Êsêkiên 14:9 - Sơ̆p Hlabơar Nơ̆r 'Bok Kei-Dei

⁹ “Tơdah đe pơhlŭ bơngai khan lê̆ adrol na sư khan lê̆ adrol pơma minh nơ̆r ayơ noh, Inh boih Kră Yang lê̆ kơ đe pơhlŭ bơngai khan lê̆ adrol noh, păng Inh gô yơ̆r ti pơm plơ̆ kơ sư păng pơlôch pơrăm lê̆ sư đơ̆ng lăm kon pơlei Isơrael Inh.

Êsêkiên 14:9 ပူးပေါင်းရင်းမြစ်များ

II Ho 18:22

“Thoi noh Kră Yang ăn yang hơlĕnh pơma lăm 'bơ̆r lu bơngai khan lê̆ adrol pơtao păng Kră Yang kư̆m đei pơkă wă ăn tơdrong răm truh kơ pơtao.”

Jop 12:16

Tơdrong pran kơtang păng hơgei lăm Sư. Lăm Sư ngăl lu bơngai wơ̆l jrok păng lu bơngai mă pơm kơ đe wơ̆l jrok,

Êsai 10:4

Ưh pă đei kiơ oei oei. Lăp kŭp kơ̆l drap lăm lu bơngai bơnă păng pơ̆k hơdai hăm lu bơngai lôch đĕch. Mă-lei ră, Kră Yang oei hil mĭl kơ lu sư 'mơ̆i, ti Kră Yang oei yơ̆r tơ kơpal wă pơm kơ lu sư.

Êsai 5:25

Thoi noh bơih na Kră Yang hil mĭl kơ kon pơlei Sư; Kră Yang hiŏng ti teh lu sư, kông tơdrŏ, akâu bơngai lôch 'bĕnh-'bang kơ trong. Mă-lei tơdrong Kră Yang hil oei ưh kơ ngach oei hiŏng ti hil kơ lu sư 'mơ̆i.

Êsai 63:16

Mă-lei Ih bơih 'Bă lu nhôn mă khan Abraham ưh kơ băt kơ lu nhôn Isơrael kư̆m ưh kơ jô̆ lu nhôn; Ơ Kră Yang Ih jơ̆ 'Bă lu nhôn. Anăn Ih jơ̆ Tơ'ngla dŏng pơklaih lu nhôn ling-lang đơ̆ng sơ̆.

Êsai 66:4

Na Inh kư̆m gô rơih iŏk tơdrong pơmat ăn kơ lu sư, na tuh ăn tơdrong mă lu sư hli. Yua kơ mưh Inh krao ưh kơ đei bu tơl, Inh pơma lu sư ưh kơ wă mơ̆ng, Lu sư pơm bơih tơdrong kơnê̆ 'bơ̆t anăp Inh, păng rơih tơdrong mă Inh ưh kơ lăp đon.”

Êsai 9:12

Mă-lei kon pơlei ưh kơ wih brŏk ôh tơ tơ'ngla mă teh pơjĭ lu sư, kư̆m ưh kơ chơchă Kră Yang Tih Hloh.

Êsai 9:17

Yua kơ tơdrong kơnê̆ lu sư khơ̆ng thoi ŭnh sa 'nhĕt jơla hăm jơ'bôt jơla 'nhui sư kơdŭk hyôi tŏk kơjung.

Je 14:15

Thoi noh Kră Yang khan: “Gah lu bơngai mă khan lê̆ adrol hơlĕnh, lu sư yua anăn Inh na khan lê̆ adrol Inh ưh kơ đei wơh, mă-lei lu sư khan. ‘Đao gưm hăm pơngot rơwĕt ưh kơ truh tơ dêh char âu ôh.’ Lu bơngai khan lê̆ adrol noh boih gô lôch kơ đao gưm păng pơngot rơwĕt.

Je 4:10

Inh khan: “Ơ Kră Yang! Tơpă Ih đei hơlĕnh boih kơ lu kon pơlei âu păng pơlei Jêrusalem Ih khan: Lu iĕm gô đei hiôk-hian! Mă-lei pla đao 'bơm tơ hơko nhôn boih.”

Je 6:14

Lu sư hơmet rơka kon pơlei Inh 'bơ'biơ̆ đĕch na khan hiôk-hian hiôk-hian; mă tơpă ưh kơ đei hiôk-hian ôh.

Je 6:15

Lu sư pơm yoch kơnê̆ dêh hăm mơlâu ưh? Lu sư ưh kơ đei mơlâu ôh, muh măt lu sư ưh kơ đei layơ đum rak mơlâu. Kŭm ưh kơ băt mơlâu noh kiơ. Lei na lu sư gô pơ̆k hơdai hăm lu bơngai mă pơ̆k huŏng; truh năr Inh phak pơmat lu sư, lu sư gô hraih đang.” Kră Yang khan thoi noh.

Êsêkiên 13:9

Ti Inh gô tơblah plơ̆ kơ lu bơngai khan lê̆ adrol 'bôh tơdrong tơ'bôh hơlĕnh, pơm pơjâu ưh kơ trŏ. Lu sư ưh pă oei lăm kon pơlei Inh dơ̆ng, lu sư ưh pă đei anăn lăm sơ̆p hla bơar adrĕch Isơrael; păng ưh kơ gơh mơ̆t tơ lăm teh đak Isơrael; lu sư gô băt Inh boih Kră Yang tih hloh.

Êsêkiên 14:10

Lu sư mă pơhlŭ bơngai khan lê̆ adrol gô pŭ tơdrong phak lu sư kơdih; Inh phak bơngai khan lê̆ adrol lei-lăi kơ phak bơngai pơhlŭ.

Êsêkiên 14:5

Inh pơm thoi noh wă kơ Inh iŏk dơ̆ng jơhngơ̆m Isơrael, lu bơngai mă yua kơ đơ̆ng rup yang na weh tơklah đơ̆ng Inh.

Êsêkiên 16:27

'Nâu Inh yơ̆r ti blah ih, iŏk lê̆ tơmam đơ̆ng ăn kơ ih păng pơjao ih kơ lu bơngai ayăt areh kơ ih, lu kon drŏ-kăn Philistin, lu bơngai mă kơdơ̆ mơlâu yua kơ tơdrong ih pơm pơyô kư̆ kă.

Êsêkiên 20:25

Lei na Inh ăn kơ lu sư kiơ̆ khôi juăt ưh kơ 'lơ̆ng nơ̆r Inh tơtă ưh kơ đei ba tơdrong arih.

Hôsia 9:7

Năr wă phak lu sư truh boih, năr wă pơm 'mong lu sư truh boih! Ăn kơ lu bơngai Isơrael athei băt tơdrong noh. Yua kơ tơdrong yoch iĕm tih dêh, Păng tơdrong lu iĕm hil mĭl kư̆m tih dêh, Iĕm lăng lu bơngai khan lê̆ adrol thoi bơngai kơhlôh kơwao, thoi bơngai yang mơ̆t jing wơnh,

Sa 13:3

Đơ̆ng âu tơ anăp tơdah bu mă oei khan lê̆ adrol, na mĕ 'bă lu sư bơngai tơpŭ kơ lu sư, gô khan kơ lu sư thoi âu: ‘E ưh pă arih boih yua kơ e yua anăn Kră Yang pơma hơlĕnh.’ Mĕ 'bă lu sư gô 'bet sư tơdah sư khan lê̆ adrol.