Êsêkiên 14:5 - Sơ̆p Hlabơar Nơ̆r 'Bok Kei-Dei

⁵ Inh pơm thoi noh wă kơ Inh iŏk dơ̆ng jơhngơ̆m Isơrael, lu bơngai mă yua kơ đơ̆ng rup yang na weh tơklah đơ̆ng Inh.

Êsêkiên 14:5 ပူးပေါင်းရင်းမြစ်များ

Êsai 1:4

Ô dêh char yoch kơnê̆ dêh, kon pơlei pơla pơm yoch kơnê̆ trăp dêh tơpă, Adrĕch adrung pơm kơnê̆ dêh, lu kon hơ'lơ̆p pơm kư̆ kă, lu sư achăng hŭt Kră Yang. Lu sư Pơjăm Kră Yang 'Lơ̆ng tơpăt Isơrael, lu sư weh tơklah ataih bơih.

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Je 2:5

Kră Yang khan: “Yă 'bok lu iĕm đei 'bôh tơdrong kiơ mă ưh kơ tơpăt lăm Inh dĭng mah lu sư weh ataih đơ̆ng Inh Kiơ̆ lu yang kơnê̆ păng jing bơngai ưh kơ yua kiơ?

Hôsia 10:2

Jơhngơ̆m lu sư jing tơklah 'bar, na dang ei lu sư gô pŭ tơdrong pơmat yua kơ tơdrong yoch lu sư Kră Yang gô teh tơlơ̆ lê̆ chơnang soi, păng gô pơrăm lê̆ rup yang lu sư.

Sa 11:8

Lăp lăm minh khei đĕch Inh pơlôch đĭ pêng 'nu bơngai wei triu; Inh pă kĕ ĕnh hăm lu sư boih păng lu sư kư̆m lei-lăi ưh pă lăp kơ Inh.

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

Rom 1:30

pơjăm pơjuă dih băl. 'Bok Kei-Dei Sư Kră Yang, bơ̆n kư̆m areh kơ Sư mơ̆n. Bơ̆n bơngai hơwĕng dêh, bơ̆n pơ'brơh kơ đe, bơ̆n pơang akâu kơ đe, jơhngơ̆m bơ̆n 'bĕnh kơ tơdrong kơnê̆ ling-lang. Mĕ 'bă kơdih kư̆m ưh kơ băt kơ chu yom.

Rom 8:7

Bơngai mă gơnang kơ akâu sư kơdih, sư ayăt kơ 'Bok Kei-Dei, sư ưh kơ 'maih kiơ̆ tơdrong juăt 'Bok Kei-Dei pơkă; mă tơ̆ng sư 'maih, sư kư̆m ưh kơ kĕ kiơ̆ ôh.

Galati 6:7

Iĕm 'nĕ tơchĕng khan iĕm gơh hơlĕnh kơ 'Bok Kei-Dei, yua kơ Sư băt tôm tơdrong. Bơ̆n pơtăm găr kiơ gô đei plei 'nei tơpă.

Êphêsô 4:18

đon lu sư ưh kơ hlôh. Lu sư ataih đơ̆ng tơdrong arih 'Bok Kei-Dei ăn kơ lu iĕm, yua kơ lu sư kơtul jing arăng kơ̆l.

Kôlôsê 1:21

Sơ̆ iĕm oei ataih kơ 'Bok Kei-Dei, na jơhngơ̆m đon iĕm tơchĕng ayăt kơ 'Bok Kei-Dei ngăl; na iĕm pơm lơ tơdrong kơnê̆.

Hêbrơ 3:12

Ơ 'nhŏng oh, iĕm athei kơchăng hli kơ iĕm đei jơhngơ̆m kơnê̆ jing kuă kơ lui, achăng lê̆ 'Bok Kei-Dei Kră Yang mă arih ling-lang.