Êsêkiên 14:1 - Sơ̆p Hlabơar Nơ̆r 'Bok Kei-Dei

¹ Đei lu kră pơlei Isơrael truh tơ inh, hơ-oei 'bơ̆t anăp inh:

Êsêkiên 14:1 ပူးပေါင်းရင်းမြစ်များ

II Pot 6:32

Êlisê oei ngôi lăm hnam sư kơdih, păng lu kră pơlei kư̆m oei ngôi tăp dăr kơ sư, na pơtao wơh bơih bơngai năm pơlôch Êlisê. Mă-lei kơplah bơngai mă pơtao wơh năm ei ưh tam mă truh, na Êlisê, roi ăn kơ lu kră pơlei thoi âu: “To, iĕm lăng kon 'bok mă juăt kơ pơlôch bơngai noh athei đe năm kăt ako inh. Bơ̆n krăng hŏ mưh sư truh, tang lê̆ 'măng hŏ ưh kơ ăn sư mơ̆t, iĕm ưh kơ kơtơ̆ng jơ̆ng yŏng tơ'ngla sư nơnăm 'bơ̆t rŏng sư hă?”

Êsai 21:12

Bơngai gak tơl khan: “Pơgê truh bơih kơmăng kư̆m truh mơ̆n. Mưh ih wă jet; jet bĕ, kơnh wơ̆t tơ âu dơ̆ng hŏ.”

Êsai 29:13

Kră Yang khan: Kon pơlei âu năm jê̆ Inh hăm 'bơ̆r lu sư đĕch; kơkuh kơ Inh hăm hơkŭng, mă-lei jơhngơ̆m lu sư ataih đơ̆ng Inh. Tơdrong lu sư hli yom kơ Inh jơ̆ kiơ̆ tơdrong tơtă kon bơngai đĕch păng đơ̆ng kon bơngai bơtho ăn.

Êsêkiên 14:2

Na đei nơ̆r Kră Yang khan kơ inh:

Êsêkiên 20:1

Sơnăm tăl mă tơpơh, năr mơjĭt khei pơđăm, đei lu kră pơlei Isơrael năm krao apinh Kră Yang, dơ̆ng 'bơ̆t anăp inh.

Êsêkiên 20:3

“Ơ kon bơngai, khan bĕ kơ lu kră pơlei Isơrael: Kră Yang khan thoi âu: Hăm trŏ lu iĕm năm krao apinh Inh dah ưh? Kră Yang khan: Thoi Inh mă arih, Inh ưh kơ ăn lu iĕm krao apinh Inh.

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.

Êsêkiên 33:32

Kiơ̆ kơ lu sư lăng, ih thoi bơngai hơri tơdrong hưch wă hiôk, hơri tơ'nguơ̆ hơbôn, đei brŏ reh pơjuang hiôk; lu sư mơ̆ng nơ̆r ih đĕch mă-lei ưh kơ pơm kiơ̆.

Êsêkiên 8:1

Lăm sơnăm tăl mă tơdrâu, năr pơđăm khei tơdrâu, kơplah inh oei hơ-oei lăm hnam, lu kră pơlei Juđa, oei 'bơ̆t anăp inh, tơpang ti Kră Yang tih hloh tơ'bôh kơ inh.

Luka 10:39

Mathê đei minh 'nu oh drŏ-kăn anăn sư Mari. Na Mari tơoei 'bơ̆t jơ̆ng Yêsu mơ̆ng Sư bơtho.

Jang 22:3

“Inh 'nâu bơngai Juđê tơpă. Mĕ inh tơpŭ kơ inh sơ̆ tơ Pơlei Tarsơ dêh char Salisia. Hơtai inh oei 'lơ̆p sơ̆ inh oei tơ Pơlei Jêrusalem âu. Inh năm hŏk pơhrăm tơ 'bok thây Gemel. Inh pơhrăm tôm tơdrong juăt lu 'bok kơdră bơ̆n sơ̆. Inh hăt kơ kiơ̆ tôm tơdrong 'Bok Kei-Dei kư̆m lei-lăi thoi lĕ kơ đĭ-đăng lu iĕm dang ei mơ̆n.

Jang 4:5

Truh pơgê dơning na lu 'bok pơgơ̆r đe Juđê, lu thây bơtho tơdrong juăt đe Juđê păng lu 'bok gơh sek tơlang, pêng khŭl lu 'bok âu akŭm tơ Pơlei Jêrusalem wă sek tơlang tơdrong bre Pêtrôs păng Yôhan.

Jang 4:8

Na Pêtrôs 'bĕnh kơ Yang Bơhngol 'Lơ̆ng khan kơ lu sư thoi âu: “Ơ đe kră sek tơlang păng kră pơgơ̆r lu bơngai Juđê,