Êsêkiên 13:19 - Sơ̆p Hlabơar Nơ̆r 'Bok Kei-Dei

¹⁹ Lu iĕm pơm pơ'mê̆ kơ Inh lăm lu kon pơlei Inh, wă kơ đei minh chup 'ba tơ'bâu păng minh tơpei 'bĕng, pơma hơlĕnh kơ kon pơlei Inh, lu sư mơ̆ng kiơ̆ nơ̆r hơlĕnh lu iĕm, na pơlôch bơngai mă ưh kơ trŏ kơ lôch, păng rong bơngai mă ưh kơ trŏ wă rong arih.

Êsêkiên 13:19 ပူးပေါင်းရင်းမြစ်များ

Tơdrông Pơđơk 17:15

Bu dŏng bơngai kơnê̆ khan bơngai tơpăt. Bu băt jâu bơngai 'lơ̆ng tơpăt khan kơnê̆, 'Bar 'nu bre noh Kră Yang areh pơđĭ.

Tơdrông Pơđơk 19:27

Ơ dăm, dah ih pơdơh pă mơ̆ng đe bơtho khan noh, Lei pơm kơ ih tơklah ataih đơ̆ng nơ̆r hlôh wao.

Tơdrông Pơđơk 28:21

Mơ̆t dŏng đe noh ưh kơ 'lơ̆ng. Mă đơ̆ng minh pôm 'bĕng mi ră mă-lei gô pơm glăi.

Êsai 5:20

Răm-'băm dêh kơ bơngai bu khan pơm kơnê̆ noh 'lơ̆ng, khan pơm 'lơ̆ng noh kơnê̆; khan măng mu noh hơdah, hơdah noh khan măng mu; tơmam tăng khan 'ngam, tơmam 'ngam khan tăng.

Êsai 56:11

Lu sư jơ̆ kŏ sa dư, ưh kơ băt phĭ. Noh bơih lu bơngai wei triu ưh kơ hlôh wao: Chă wơ̆t kiơ̆ trong kơdih lu sư; rim 'nu lu sư chă tơdrong pơyua kơdih, đơ̆ng blŭng truh tơ tôch.

Je 23:14

Inh 'bôh lăm lu bơngai khan lê̆ adrol lăm pơlei Jêrusalem pơm tơdrong kơnê̆ dêh; Lu sư pơm pơyô kư̆ kă păng yak kiơ̆ trong hơlĕnh pơdăr; lu sư pơdrŭt bơngai pơm kơnê̆ rai dêh, na lu sư ưh pă đei bu 'maih lê̆ tơdrong kơnê̆. Inh lăng rim kơ lu sư thoi pơlei Sôđôm, păng kon pơlei Jêrusalem nhen thoi pơlei Gômôrơ.”

Je 23:17

Lu sư hrăn pơma roi kơ lu bơngai areh kơ Inh: ‘Kră Yang khan: Lu iĕm gô đei hiôk-hian.’ Lu sư pơma roi kơ đĭ lu bơngai arăng kơ̆l kiơ̆ thoi lu sư wă kơdih. ‘Ưh kơ đei tơdrong răm kiơ truh kơ iĕm ôh.’

Êsêkiên 13:20

Thoi noh na 'nâu nơ̆r Kră Yang Tih Hloh khan: Inh blah plơ̆ lu bơngai chă tơwir hơlĕnh wă chă lua rôp bơhngol bơngai nhen thoi chă lua rôp sem; Inh gô hek lê̆ che tơwir đơ̆ng ti lu iĕm, păng plôh achăng lê̆ bơhngol mă lu iĕm đei rôp thoi sem.

