Êsêkiên 16:11 - Sơ̆p Hlabơar Nơ̆r 'Bok Kei-Dei

¹¹ Inh iŏk tơmam pơguăng pơhrôp ăn kơ ih, tơ'bot ăn kong tơ ti, tơ'băk ăn kơ ih rơbưn tơ hơko.

Êsêkiên 16:11 ပူးပေါင်းရင်းမြစ်များ

Bl 24:22

Đang kơ lu aseh lăk-đa sư nhă boih, bơngai đam noh sư iŏk gŏp muh maih trăp dang minh puăt jên hu păng 'bar tŏ kong maihb trăp dang mơjĭt hlak jên hu.

Bl 24:47

Inh apinh sư thoi âu: ‘Ih kon bu?’ Sư tơl: ‘Inh kon Bêthuel, sâu 'bok Nahôr păng yă Milka.’ Na inh pơđoh ăn gŏp maih tơ muh sư păng tơ'bot ăn kong tơ kơkŏng sư.

Bl 24:53

Sư iŏk dôm tơmam pơhrôp păng hu, maih păng ao tai chro ăn kơ Rê'bêka; păng kư̆m đei lu tơmam gĭt kăp pơyơ̆r ăn kơ 'nhŏng sư hăm Mĕ sư.

Bl 35:4

Na lu sư jao đĭ kơ Jakôp lu rup yang dêh tơmoi, mă khan lu le đoh kơ đon; na sư 'bŭ dôm tơmam noh ala tơm 'long kôih, jê̆ pơlei Sichem.

Bl 41:42

Pơtao plôh hloi tơkhiĕn đơ̆ng ti sư tơ'bot ăn kơ Jôsep, athei đe pơhrŭk ăn kơ sư ao che rơmuăn păng tơ'băk ăn kon kiơng maih 'bơ̆t hơko sư;

Esther 2:17

Pơtao 'mêm kơ Esther hloh kơ lu đe hơdruh nai, 'bơ̆t anăp pơtao lăng sư mơnat hloh kơ lu đe hơdruh nai, na pơyơ̆l ăn kơ sư môk pơtao tơ kơ̆l sư, pôk sư jing yă pơtao tơplih kơ yă Wathi.

Jop 42:11

Đĭ-đăng lu 'nhŏng, mŏ oh sư păng lu bơngai juăt băt kơ Jop đơ̆ng adrol sơ̆, năm ngôi hơpong păng sŏng sa hăm sư tơ lăm hnam sư. Lu sư ngôi hơpong păng pơlung sư gah lu tơdrong truh pơmat mă Kră Yang pơm kơ sư. Rim 'nu kơ lu sư ăn kơ Jop minh kơtuăl jên hub păng minh pôm tơkhiĕn maih.

Le 32:2

Arôn khan kơ lu sư, toh bĕ le maih đơ̆ng đon akăn lu iĕm kon drŏ-nglo lu iĕm, hăm kon drŏ-kăn lu iĕm, klaih kơ noh ba kơ inh.

Le 35:22

Thoi noh mă lu drŏ-nglo mă lu drŏ-kăn năm mơ̆n, đĭ-đăng bơngai bu bu đei jơhngơ̆m 'maih wă chĕp ba le đon, tơkhiĕn, kong 'bot, hăm dôm lu tơmam pơhrôp păng maih, đĭ-đăng lu sư pơyơ̆r maih kơ Kră Yang.

Tơdrông Pơđơk 1:9

Noh boih thoi hơgăl pơkao 'lơ̆ng kơpal kơ̆l ih, thoi rơbưn glang 'băk tơ hơko ih.

Tơdrông Pơđơk 25:12

Bơngai hơgei chrih kơ đon bơngai oei mơ̆ng. Thoi gŏp maih, tơmam đe pơguăng păng maih ling.

Tơdrông Pơđơk 4:9

Tơdrong gơh hơgei sư gô pơyơ̆l tơ kơpal kơ̆l ih gơwang pơkao tơdrong 'lơ̆ng rŏ. Gô pơyơ̆l tơ kơ̆l ih môk pơtao ư-ang.

Hơri Hiôk 1:10

Meng ih 'lơ̆ng 'breo Thoi le, Hơko ih kư̆m 'lơ̆ng yua kơ ih 'băk hơnam tơmo rang.

Hơri Hiôk 4:9

Jơhngơ̆m inh huŏng đĭ lăm ih boih, ơ mŏ adruh inh, ŭnh om inh, Đơ̆ng lăp ih gơ'mreh măt lăng tơ inh hăm đơ̆ng inh 'bôh ih 'băk hơnam gĭt, na jơhngơ̆m inh huŏng đĭ lăm ih Ô 'ngam dêh tơdrong hơyuh.

Êsai 28:5

Lăm năr noh kơnh Kră Yang Tih Hloh gô jing thoi hơgăl pơkao rang mơnhal, păng hơgăl pơkao 'lơ̆ng rŏ kơ lu kon pơlei Sư mă oei oei.

Êsai 3:19

maih đoh, kong maih 'bot tơ ti che klơ̆p kơ̆l.

Êsai 3:21

Tơkhiĕn 'bot, gŏp muh.

