Êsêkiên 16:17 - Sơ̆p Hlabơar Nơ̆r 'Bok Kei-Dei

¹⁷ Ih kư̆m iŏk tơmam pơhrôp pơm hăm maih, hu, mă Inh ăn kơ ih boih; ih pơm lu rup akâu drŏ-nglo, na pơm pơyô kư̆ kă hăm lu noh.

Êsêkiên 16:17 ပူးပေါင်းရင်းမြစ်များ

Je 3:9

Yua kơ lu sư tơchĕng khan pơm pơyô kư̆ kă huay kơ yoch kơnê̆, na pơm ăn kơ dêh char jing 'mê̆-'mach, ngôi kư̆ kă hăm tơmo hăm 'long.

Êsêkiên 16:11

Inh iŏk tơmam pơguăng pơhrôp ăn kơ ih, tơ'bot ăn kong tơ ti, tơ'băk ăn kơ ih rơbưn tơ hơko.

Êsêkiên 16:12

Đoh ăn gŏp tơ muh, đoh ăn maih tơ đon, pơyơ̆l ăn hơgăl pơkao tơ kơ̆l ih.

Êsêkiên 16:13

Ih pơguăng hăm maih, hu, hrŭk ao tai che 'bui tanh hăm brai se, che tơpu hơdrông păng che dônh sĭt. Ih sa tơpŭng 'lơ̆ng hăm đak sut, đak rơmă ôliwơ. Ih jing 'lơ̆ng hơbŏ trŏ lăp thoi pơtao drŏ-kăn.

Êsêkiên 16:16

Ih iŏk ao tai wă pơrŏ pơm anih kơjung kơdih wă kơkuh pơyom, pơm pơyô kư̆ kă tơ noh. Tơdrong noh ưh kơ đei layơ trŏ lăp, ưh kơ layơ wă đei.

Êsêkiên 16:18

Ih iŏk ao sĭt dônh tơsu kơ lu rup noh, iŏk đak rơmă ôliwơ, iŏk pơgang 'bâu phu Inh, na 'măn 'bơ̆t anăp lu sư.

Hôsia 10:1

Bơngai Isơrael sơ̆ thoi minh tơnơm hơmu hơdrih 'lơ̆ng, plei sư trem. Lăp plei sư rai trem lơ, lu sư kư̆m pơdơ̆ng chơnang soi rai lơ; kiơ̆ thoi lu sư chăt rai lơ rai mơdrŏng lăm char sư, lu sư pơm rup yang rai lơ thoi noh mơ̆n.

Hôsia 2:13

Inh gô phak sư yua kơ lu năr mă sư soh pơyơ̆r 'long 'bâu phu kơ rup yang Baal, sư pơguăng đoh maih tơ đon 'bot kong păng dôm tơmam gĭt na năm kiơ̆ pơyô sư, na sư hiơt boih kơ Inh!” Kră Yang khan thoi noh.