Êsêkiên 14:3 - Sơ̆p Hlabơar Nơ̆r 'Bok Kei-Dei

³ “Ơ kon bơngai, lu bơngai âu 'măn boih rup yang lăm jơhngơ̆m lu sư păng dan tơdrong yoch 'bơ̆t anăp muh măt wă pơm kơ lu sư kơtơih. Inh wă lê̆ kơ lu sư krao apinh Inh ưh?

Êsêkiên 14:3 ပူးပေါင်းရင်းမြစ်များ

II Pot 3:13

Êlisê khan kơ pơtao Isơrael: “Ih hăm inh đei tơdrong kiơ? Ih athei jet apinh bĕ bơngai khan lê̆ adrol mă mĕ 'bă ih yua sư noh:” Mă-lei pơtao Isơrael tơl: “Ưh ôh, yua kơ Kră Yang krao bơih pêng 'nu nhôn pơtao 'nâu wă jao lê̆ lăm ti lu bơngai Môap đĕch.”

Horiso 101:3

Inh ưh kơ ăn minh tơdrong kiơ kơnê̆ 'bơ̆t muh măt inh. Inh areh kơ tơdrong jang lu bơngai achăng lê̆ Ih: Tơdrong noh ưh kơ 'bơm tơ inh.

Horiso 66:18

Tơdah jơhngơ̆m inh mong răk tơdrong kơnê̆; Lei Kră Yang 'Bok Kei-Dei kuă kơ mơ̆ng nơ̆r inh.

Tơdrông Pơđơk 15:29

Kră Yang ataih đơ̆ng lu bơngai pơm kơnê̆, Jê̆ păng mơ̆ng nơ̆r lu bơngai tơpăt krao apinh.

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Tơdrông Pơđơk 21:27

Tơmam soi pơyơ̆r đơ̆ng lu bơngai pơm kơnê̆ Kră Yang areh dêh, pơma kiơ tơdah lu sư pơyơ̆r hăm jơhngơ̆m kơnê̆ tăm.

Tơdrông Pơđơk 28:9

Bơngai bu ưh kơ wă kuă pơgling đon mơ̆ng kiơ̆ khôi juăt. Nơ̆r krao apinh sư Kră Yang areh krưp.

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

Êsai 33:15

Lu bơngai arih kiơ̆ trong 'lơ̆ng tơpăt, pơma tơpăt, areh kơ tơdrong pơjuă sa tơmam đe. Hơpuih ti sư ưh kơ chro iŏk tơmam kơnê̆ đe apah, đon sư ưh kơ wă mơ̆ng tơdrong pơlôch băl, măt sư ưh kơ wă lăng tơdrong kơnê̆.

Je 11:11

Thoi noh Kră Yang khan thoi âu: Inh gô ăn tơdrong gleh răm truh, lu sư ưh kơ gơh klaih ôh, mă lu sư krao ôr apinh Inh, Inh ưh kơ wă mơ̆ng lu sư ôh.

Je 17:9

Jơhngơ̆m kon bơngai hơlĕnh pơdăr hloh kơ đĭ-đăng, păng kơnê̆ răm tơpă; Bu kĕ băt jơhngơ̆m kon bơngai?

Je 21:2

“Apinh ih krao apinh bĕ Kră Yang tơgŭm lu nhôn, yua kơ Nebukatnessar pơtao đe Babilôn oei năm wang blah lu nhôn. Rŏ lăng băt Kră Yang pơm tơdrong mơsêh kơ nhôn kiơ̆ thoi tơdrong mơsêh Sư pơm sơ̆, pơm ăn kơ pơtao Babilôn kơdŭn weh đơ̆ng lu nhôn.”

Êsêkiên 11:21

Mă-lei, lu mơ'nah đei jơhngơ̆m 'maih kiơ̆ tơdrong Inh areh păng tơdrong kơnê̆ krưp, Inh gô pơm tơwih tơdrong lu sư pơm tuh tơ kơ̆l lu sư, Kră Yang Tih Hloh khan thoi noh.”

