Êsêkiên 14:8 - Sơ̆p Hlabơar Nơ̆r 'Bok Kei-Dei

⁸ Inh gô blah plơ̆ bơngai noh, wă pơm kơ sư jing tơdra, minh tơdrong wă kơ đe đei nơ̆r hơmoch. Inh gô pơpuh lê̆ lu sư đơ̆ng kon pơlei Inh. Na lu iĕm gô băt Inh boih Kră Yang.

Êsêkiên 14:8 ပူးပေါင်းရင်းမြစ်များ

Horiso 34:16

Muh măt Kră Yang hil kơ lu bơngai kơnê̆. Wă tơhiong lê̆ dôm tơdrong đe 'blŏk kơ lu sư tơ lăm teh đak.

Horiso 34:17

Lu bơngai 'lơ̆ng tơpăt Krao apinh, Kră Yang mơ̆ng hloi. Păng pơklaih lu sư đơ̆ng tơdrong pơmat-tat.

Horiso 37:22

Yua kơ lu bơngai mă Kră Yang ăn pŭn hiôk gô đei iŏk teh jang sa; Gah lu bơngai mă Sư hiap pơtê̆ gô lôch răm đĭ.

Êsai 65:15

Lu bơngai mă Inh rơih iŏk gô yua anăn iĕm wă hiap pơtê̆ kơ đe. Kră Yang gô pơlôch iĕm; Mă-lei Kră Yang gô iŏk anăn plơ̆ng krao tơplih ăn kơ lu đĭch đam Sư.

Je 21:10

Inh wă pơrăm pơlei âu, ưh kơ wă ăn pŭn hiôk kơ lu sư ôh. Kră Yang khan. Inh gô jao pơlei âu lăm ti pơtao Babilôn; sư gô soh pơrăm pơlei âu hăm ŭnh.

Je 24:9

Inh gô pơm ăn kơ đĭ-đăng dêh char lăm teh đak lăng 'brơ̆ krưp kơ lu sư. Lăng lu sư đei đe blei hiap, đe pơ'brơh, đe pơjăm pơjuă, tơ jơ̆p lăm dêh char mă Inh đei pơpuh lu sư tơ noh.

Je 29:22

Đĭ-đăng bơngai Juđa pơm bơnă lăm char Babilôn gô iŏk yua anăn 'bar 'nu bơngai 'nâu hiap tơhuăi, thoi âu: “Apinh Kră Yang ăn kơ iĕm kư̆m thoi Sêđekia păng Ahap, mă pơtao Babilôn đei phang lăm ŭnh,’

Je 44:11

Thoi noh 'nâu Kră Yang Tih Hloh 'Bok Kei-Dei Isơrael, khan: “'Nâu Inh gô ăn tơdrong răm truh păng pơlôch pơrăm đĭ lu iĕm bơngai Juđa.

Êsêkiên 13:23

yua kơ tơdrong noh, lu iĕm gô ưh pă đei 'bôh tơdrong tơ'bôh hơlĕnh, păng ưh pă tơwir dơ̆ng. Inh gô pơklaih kon pơlei Inh rơngei đơ̆ng ti lu iĕm, na lu iĕm gô băt Inh boih Kră Yang.’ ”

Êsêkiên 15:7

Inh gô tơwih muh măt blah plơ̆ lu sư, mă khan lu sư klaih dơ̆ng ŭnh boih ră, ŭnh gô sa lu sư; na lu sư gô băt Inh boih Kră Yang.

Êsêkiên 5:15

Ih gô jing tơmam đe pơjăm, đe che bơle hiĕk ăr, pơm kơ lu dêh char jum dăr kơ ih hli tơrơ, mưh Inh đei hil mĭl. Păng phak bơtho trăp tơpă. Inh boih Kră Yang mă đei khan thoi noh!

Êsêkiên 6:7

Lu bơngai mă đe pơlôch lăm lu iĕm gô pơ̆k lôch păng lu iĕm gô băt Inh boih Kră Yang!

Lêwi 17:10

Tơdah bơngai bu mă đơ̆ng lăm adrĕch Isơrael, dah bơngai tơmoi oei hăm sư, sa pham kiơ bưh, lei Inh gô iung hil mĭl kơ bơngai sa pham noh, Inh gô puh tơhiong lê̆ sư đơ̆ng bơngai Isơrael sư.

