Êsêkiên 14:7 - Sơ̆p Hlabơar Nơ̆r 'Bok Kei-Dei

⁷ Khan kơ đĭ-đăng lu bơngai lăm adrĕch Isơrael păng đĭ-đăng tơmoi mă oei lăm Isơrael: Bơngai bu mă weh ataih đơ̆ng Inh, mă oei 'măn rup yang lăm jơhngơ̆m păng dan 'bơ̆t anăp lu sư tơdrong kơnê̆ yoch, wă pơm kơ đe kơtơih pơ̆k, na năm tơ'bơ̆p bơngai khan lê̆ adrol wă krao apinh Inh, Inh boih Kră Yang gô tơl tơwih kơ sư.

Êsêkiên 14:7 ပူးပေါင်းရင်းမြစ်များ

Le 12:48

Tơdah đei minh 'nu bơngai tơmoi ayơ oei hơdai lăm hnam iĕm, mă 'maih pơm 'blŏk hơdơ̆r giĕng Năm Brih Kră Yang, lei lu bơngai drŏ-nglo lu sư athei kăt tơdra akar; đơ̆ng noh na lu sư gơh năm pơm giĕng Năm Brih 'nâu păng gơh jô̆ thoi bơngai tơpŭ lăm char Isơrael. Mă-lei bơngai bu ưh kơ chu kăt tơdra akar, lei ưh kơ gơh sa ôh.

Le 20:10

Mă-lei năr mă tơpơh wă khan năr pơdơh kơ Kră Yang 'Bok Kei-Dei iĕm: Lăm năr 'noh ih, kon drŏ-nglo, kon drŏ-kăn, đĭch đam sem dơrong ih, dah tơmoi oei lăm hnam ih, 'nĕ kơ jang minh tơdrong kiơ ôh;

Êsai 63:17

Ơ Kră Yang liơ Ih pơm ăn kơ lu nhôn tơklah jrok ataih kơ trong gơlong Ih? Liơ Ih pơm ăn lăm jơhngơ̆m lu nhôn arăng ưh kơ hli kơ Ih? Apinh Ih wih hơlơ̆k bĕ yua kơ lu đĭch đam Ih, păng yua kơ lu adrĕch adrung jing mŭk tơmam Ih.

Je 37:17

Pơtao Sêđekia wơh đe năm krao Jêrêmi ba tơ hnam pơtao, sư jet Jêrêmi hơdrô̆ lăm hnam sư: “Kră Yang hăm đei khan kiơ?” Jêrêmi tơl: “Đei mơ̆n, đe gô jao ih tơ lăm ti pơtao Babilôn.”

Êsêkiên 3:20

Tơpă, dah minh 'nu bơngai tơpăt lê̆ tơdrong tơpăt sư na pơm yoch, Inh gô ăn đei tơdrong pơgăn 'bơ̆t anăp sư păng sư gô lôch yua kơ pơm yoch, mă-lei yua kơ ih ưh kơ khan khă bơngai noh, thoi noh sư gô lôch lăm tơdrong yoch sư, Inh ưh pă 'blŏk dôm tơdrong tơpăt mă sư đei pơm, mă-lei pham sư oei jô̆ lăm ti ih.

Hôsia 4:14

Inh ưh kơ phak lu kon adruh iĕm yua kơ yoch pơm pơyô, kư̆m ưh kơ phak lu mŏ mai iĕm yua kơ yoch ngôi hăm đe nai; yua kơ lu drŏ-nglo iĕm kư̆m ngôi kư̆ kă hăm lu drŏ-kăn đi, păng pơyơ̆r tơmam soi hăm lu bơngai drŏ-kăn kư̆ kă. Thoi noh lu kon pơlei ưh kơ hlôh gô hiong răm.

Hôsia 4:5

Ih gô kơtơih kơ năr, kơmăng gah 'bok khan lê̆ adrol kư̆m gô kơtơih pơ̆k hăm ih păng Inh gô pơlôch mĕ ih.

Hôsia 9:10

Lăp Inh 'bôh boih khŭl Isơrael, lu sư thoi hơie plei hơmu tơ lăm char glă. Lăp Inh 'bôh boih 'bok lu iĕm lu sư thoi plei hơra đum blŭng-a lăm bơyan plei; mă-lei lăp lu sư năm mơ̆t boih lăm anih Baal Pêôr; lu sư jao lu sư kơdih kơ rup yang Baal mơlâu kơdơ̆, na lu sư jing tơmam mă Kră Yang 'Bok Kei-Dei hil areh thoi rup yang lu sư mă lu sư 'mêm.

Lêwi 16:29

'Nâu jing tơdrong juăt kơ lu iĕm ling-lang khŏm khŏm truh tơ năr mơjĭt lăm khei tơpơh, lu iĕm athei pơmat akâu lu iĕm kơdih, ưh kơ gơh pơm minh tơdrong kiơ, mă kon pơlei pơla iĕm kơdih, dah tơmoi nai bơngai đơ̆ng ataih oei hăm lu iĕm.

Lêwi 20:2

Ih athei khan kơ kon pơlei Isơrael. Tơdah bơngai bu lăm kon pơlei Isơrael dah bơngai tơmoi oei lăm char Isơrael jao minh 'nu kon hơ'lơ̆p sư ăn kơ yang Mơlŏk, a bơngai noh đe gô pơlôch sư, kon pơlei lăm char noh gô klơ̆m pơlôch sư hăm tơmo.

Lêwi 24:22

Mă bơngai tơmoi lăm pơlei pơla kơdih kư̆m gô yua minh tơdrong juăt đĕch; yua kơ Inh boih Kră Yang 'Bok Kei-Dei lu iĕm.

Jo 15:15

Đĭ-đăng lăm tơpôl akŭm đei lăp minh khôi juăt 'nâu đĕch ăn kơ lu iĕm păng lu bơngai tơmoi mă oei hơdai iĕm. 'Nâu boih minh tơdrong juăt pơkă ling-lang kơ adrĕch adrung lu iĕm 'bơ̆t anăp Kră Yang; bơngai tơmoi kư̆m lei-lăi thoi lu iĕm mơ̆n.

Jo 15:29

Khôi juăt 'nâu yua kơ rim 'nu bơngai hơch 'bơm kơ pơm yoch mă tơdah glăi 'bơm pơm yoch, kư̆m gô pơm lei-lăi minh pôm khôi juăt kơ lu iĕm bơngai Isơrael dah lu bơngai tơmoi mă tơpŭ lăm char âu.

Both 29:19

Bơngai bu kơtơ̆ng dôm nơ̆r pơkă pơkăm lăm tơdrong pơgơ̆p 'nâu, 'nĕ sơkat pŭn hiôk kơdih 'nâu, 'nĕ kơ đei lăm jơhngơ̆m tơchĕng khan: Inh gô oei arih sa kiơ̆ tơdrong inh kơdih kư̆m bưh, huay kơ đei kiơ. Pơm thoi noh pơrăm iĕm kư̆m thoi teh hơiuh hăm teh hrĕng kro.

Ju 1:19

Lu bơngai noh pơm tơdrong tơhiŭl wă tơklah đon lu bơngai lui. Lu sư bơngai kiơ̆ kơ jơhngơ̆m kơdih 'maih pơm, ưh kơ đei Yang Bơhngol 'Lơ̆ng oei hơdai ôh.