bôh boih tơdrong kơnê̆ iĕm pơm, Ih pơm pơyô kư̆ kă, tơdrong luĕl 'blal. Pơm pơyô kư̆ kă tơ lăm groi dah tơ mir chŭn. Ơ Jêrusalem răm-'băm tơpă kơ iĕm! Iĕm ưh kơ wă hơmet rơgoh dĭng dang yơ?”

Êsêkiên 13:18

Na khan kơ lu sư: ‘'Nâu nơ̆r Kră Yang Tih Hloh khan: Răm-'băm kơ lu drŏ-kăn mă kơ̆t che tơwir rơhưch tơ ti păng pơm khăn che tôm tĕch să iĕ gom tơ kơ̆l đe wă chă rôp bơhngol. Lu iĕm wă chă rôp bơhngol kon pơlei Inh, mă-lei wă rong bơhngol iĕm hiôk hă?

Êsêkiên 13:3

Kră Yang Tih Hloh khan: Răm-'băm kơ lu bơngai khan lê̆ adrol kơwao kiơ̆ kơ jơhngơ̆m kơdih, ưh kơ đei 'bôh yă kiơ?

Êsêkiên 16:22

Lăm dôm tơdrong kơnê̆ krưp, tơdrong pơm pơyô kư̆ kă, ih ưh kơ 'blŏk ôh kơplah năr oei nge, oei koh hoh, pơpơ̆ lăm pham kơdih.

Êsêkiên 16:24

Ih kư̆m đei man pơjing kơ ih kơdih anih kơjung, pơdơ̆ng kơ ih anih kơjung lăm rim anih pơlei akŭm pơđâu.

Êsêkiên 2:10

Sơnôm hla bơar noh bơlang 'bơ̆t anăp inh, đei chih, lăm păng đaih, noh đei chih lu tơdrong nhơ̆m hmoi ơh sơ'ngon păng tơdrong pơmat-tat.

Êsêkiên 24:6

Na Kră Yang khan thoi âu: Răm-'băm kơ lu pơlei đei tuh pham, pơlei noh thoi gŏ đĭ gơsang sa, gơsang ôp pă tơkloh boih! Athei iŏk minh hlak minh hlak ưh pă ngĕ kơ rơih iŏk kiơ dơ̆ng.

Jêphania 3:1

Răm-'băm tơpă kơ pơlei 'maih tơblah păng pơlei 'mê̆-'mach, pơm tơdrong kơnê̆ pơjăm pơjuă đe.

Mathiơ 11:21

Na Sư khan: “Ơ Pơlei Chơrasin, iĕm gô đei tơdrong pơmat tơpă ning-mônh. Ơ Pơlei 'Betsaiđa, iĕm kư̆m đei tơdrong pơmat tơpă mơ̆n ning-mônh. Dah Inh pơm lơ tơdrong mơsêh mơyang tơ Pơlei Tirơ hăm Pơlei Siđôn dang Inh pơm tơ pơlei iĕm ki, lei 'bar tŏ pơlei noh tơbral kơdih tơdrong yoch 'bônh đĕch; lei lu sư hrŭk hloi ao 'bi păng iŏk hloi tơnuh ŭnh pik tơ akâu lu sư wă kơ đe băt kơ lu sư sơ'ngon kơ tơdrong yoch sư tơpă. Mă-lei lu iĕm âu phara dêh, iĕm ưh kơ băt tơbral thoi noh.

Tơdrông Tơ'bôh 12:12

Thoi noh na ơ lu mă oei tơ plĕnh, gah lu iĕm hiôk boih, mă-lei mơnat kơ lu đe mă oei tơ teh păng oei tơ đak dơsĭ, yua kơ yang Satan huŏng tơ teh truh tơ lu sư boih. Satan jơhngơ̆m sư kơnê̆ 'maih hil 'maih areh kơ đe, yua kơ sư băt kơdih khei 'năr sư tơ teh ưh pă đunh boih.”

Tơdrông Tơ'bôh 8:13

Inh 'bôh păng kơtơ̆ng minh pôm sem klang păr tŏk-bŏk rơwơ̆ng ti, sư pơma 'bơ̆r re khan: “Ô glăi, ô glăi, ô glăi, lu bơngai mă oei tơ teh, pă 'biơ̆ pêng 'nu linh jang 'lơ̆ng hlôm keng wă pơrăm iĕm.”