Êsêkiên 14:2

Na đei nơ̆r Kră Yang khan kơ inh:

Êsêkiên 14:4

Na ih athei khan tơbăt kơ lu sư: ‘'Nâu nơ̆r Kră Yang Tih Hloh khan: “Bơngai bu lăm adrĕch Isơrael 'măn rup yang lăm jơhngơ̆m sư, păng dan tơdrong yoch wă pơm kơ kơtơih pơ̆k 'bơ̆t anăp muh măt lu sư, na năm tơ'bơ̆p bơngai khan lê̆ adrol, Inh boih Kră Yang gô tơl tơwih kơ lu sư trŏ thoi lơ rup yang lu sư.

Êsêkiên 14:7

Khan kơ đĭ-đăng lu bơngai lăm adrĕch Isơrael păng đĭ-đăng tơmoi mă oei lăm Isơrael: Bơngai bu mă weh ataih đơ̆ng Inh, mă oei 'măn rup yang lăm jơhngơ̆m păng dan 'bơ̆t anăp lu sư tơdrong kơnê̆ yoch, wă pơm kơ đe kơtơih pơ̆k, na năm tơ'bơ̆p bơngai khan lê̆ adrol wă krao apinh Inh, Inh boih Kră Yang gô tơl tơwih kơ sư.

Êsêkiên 20:16

Inh pơm thoi noh yua kơ lu sư ưh kơ chu kiơ̆ nơ̆r inh tơtă, ưh kơ chu kiơ̆ khôi juăt inh păng pơm yoch pơ'mê̆ lăm năr Sa'bat inh; pơm kiơ̆ kơkuh kơ rup yang lu sư.

Êsêkiên 20:3

“Ơ kon bơngai, khan bĕ kơ lu kră pơlei Isơrael: Kră Yang khan thoi âu: Hăm trŏ lu iĕm năm krao apinh Inh dah ưh? Kră Yang khan: Thoi Inh mă arih, Inh ưh kơ ăn lu iĕm krao apinh Inh.

Êsêkiên 20:31

Kơplah lu iĕm pơyơ̆r tơmam soi, pơyơ̆r kon drŏ-nglo soh hăm ŭnh, kơdih lu iĕm pơm kơnê̆ 'mê̆-'mach kơkuh kơ rup yang truh tơ dang ei? Ơ adrĕch Isơrael, Inh ưh kơ lê̆ lu iĕm krao apinh Inh. Kră Yang khan: Thoi Inh mă arih ling-lang, Inh ưh kơ ăn lu iĕm krao apinh Inh.

Êsêkiên 3:20

Tơpă, dah minh 'nu bơngai tơpăt lê̆ tơdrong tơpăt sư na pơm yoch, Inh gô ăn đei tơdrong pơgăn 'bơ̆t anăp sư păng sư gô lôch yua kơ pơm yoch, mă-lei yua kơ ih ưh kơ khan khă bơngai noh, thoi noh sư gô lôch lăm tơdrong yoch sư, Inh ưh pă 'blŏk dôm tơdrong tơpăt mă sư đei pơm, mă-lei pham sư oei jô̆ lăm ti ih.

Êsêkiên 33:30

Bĭ ih ơ kon bơngai, lu kon pơlei pơla, kon sâu ih, pơma roi 'bơm kơ ih tơ dur pơlei, hăm 'bơ̆t 'măng hnam, pơma dơnuh băl tơduă lu sư, rim 'nu, bĕ bơ̆n năm mơ̆ng nơ̆r đơ̆ng Kră Yang pơma kiơ.

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.

Êsêkiên 44:12

Yua kơ lu sư đei tơgŭm kon pơlei bơ̆jang 'bơ̆t anăp rup yang lu sư, pơm ăn kơ lu bơngai Isơrael pơ̆k huŏng pơm yoch, yua kơ tơdrong noh, Inh đei hiŏng ti phak lu sư, athei pŭ iŏk tơdrong yoch lu sư kơdih, Kră Yang khan.

