Êsêkiên 14:13 - Sơ̆p Hlabơar Nơ̆r 'Bok Kei-Dei

¹³ “Ơ kon bơngai dah char ayơ pơm yoch hăm Inh, ưh kơ tơnăp tơnen hăm Inh, Inh yơ̆r ti phak lu sư pơrăm lê̆ hnam mong tơmam lu sư, ăn tơdrong pơngot rơwĕt truh păng pơlôch đĭ bơngai hăm sem dơrong lu sư.

Êsêkiên 14:13 ပူးပေါင်းရင်းမြစ်များ

Bl 6:7

Kră Yang khan thoi âu: “Inh gô pơrăm lê̆ đĭ kon bơngai kơpal teh mă đêl Inh pơjing, đơ̆ng kon bơngai truh tơ lu kon sem brem, lu hơdrông kơep lep-ler, lu sem păr, yua kơ inh hmach kơdih akâu đei pơjing boih lu sư noh.”

Esơra 9:6

na krao apinh thoi âu: “Ơ, Kră Yang 'Bok Kei-Dei inh! Inh kơdơ̆ mơlâu dêh, ưh kơ pơ̆n ngơk lăng muh măt tơ Ih, Ih boih Kră Yang 'Bok Kei-Dei inh; yua kơ tơdrong yoch kơnê̆ lu nhôn pơm kơjung hloh kơ kơ̆l lu nhôn păng tơdrong yoch lu nhôn pơm kơjung truh tơ plĕnh.

Êsai 24:20

Plei teh tơdrŏ 'ma 'ngiĕo nhen bơngai suai, yĕng yŏng thoi pơk gia, tơdrong yoch sư trăp dêh, sư gô pơ̆k huŏng ưh kơ kĕ iung dơ̆ng.

Êsai 3:1

Âu, Kră Yang Kră Yang Tih Hloh, gô iŏk lê̆ tơdrong dŏng păng tơgŭm dôm tơmam kăl yua đơ̆ng pơlei Jêrusalem păng char Juđa, thoi kơ tơmam sa mă lu sư gơnang păng đak mă lu sư hơmĕng.

Je 32:43

Lu đe gô tĕch dah răt teh mir na lăm char 'nâu char mă ih đei khan: “Sư jing bri brah ưh kơ đei bơngai oei, kon sem brem kư̆m ưh kơ đei, đei jao boih tơ lăm ti lu bơngai Kalđê.’

Je 36:29

Kŭm roi ăn kơ Jêhôiakim pơtao đe Juđa, 'nâu Kră Yang khan: ‘Ih soh boih sơnôm hla bơar âu păng jet: Liơ ih pơ̆n chih khan pơtao Babilôn gô truh, pơrăm dêh char âu păng pơlôch kon bơngai hăm sem dơrong.’

Je 52:6

Truh năr tơsĭn khei puăn lăm sơnăm noh, đei tơdrong pơngot rơwĕt tih lăm pơlei truh tơ kon pơlei oei lăm noh tơmam sa pă đei.

Je 7:20

Yua kơ thoi noh Kră Yang khan: “'Nâu Inh gô tuh tơdrong Inh hil tơ lăm dêh char âu, tơ lu kon bơngai tơ lu sem dơrong tơ lu 'long plei lăm mir păng plei yua đơ̆ng teh. Tơdrong Inh hil gô soh pơđĭ, ŭnh gô sa ưh kơ đei păt.”

Nhom 1:20

Ơ Kră Yang, lăng bĕ, yua kơ inh tơ'bơ̆p tơdrong gleh truh, Jơhngơ̆m inh chhŭr nuih, plei nuih inh pơpơ̆, Yua kơ inh pơm kơnê̆ dêh. Tơ 'nguaih đei đao gưm pơrăm đe, Tơ lăm hnam đei tơdrong lôch.

Nhom 1:8

Jêrusalem pơm yoch tih, yua kơ 'noh na mă jing kơnê̆ 'mê̆ brư̆. Dôm lu bơngai mă juăt kơ pơyom kơ sư dang ei pă đei boih, Yua kơ 'bôh sư hang-hông. Kơdih kâu lu sư tơtok, na kơdŭn tơ rŏng.

