Êsêkiên 16:10 - Sơ̆p Hlabơar Nơ̆r 'Bok Kei-Dei

¹⁰ Inh pơhrŭk ăn kơ ih ao dônh, tơ'bot ăn kơ ih chơkhŏ chuă păng akar, tơ̆n ăn kơ ih ao che 'bui, tơsu ăn kơ ih ao che tơpu hơdrông.

Êsêkiên 16:10 ပူးပေါင်းရင်းမြစ်များ

Bl 41:42

Pơtao plôh hloi tơkhiĕn đơ̆ng ti sư tơ'bot ăn kơ Jôsep, athei đe pơhrŭk ăn kơ sư ao che rơmuăn păng tơ'băk ăn kon kiơng maih 'bơ̆t hơko sư;

Horiso 45:15

Đe gô anhăk ba lu sư truh hăm tơdrong chơt hiôk 'nă hal. Mơ̆t tơ anih pơtao.

Le 25:5

akar ka tih, 'long Keo,

Le 26:14

Ih athei pơm minh blah wă klơ̆p bơbŭng bơsŭn hăm akar triu tơno tong đak 'brê păng minh blah dơ̆ng hăm akar ka tih.

Le 26:36

Ih athei pơm minh blah che pĕng găn 'măng Bơsŭna che jơk, 'brê hơhĭm, 'brê gôh che 'bui noh đei sĭt pơ'lơ̆ng boih;

Le 28:5

Lu sư gô yua che brai rang hlơ-hlĕch, brai jơk, brai 'brê gôh, 'brê hơhĭm păng che 'bui tanh hăm brai se.

Tơdrông Pơđơk 31:22

Sư tanh lơ blah hơbĕn, khăn, ao hrŭk. Sư hrŭk ao 'lơ̆ng brai se, đak 'brê jơk.

Êsai 3:23

Kơmĭl lăng, ao, che klơ̆p kơ̆l păng che gom muh măt.

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Êsêkiên 16:13

Ih pơguăng hăm maih, hu, hrŭk ao tai che 'bui tanh hăm brai se, che tơpu hơdrông păng che dônh sĭt. Ih sa tơpŭng 'lơ̆ng hăm đak sut, đak rơmă ôliwơ. Ih jing 'lơ̆ng hơbŏ trŏ lăp thoi pơtao drŏ-kăn.

Êsêkiên 16:18

Ih iŏk ao sĭt dônh tơsu kơ lu rup noh, iŏk đak rơmă ôliwơ, iŏk pơgang 'bâu phu Inh, na 'măn 'bơ̆t anăp lu sư.

Êsêkiên 16:7

Inh ăn kơ ih wơ̆ tih thoi 'long lăm mir, wơ̆ tih kơjung. Truh ih iung adruh wơ̆ 'lŏ, sŏk ih bluh kơjung, kơtơh ih rai tih mă-lei ih oei hang-hông koh hoh.

Êsêkiên 26:16

Đĭ-đăng lu yŏng lăm dêh char jê̆ đak dơsĭ, gô jur đơ̆ng tang-dŏ lu sư. Plôh ao tai păng hơleh hŭt lu ao reng. Lu sư pŭ iŏk tơdrong hli tơrơ păng oei tơ ala teh tơtơ̆. Lu sư gô hli yua kơ tơdrong truh tơ ih.

Êsêkiên 27:16

Lu bơngai char Siri mơdro hăm ih yua kơ ih đei mŭk tơmam lơ; lu sư iŏk tơmo jơmŏng, che rang, tơmam reng, che 'bui, che brai se, tơmo gĭt tơplih iŏk tơmam ih.

Êsêkiên 27:7

Che rơmuăn đei reng đơ̆ng Êyiptơ dăng pĕng kial, thoi hla-kơ, che pơm yơ̆p noh hăm che dreng jơk hơhĭm đơ̆ng bŏl đak dơsĭ Êlisa.

Luka 15:22

Mă-lei 'bă sư krao hloi lu bơngai jang kơ sư na sư khan: ‘Iŏk ao mă 'lơ̆ng bĕ, pơhrŭk ăn kơ sư. Iŏk tơkhiĕn tơ'bot ăn kơ sư păng pơtrô̆ ăn kơ sư chơkhŏ.

Tơdrông Tơ'bôh 18:12

tôm tơdrong tơmam thoi lĕ kơ maih, hu, tơmo gĭt, găr anam, che 'bui, brai thêt, che tơpu sơdrông; păng tôm kơ kơđoh 'long 'bâu phu; tôm kơ tơmam đơ̆ng bơla rôih, 'long kơdrăk, mam kong, tôm tơdrong mam, bơ̆n tơmo rang thoi akar pơnhan;

Tơdrông Tơ'bôh 19:8

'Bok Kei-Dei ăn kơ akăn Sư hrŭk ao che 'bui kok hơdah rang dêh.” Ao che 'bui kok hơdah rang noh wă pơtih gia kơ lu kon 'Bok Kei-Dei jing bơngai 'lơ̆ng tơpăt boih.

Tơdrông Tơ'bôh 21:2

Na inh 'bôh Pơlei Jêrusalem 'nao mă đe anăn Pơlei 'Lơ̆ng 'Bok Kei-Dei jur đơ̆ng plĕnh; pơlei Sư 'nao pơm 'lơ̆ng rŏ dêh dang kơ adruh 'nao đah pơhrôp hơbĕn ao 'lơ̆ng wă tơoei băl.