Nhom 5:16

Môk pơtao pơlôch boih đơ̆ng kơ̆l lu nhôn, Lu nhôn pơmat-tat dêh, yua kơ lu nhôn pơm yoch!

Êsêkiên 16:17

Ih kư̆m iŏk tơmam pơhrôp pơm hăm maih, hu, mă Inh ăn kơ ih boih; ih pơm lu rup akâu drŏ-nglo, na pơm pơyô kư̆ kă hăm lu noh.

Êsêkiên 23:40

Hloh kơ noh dơ̆ng lu sư chă krao lu drŏ-nglo đơ̆ng ataih, to lu sư truh boih; yua kơ sư noh na ih hum hơrao, pik muh măt păng pơhrôp pơguăng ih kơdih.

Êsêkiên 23:42

Đei nơ̆r ôr jreo tơkĕch hiôk-hian đơ̆ng tơpôl bơngai lơ păng bơngai juăt kơ suai đơ̆ng char glă, hơdai hăm lu bơngai hmă. Lu sư tơ'bot kong 'bơ̆t ti lu bơngai drŏ-kăn păng pơyơ̆l môk pơtao 'lơ̆ng tơ kơpal kơ̆l.

Da 5:16

Inh đei kơtơ̆ng đe khan ih gơh tơblang păng pơm ăn kơ dôm tơdrong hơwơ̆l hơwang hiong đĭ. Thoi âu tơdah ih gơh đŏk lu chư âu păng tơblang ăn kơ inh, lei ih gô hrŭk ao pơtao, 'băk kon kiơng maih păng gô pơm kuan yŏng mă pêng lăm dêh char âu.

Da 5:29

Kiơ̆ thoi nơ̆r pơtao Belsatsar, đe iŏk ao pơtao pơhrŭk hloi kơ Đaniel; tơ'băk ăn kơ sư kon kiơng maih păng tơbăt hloi pôk sư pơm tih mă pêng lăm lu 'bok pơgơ̆r dêh char sư.

Da 5:7

Pơtao krao ôr athei đe krao lu bơngai hơgei, lu bơngai gơh tơwir lu pơjâu bơngai Kalđê truh. Đơ̆ng noh, pơtao khan kơ bơngai hơgei, lu bơngai pơjâu bơngai Kalđê lăm Babilôn thoi âu: Bu gơh đŏk chư 'nâu? Păng gơh tơblang ăn kơ inh băt, lei sư noh inh gô pơhrŭk ăn kơ sư ao pơtao, gơh đei 'băk kon kiơng maih tơ hơko sư păng jing bơngai pơm tih mă pêng lăm lu kuan pơgơ̆r teh đak.

Hôsia 2:13

Inh gô phak sư yua kơ lu năr mă sư soh pơyơ̆r 'long 'bâu phu kơ rup yang Baal, sư pơguăng đoh maih tơ đon 'bot kong păng dôm tơmam gĭt na năm kiơ̆ pơyô sư, na sư hiơt boih kơ Inh!” Kră Yang khan thoi noh.

Lêwi 8:9

Sư yơ̆l mu tơ kơ̆l sư, tơ anăp mu sư pơklep plăk maih, wă khan môk pơtao 'lơ̆ng rơgoh kiơ̆ kơ nơ̆r Kră Yang tơtă kơ Môis.

Jo 31:50

Rim 'nu lu nhôn chĕp ba maih mă đơ̆ng lu nhôn blah iŏk, rơbưn, kong, tơkhiĕn, le đon, kon kiơng, wă pơm tơmam pơyơ̆r ăn kơ Kră Yang wă huai đơ̆ng yoch 'bơ̆t anăp Sư.

Tơdrông Tơ'bôh 2:10

Iĕm 'nĕ hli mă tơdrong wă truh kơ iĕm kơnh pơgê, yua kơ yang kơnê̆ wă tah lu iĕm mơ'nah tơ lăm hnam phak, wă pơlong lăng tơdrong lui iĕm. Iĕm oei tơ lăm hnam phak dang mơjĭt năr đe đei pơm kơ iĕm pơmat-tat dêh, mă-lei apinh iĕm adrin bĕ truh lôch, đơ̆ng noh na Inh gô tơ'băk kơ iĕm agăl pơkao tơdrong arih ling-lang.

Tơdrông Tơ'bôh 4:10

na đĭ-đăng 'bar-jĭt puăn 'nu lu đe kră ei 'nap kơkuh kơ 'Bok Pơtao mă oei tơ tang-dŏ, 'Bok mă arih ling-lang ưh kơ layơ tôch ei. Môk maih lu sư 'măn 'bơ̆t anăp tang-dŏ 'Bok Pơtao, na lu sư hơri thoi âu:

Tơdrông Tơ'bôh 4:4

Tăp dăr kơ tang-dŏ 'Bok Pơtao ei đei 'bar-jĭt puăn tŏ tang-dŏ nai, đei 'bar-jĭt puăn 'nu lu đe kră oei tơ tang-dŏ ei. Lu sư tă hrŭk ao tai kok păng yơ̆l môk maih.

Lu 8:24

Giđêôn khan đơ̆ng kơ lu sư: “Inh wă apinh lu iĕm. Rim 'nu kơ lu iĕm athei ăn kơ inh dôm lu gŏp maih mă đêl lu iĕm blah iŏk.”a