Êsêkiên 13:8 - Sơ̆p Hlabơar Nơ̆r 'Bok Kei-Dei

⁸ Thoi noh na Kră Yang Tih Hloh khan: Yua kơ lu iĕm pơma hơlĕnh, 'bôh tơdrong ưh kơ trŏ, âu Inh blah plơ̆ lu iĕm, Kră Yang Tih Hloh khan thoi noh.

Êsêkiên 13:8 ပူးပေါင်းရင်းမြစ်များ

I Pot 13:18

Bơngai khan lê̆ adrol kră 'noh tơl sư khan: “Inh kư̆m dai bơngai khan lê̆ adrol lei-lăi thoi ih. Đei minh 'nu linh jang 'lơ̆ng Kră Yang khan kơ inh: ‘Ih athei chông ba sư brŏk tơ hnam ih sŏng sa, nhă đak.’ ” Mă-lei bơngai khan lê̆ adrol kră hơlĕnh kơ sư.

Je 21:13

Kră Yang khan: “'Nâu Inh wă blah lu iĕm, ơ pơlei tih Jêrusalem, oei kơpal tơmo tih dơnă lăm anih groi kông, lăng tơ bơngai oei lăm thŭng, Lu iĕm khan, ‘Bơngai bu gơh năm blah bơ̆n? Bơngai bu kĕ mơ̆t lăm anih kơjăp bơ̆n kơ'nơp?’ ”

Je 23:30

Kră Yang khan. Thoi noh na 'nâu Inh gô blah lu bơngai khan lê̆ adrol mă tơtông iŏk băl nơ̆r inh đơ̆ng tơduă lu sư na khan nơ̆r Inh.

Je 29:31

“Chih roi bĕ kơ đĭ-đăng kon pơlei oei pơm bơnă: 'Nâu Kră Yang khan gah Sêmaia bơngai Nêhelam: ‘Yua kơ Sêmaia khan lê̆ adrol kơ lu iĕm boih, mă Inh ưh kơ athei sư khan păng sư kư̆m pơm kơ iĕm lui kơ nơ̆r sư hơlĕnh.’

Je 51:25

Kră Yang khan: “Ơ kông ngăl pơrăm, 'nâu Inh pơrăm ih, ih boih mă pơrăm đĭ-đăng teh đak! Inh gô yơ̆r ti pơm kơ ih, tơlơ̆ ih đơ̆ng tơmo cheng kông, pơm ăn kơ ih jing thoi kông ŭnh sa khôi ngơr.

Êsêkiên 21:3

Khan bĕ kơ teh đak Isơrael: Kră Yang khan thoi âu: Âu, Inh năm wă phak lu iĕm. Inh gô toh đao Inh đơ̆ng hơnglop, pơrăm lu bơngai tơpăt păng lu bơngai kơnê̆ đơ̆ng lăm lu iĕm.

Êsêkiên 26:3

Thoi noh, Kră Yang khan: Ơ Tirơ! Âu, Inh wă phak ih. Inh gô ăn lơ teh đak iung blah ih, nhen thoi đak dơsĭ poh-yă.

Êsêkiên 28:22

Khan bĕ kơ sư: Kră Yang khan thoi âu: Ơ pơlei Siđôn, âu, Inh blah ih; Inh wă kơ đei ư-ang lăm ih. Lu sư gô băt inh boih Kră Yang, kơplah inh sek tơlang phak ih wă tơ'bôh tơdrong rơgoh Inh.

Êsêkiên 29:10

lei na 'nâu, Inh blah ih păng lu krong ih, Inh gô pơm kơ char Êyiptơ iŏk đơ̆ng pơlei Mikdôl păng pơlei Aswan truh tơ hơdral Êthiôpi jing juơ tơtŭng.

Êsêkiên 34:10

Kră Yang khan thoi âu: Inh wă blah lu bơngai wei triu. Inh gô dui iŏk triu Inh đơ̆ng ti lu sư; Inh ưh pă ăn kơ lu sư wei triu Inh dơ̆ng păng lu sư ưh pă gơh 'me rong kơdih dơ̆ng; Inh dŏng iŏk triu Inh đơ̆ng lăm 'bơ̆r lu sư, wă kơ triu Inh ưh pă pơm tơmam sa kơ lu sư dơ̆ng.

Êsêkiên 35:3

Păng khan kơ lu sư: Kră Yang khan thoi âu: Ơ Kông Seir, inh blah Ih! Inh gô yơ̆r ti blah ih, gô pơm kơ anih ih juơ rơhiăng pă đei.

Êsêkiên 39:1

Ơ kon bơngai, khan lê̆ adrol blah Gôk, khan bĕ kơ sư: “Kră Yang khan thoi âu: Ơ Gôk pơtao đe Rôs, Mêsêk păng Tubal, Inh blah ih.

Êsêkiên 5:8

Na, Kră Yang Tih Hloh khan: “Âu, Inh kơdih akâu Inh blah ih păng Inh gô phak ih 'bơ̆t anăp lu dêh char.

Na 2:13

Kră Yang khan: 'Nâu, Inh tơblah hăm ih. Inh gô soh lu gre aseh ih lăm ŭnh. Đao gưm gô luăn sa kon dăm-brang ih; Inh gô pơlôch lê̆ dôm kon sem ih châu sa đơ̆ng teh âu; păng lu bơngai ih wơh nơ̆r ih ưh pă kơtơ̆ng boih.

I Tim 4:1

Yang Bơhngol 'Lơ̆ng khan tơpăt wă kơ bơ̆n băt nhên: Ning-mônh gô đei lu bơngai achăng lê̆ tơdrong lui sư, lu sư wă lui yom kơ lu yang mă pơma hơlĕnh kơ kon bơngai, lu sư gô lui kơ yang kơnê̆ bơtho.

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.

I Pet 3:12

Yua kơ 'Bok Kei-Dei wei-lăng lu bơngai 'lơ̆ng ling-lang, păng mơ̆ng tơdrong lu sư krao khan; gah lu bơngai pơm kơnê̆, 'Bok Kei-Dei hil dêh.”