Êsêkiên 6:9

Lu bơngai lăm lu sư mă đei klaih noh oei tơ lăm teh đak mă lu sư oei, đe rôp pơm bơnă. Lu sư 'blŏk kơ jơhngơ̆m Inh đei pơchah, chhŭr nuih bơih, yua kơ tơdrong lu sư, pơm kư̆ kă weh đơ̆ng Inh păng măt lu sư pơm pơyô kư̆ kă kiơ̆ kơ lu yang kơnê̆. Kơplah noh lu sư kơdih gô lăng krưp areh kơ tơdrong kơnê̆, yua kơ tôm tơdrong kơnê̆ lu sư đei pơm krưp tơpă.

Êsêkiên 7:19

Lu sư hŭt lê̆ hu tơ trong, maih lu sư jing thoi tơmam kơnê̆. Maih, hu ưh kơ gơh pơklaih lu sư kơplah năr Kră Yang hil. Kŭm ưh kơ đei pơm kơ lu sư huay kơ pơngot, kư̆m ưh kơ pơm kơ lu sư phĭ klak, tơmam noh pơm kơ lu sư pơ̆k lăm tơdrong yoch.

Hôsia 4:5

Ih gô kơtơih kơ năr, kơmăng gah 'bok khan lê̆ adrol kư̆m gô kơtơih pơ̆k hăm ih păng Inh gô pơlôch mĕ ih.

Jêphania 1:3

“Inh wă pơlôch kon bơngai păng kon sem brem, sem păr păng ka lăm đak dơsĭ, Inh gô tơhuŏng lê̆ lu bơngai pơm kơnê̆; păng Inh gô tơhuŏng lê̆ kon bơngai đơ̆ng kơpal teh.” Kră Yang khan thoi noh.

Sa 7:13

Đei tơdrong truh thoi kơplah Inh krao, lu sư ưh kơ chu mơ̆ng, na kơplah lu sư krao Inh kư̆m ưh kơ wă mơ̆ng, Kră Yang Tih Hloh khan thoi noh.

Luka 20:8

Na Yêsu khan kơ lu sư: “Lei Inh kư̆m ưh kơ roi ăn kơ iĕm bu ăn kơ Inh pơpuh đe păng bơtho đe tơ lăm hnam akŭm âu mơ̆n.”

Êphêsô 5:5

Dôm lu bơngai đi, lu bơngai pơm pơyô kư̆ kă, lu bơngai hưch hanh lơ tơdrong, bơ̆n băt boih lu bơngai oei pơm thoi noh ưh kơ gơh oei hơdai Yêsu Krist hăm 'Bok Kei-Dei kơplah Sư pơgơ̆r pơm Pơtao ning-mônh ôh. Lu bơngai thoi noh lu sư dang bơngai kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.

I Pet 2:8

Tơ lăm sơ̆p hla bơar 'Bok Kei-Dei kư̆m khan thoi âu dơ̆ng: “Kon bơngai gô kơtơih pơ̆k kơ tơmo noh.” Lu bơngai mă kơtơih pơ̆k noh yua kơ lu sư kuă kơ lui kơ nơ̆r 'Bok Kei-Dei pơma, na 'Bok Kei-Dei ăn kơ lu sư kơtơih pơ̆k.

Tơdrông Tơ'bôh 2:14

Mă-lei Inh ưh kơ lăp đon kơ iĕm 'bar pêng tơdrong âu: Yua kơ đei lăm lu iĕm mơ'nah kiơ̆ tơdrong 'bok 'Balam. 'Bok 'Balam sơ̆ sư pơchŭt 'bok 'Balăk pơhlŭ lu bơngai Isơrael sa tơmam đe soi sơmah kơ rup yang păng wă kơ lu sư pơm pơyô kư̆ kă.

I Sam 28:6

Sôl krao khan kơ Kră Yang; mă-lei Kră Yang ưh kơ đei tơl nơ̆r sư, lăm tơdrong apo, dah đơ̆ng Urim dah đơ̆ng 'bơ̆r lu bơngai khan lê̆ adrol.