Êsêkiên 14:12

Đei nơ̆r Kră Yang khan kơ inh.

Êsêkiên 14:17

Dah mă Inh ăn đei tơdrong tơblah hăm char noh păng khan: ‘Athei ăn kơ đe iŏk đao hơlă tơblah lăm char’ păng pơlôch pơrăm đĭ kon bơngai păng lu sem dơrong,

Êsêkiên 14:19

Dah Inh ăn tơdrong lôch hơbuh truh lăm char noh, Inh tuh tơdrong hil hăm pham lĕch, wă pơlôch pơrăm đĭ bơngai hăm lu sem dơrong,

Êsêkiên 14:21

Kră Yang Tih Hloh khan thoi âu: “Rai krưp kơnê̆ hloh dơ̆ng mưh Inh ăn puăn tơdrong sek tơlang trăp; tơdrong đao hơlă tơblah, tơdrong pơngot rơwĕt, tơdrong sem bri pơrăm păng tơdrong lôch hơbuh truh tơ Jêrusalem wă pơlôch đĭ bơngai păng sem dơrong.

Êsêkiên 15:8

Inh gô ăn kơ char âu jing juơ rơhiăng, yua kơ lu sư pơm yoch ưh kơ wă chu, Kră Yang Tih Hloh khan thoi noh.”

Êsêkiên 20:27

Thoi noh, ơ kon bơngai, athei khan kơ adrĕch Isơrael thoi âu: 'Nâu nơ̆r Kră Yang khan: 'Bok yă lu iĕm pơma blông hăm Inh, yua kơ lu sư ưh wă chu Inh.

Êsêkiên 25:13

Kră Yang khan: Inh gô yơ̆r ti Inh phak char Eđôm gô pơlôch đĭ bơngai păng lu sem dơrong noh; Inh gô pơm kơ char noh jing juơ đơ̆ng pơlei Thêman truh tơ pơlei Đêđan, lu sư gô pơ̆k lôch kơ đao.

Êsêkiên 4:16

Sư khan kơ inh dơ̆ng: “Ơ kon bơngai, Inh gô pơhrŏ tơjur lê̆ 'bĕng sa lăm Jêrusalem, lu sư gô sa 'bĕng kiơ̆ kơ kŏng hơgăt lê̆ păng gô sa hăm tơdrong hli, lu sư gô nhă đak kư̆m hơgăt lê̆ păng nhă hăm tơdrong hli krê.

Êsêkiên 5:16

Layơ Inh prah 'brơ̆m tơdrong pơngot rơwĕt păng tơdrong lôch rŭng, wă prah pơrăm lu bơngai mă trŏ kơ pơlôch; Inh prah wă pơrăm ih, Inh gô pơthim tơdrong pơngot rơwĕt kơ ih păng gô pơrăm lê̆ trong tơmam sa ih.

Êsêkiên 6:14

Inh gô yơ̆r ti Inh wă blah lu sư; Inh gô pơm kơ teh đak, anih lu sư oei gô jing juơ; Inh gô pơrăm đơ̆ng char glă truh tơ pơlei Dibla. Thoi noh na lu sư gô băt Inh boih Kră Yang.”

Êsêkiên 9:9

Kră Yang tơl inh: “Tơdrong yoch lăm adrĕch Isơrael păng Juđa tih dêh tơpă; teh 'bĕnh kơ pham pơlôch băl, lăm pơlei 'bĕnh kơ tơdrong kơnê̆ pơrăm băl. Lu sư khan: ‘Kră Yang achăng lê̆ boih teh âu, Kră Yang ưh kơ 'bôh.’

Da 9:5

Lu nhôn pơm yoch boih, pơm tơdrong ưh kơ trŏ, oei arih sa kơnê̆, lu nhôn ưh kơ chu păng achăng lê̆ tơdrong juăt păng nơ̆r Ih tơtă.

Lêwi 26:26

Tơdah inh ăn tơdrong pơngot rơwĕt truh, mơjĭt 'nu adruh gô 'buh 'bĕng lu iĕm lăm minh tơnuh ŭnh păng kŏng 'bĕng noh na wih ăn kơ lu iĕm, lu iĕm sa ră mă-lei ưh kơ phĭ.