Êsêkiên 16:20 - Sơ̆p Hlabơar Nơ̆r 'Bok Kei-Dei

²⁰ Ih kư̆m rôp lu kon drŏ-nglo kon drŏ-kăn ih, mă ih tơpŭ kơ Inh, năm pơyơ̆r ăn kơ lu rup yang noh sa. Dôm tơdrong pơm pơyô kư̆ kă bơih, noh ưh tam mă tôm mă

Êsêkiên 16:20 ပူးပေါင်းရင်းမြစ်များ

Bl 17:7

Inh pơgơ̆p pơkă hăm ih păng lu ioi adrĕch adrung ih truh tơ dôm jơhnơr noh pơgơ̆p pơkă ling-lang, Inh boih Kră Yang 'Bok Kei-Dei ih păng lu adrĕch adrung ih.

II Pot 16:3

Mă-lei sư năm kiơ̆ trong lu pơtao đe Isơrael, sư pơyơ̆r kon drŏ-nglo sư pơm tơmam soi 'buh pơkhôi, pơm tơdrong kơnê̆ 'mê̆-'mach thoi lu adrĕch adrung nai đei pơm, mă Kră Yang 'Bok Kei-Dei puh lê̆ lu sư đơ̆ng lu bơngai Isơrael.

II Ho 33:6

Sư 'buh pơyơ̆r kon drŏ-nglo sư pơm tơmam soi tơ lăm Thŭng Ben Hinôm sư chă tơdrong apo, lăng ti wă kơ băt adrol, chă lu pơjâu tơwir, kiơ̆ lu bơngai krao pơma dơnuh hăm atâu. Sư pơm yoch kơnê̆ rai dêh 'bơ̆t anăp Kră Yang pơm tơblĕk Sư.

Le 13:12

na ih athei pơyơ̆r ăn Kră Yang lu kon kơdră drŏ-nglo hăm lu kon tơno tuh blŭng-a lăm sem dơrong, yua kơ lu sư gô jing gah Kră Yang ngăl.

Le 13:2

Lăm kon pơlei Isơrael mă bơngai dah sem dơrong, athei pơyơ̆r 'măn lê̆ kơ Inh dôm kon kơdră yua kơ kon kơdră noh gah Inh.

Êsai 57:5

Lu iĕm tơhưch băl 'bơ̆t tơm 'long kôih. Ala kơ yơ̆p hơmŭl 'long hơdrih; pơlôch kon sâu pơm tơmam soi tơ lăm thŭng thong, tơ lăm trôm tơmo tih.

Je 19:5

Lu sư man pơdơ̆ng anih kơjung kơ yang Baal; 'buh kon hơ'lơ̆p pơm tơmam soi pơyơ̆r ăn kơ yang Baal, noh tơdrong mă Inh ưh kơ đei bơtho athei lu sư, Inh kư̆m ưh kơ đei tơchĕng.’ ”

Je 3:24

Đơ̆ng lu nhôn oei 'lơ̆p, tơdrong mơlâu sa pơrăm lê̆ đĭ, dôm tơdrong jang đei đơ̆ng 'bok yă lu nhôn, lu triu, rơmo, kon drŏ-nglo, kon drŏ-kăn lu sư.

Je 32:35

Lu sư man pơdơ̆ng boih anih tih kơjung kơ yang Baal lăm Thŭng Ben Hinôm, wă pơyơ̆r kơ yang Mơlek lu kon drŏ-nglo kon drŏ-kăn lu sư, noh tơdrong mă Inh ưh kơ đei bơtho; Inh ưh kơ đei tơchĕng. Lu sư mă đei pơm tơdrong kơnê̆ 'mê̆-'mach thoi noh na pơm kơ adrĕch Juđa yoch.

Je 7:31

Lu sư man dơ̆ng anih kơjung tơ Tôphet, lăm Thŭng Ben Hinôm, wă 'buh pơyơ̆r kon drŏ-nglo drŏ-kăn lăm ŭnh; tơdrong noh Inh ưh kơ đei bơtho tơtă, Inh kư̆m ưh kơ tơchĕng mơ̆n tơdrong noh.