Lêwi 22:3

Khan bĕ kơ lu sư. Tơdah đei bu lăm lu kon sâu iĕm lăm đĭ chăl arih lu iĕm năm jê̆ lu tơmam 'lơ̆ng rơgoh mă kon pơlei Isơrael pơyơ̆r 'măn lê̆ kơ Kră Yang, na bơngai noh sư đei tơdrong kơnê̆ 'mê̆-'mach, đe gô puh tơlĕch sư weh đơ̆ng anăp Inh, Inh boih Kră Yang.

Lêwi 26:17

Inh gô wih rŏng hil mĭl kơ iĕm, lu bơngai ayăt kơ iĕm gô teh dong iĕm, lu bơngai areh kơ iĕm gô pơgơ̆r iĕm, lu iĕm gô kơdâu ôn mă khan ưh kơ đei bu druh.

Jo 16:38

gah lu gŏl đơ̆ng lu bơngai pơm yoch tah pơgang 'bâu phu păng soh pơyơ̆r boih jô̆ dĭng đĭ chăl arih lu sư, ih athei iŏk tơtang mă hơtăng na gom chơnang soi. Yua kơ lu gŏl noh pơyơ̆r boih 'bơ̆t anăp Kră Yang jing tơmam rơgoh; lu gĕl tơtang sư hơtăng noh wă pơm tơdra tơ'blŏk ăn kơ bơngai Isơrael.

Jo 19:20

Gah bơngai bu hơtŭt 'bơm 'mê̆ mă ưh kơ pơm hơmet kơdih akâu rơgoh, minh 'nu bơngai thoi noh đe gô puh tơweh tơlĕch sư đơ̆ng tơpôl kon pơlei, yua kơ sư pơm kơ hnam Kră Yang jing 'mê̆-'mach. Đak ôp sut tơdrong 'mê̆ ưh kơ đei tơtraih tơ akâu sư, sư noh đe jô̆ oei 'mê̆-'mach.

Jo 26:10

Kơplah noh, teh ha 'bơ̆r luăn 'bar 'nu bre sư păng Kôrê hơdai, lu bơngai kiơ̆ khŭl sư lôch hloi kơ ŭnh sa đĭ 'bar-hrĕng pơđăm-jĭt 'nu drŏ-nglo; noh boih tơ'bôh wă kơ kơchăng.

Rom 11:22

'Bok Kei-Dei 'mêm tơpă kơ kon bơngai, mă-lei Sư kư̆m hil kơ kon bơngai mơ̆n. Sư hil kơ lu bơngai mă kuă kơ lui kơ Sư. Gah lu iĕm Sư ưh kơ hil ôh yua kơ iĕm oei lui păng gơnang kơ Sư tơpă. Dah iĕm kuă kơ lui, Sư kư̆m chre hŭt dơng iĕm mơ̆n.

I Kor 10:11

Đe chih roi dôm tơdrong lu yă 'bok bơ̆n pơm ưh kơ lăp kơ 'Bok Kei-Dei, na 'Bok Kei-Dei pơrăm lu sư dang noh sơ̆, 'Bok Kei-Dei Sư wă kơ lu bơ̆n mă kon sâu se lu sư mă hơtuch dang ei băt kơ hli, huay pă pơm kơnê̆, thoi lu yă 'bok bơ̆n mă pơm kơnê̆ kơ 'Bok Kei-Dei sơ̆.

Both 28:37

Lăm lu adrĕch adrung mă Kră Yang puh iĕm truh tơ yơ, đĭ-đăng kon pơlei tơ noh hli tơrơ, 'bôh tơdrong pơmat-tat lu iĕm. Lu iĕm jing bơngai pơm kơ đe pơjăm hiĕk ăr.

Both 28:46

Lu tơdrong hiap pơtê̆ 'nâu gô oei đom tơ lăm akâu jăn păng oei tơ lăm adrĕch adrung iĕm nhen thoi tơdra tơ'blŏk trăp, ling-lang hlŏng hloi.

Both 29:19

Bơngai bu kơtơ̆ng dôm nơ̆r pơkă pơkăm lăm tơdrong pơgơ̆p 'nâu, 'nĕ sơkat pŭn hiôk kơdih 'nâu, 'nĕ kơ đei lăm jơhngơ̆m tơchĕng khan: Inh gô oei arih sa kiơ̆ tơdrong inh kơdih kư̆m bưh, huay kơ đei kiơ. Pơm thoi noh pơrăm iĕm kư̆m thoi teh hơiuh hăm teh hrĕng kro.