Êsêkiên 14:14

Dah mă đei pêng 'nu drŏ-nglo âu: Nôê, Đaniel, hăm Jop oei lăm char ei, lei lăp lu sư đĕch gơh klaih oei arih, yua kơ tơdrong tơpăt lu sư kơdih. Kră Yang Tih Hloh khan thoi noh.

Êsêkiên 16:21

Ih kư̆m pơlôch lu kon Inh, pơm tơmam soi 'buh ăn kơ rup yang noh hă?

Êsêkiên 16:36

'Nâu nơ̆r Kră Yang Tih Hloh khan: “Yua kơ ih tuh tơdrong 'mê̆-'mach pơdah tơdrong hang-hông 'bơ̆t ih pơm pơyô kư̆ kă hăm bơngai mă ih hưch wă, păng yua kơ ih kơkuh kơ lu rup yang kơnê̆ krưp, păng yua kơ ih pơyơ̆r pham lu kon ih kơ lu rup yang noh,

Êsêkiên 20:26

Inh pơm kơ tơdrong lu sư soi pơyơ̆r kon kơdră lu sư jing kơnê̆ 'mê̆-'mach đơ̆ng tơmam soi noh Inh pơm kơ lu sư hli krưp, wă kơ lu sư băt inh boih Kră Yang.

Êsêkiên 20:31

Kơplah lu iĕm pơyơ̆r tơmam soi, pơyơ̆r kon drŏ-nglo soh hăm ŭnh, kơdih lu iĕm pơm kơnê̆ 'mê̆-'mach kơkuh kơ rup yang truh tơ dang ei? Ơ adrĕch Isơrael, Inh ưh kơ lê̆ lu iĕm krao apinh Inh. Kră Yang khan: Thoi Inh mă arih ling-lang, Inh ưh kơ ăn lu iĕm krao apinh Inh.

Êsêkiên 23:37

Lu sư pơm yoch pơm pơyô kư̆ kă păng ti lu sư 'bơm pham; lu sư pơm yoch ngôi pơyô kư̆ kă hăm lu rup yang; păng pơyơ̆r kon lu sư, kon mă lu sư tơpŭ ăn kơ Inh, pơm tơmam sa ăn kơ rup yang.

Êsêkiên 23:39

Lu sư pơlôch kon sư kơdih pơyơ̆r kơ rup yang; lăm năr noh lu sư kư̆m mơ̆t lăm anih 'lơ̆ng rơgoh Inh na pơm tơdrong 'mê̆-'mach. Noh tơdrong lu sư pơm boih kơ hnam Inh!

Êsêkiên 23:4

Mŏ sư anăn Ôhôla păng oh sư anăn Ôhôliba. Lu sư gah Inh, đei pơjing kon drŏ-nglo kon drŏ-kăn. Ôhôla noh jơ̆ pơlei Samari, păng Ôhôliba noh jơ̆ pơlei Jêrusalem.

Êsêkiên 8:17

Sư khan kơ inh: “Ơ kon bơngai, ih hăm 'bôh ưh? Noh adrĕch Juđa oei đei pơm tơdrong yoch kơnê̆ krưp, hăm trŏ tơdrong iĕ dah liơ? Lu sư pơm tơdrong kơnê̆ 'bĕnh lăm teh đak âu, păng tơblĕk Inh ling-lang dơ̆ng. Âu, lăng bĕ lu sư tah 'long lăm trôm muh wă tơblĕk Inh!

Mi 6:7

Hăm trŏ Kră Yang lăp đon rơbâu tŏ triu tơno, dah hơngan glung đak rơmă ôliwơ ưh? Hăm trŏ inh pơyơ̆r kon kơdră inh yua kơ inh pơm glăi păng plei đơ̆ng blu pôih inh yua kơ tơdrong yoch hăm bơhngol inh?