Êsêkiên 13:22

Yua kơ lu iĕm iŏk tơdrong hơlĕnh pơm kơ lu bơngai tơpăt rơdu sơ'ngon mă Inh tam pơm kơ lu sư rơdu sơ'ngon ôh, păng yua kơ lu iĕm pơhlŭ lu bơngai kơnê̆ wă kơ lu sư ưh kơ tơbral lê̆ trong kơnê̆, na gơh đei arih,

Êsêkiên 20:39

Gah lu iĕm, ơ adrĕch Isơrael, Kră Yang khan thoi âu: Rim 'nu kơ lu iĕm năm kơkuh bĕ kơ rup yang! Mă-lei đơ̆ng rŏng kơ noh, lu iĕm gô mơ̆ng kiơ̆ Inh, ưh pă pơ'mê̆ kơ anăn Inh dơ̆ng hăm tơmam soi kơkuh kơ rup yang.

Êsêkiên 22:25

Lu 'bok khan lê̆ adrol lăm lu iĕm đei pơgơ̆p băl nhen thoi dăm-brang grĕnh hơrum sa tơmam đêl lu sư rôp. Lu sư châu sa bơngai, tơtông iŏk lu mŭk tơmam gĭt, pơm kơ lơ bơngai drŏ-kăn jing adro po lăm pơlei.

Êsêkiên 22:26

Lu 'bok soi pơm glăi kơ khôi juăt Inh, pơm 'mê̆-'mach kơ tơmam rơgoh Inh. Lu sư ưh kơ băt lăng ayơ rơgoh, ayơ hmă, ưh kơ băt bơtho tơ'bôh ayơ 'mê̆-'mach, ayơ rơgoh. Lu sư tep măt ưh kơ kiơ̆ lu năr Sa'bat Inh, lei na pơm pơ'mê̆ kơ Inh boih lăm lu sư.

Êsêkiên 22:27

Lu yŏng pơgơ̆r oei lăm lu sư nhen thoi kŏ-so kăp sa sem bri, pơm tuh pham pơlôch bơngai, wă tơgar iŏk tơmam.

Mi 3:11

Lu bơngai sek tơlang sek pơgâm, lu 'bok soi bơtho tơ'bôh yua kơ jên đe apah, bê̆ gah lu bơngai khan lê̆ adrol pơma tơ'bôh kư̆m yua kơ jên. Mă-lei lu sư pơm gơnang kơ Kră Yang na khan: Kră Yang ưh kơ oei lăm lu bơ̆n hă? Tơdrong răm huay kơ truh tơ lu bơ̆n ôh!

Mi 3:5

'Nâu jơ̆ nơ̆r Kră Yang khan gah lu bơngai khan lê̆ adrol, chông kon pơlei Inh na jrok trong, lu bơngai mă ăn rơnŭk rơnua tơmam sa lăm 'bơ̆r lu sư, lu sư khan: Wă tơblah hăm lu bơngai mă ưh kơ ăn tơmam sa kơ lu sư.

Malachi 1:10

“Hơpơi rŏ kơ đei minh 'nu lăm lu iĕm tang 'măng, wă kơ lu iĕm huay tơ̆k ŭnh tơdrong kơđei tơ kơpal gơ'bang soi Inh,” Kră Yang Tih Hloh khan thoi noh. “Inh ưh kơ đei jơhngơ̆m hiôk lăp đon kơ lu iĕm păng Inh ưh kơ wă đei iŏk minh tơmam soi pơyơ̆r kiơ đơ̆ng ti lu iĕm.

Rom 14:15

Na đơ̆ng âu tơ anăp dah 'nhŏng oh bơngai lui bơ̆n khan 'nĕ kơ sa tơmam noh bơ̆n giĕng, bơ̆n kư̆m 'nĕ kơ sa kiơ̆ kơ sư khan. Dah bơ̆n kư̆ kơ sa, đe jô̆ bưh kiơ bưh, noh ưh kơ 'lơ̆ng ôh, hli kơ sư hơwơ̆l, dang bơ̆n pơyoch sư mơ̆n. Păng bơ̆n jing ưh kơ đei tơdrong 'mêm kơ 'nhŏng oh thoi Yêsu lôch tang bơ̆n, yua kơ hơlŏng bơlŭk bơ̆n đĕch.

Rom 16:18

Dôm lu bơngai thoi noh lu sư ưh kơ jang tơdrong Kră Yang bơ̆n Yêsu Krist tơpă ôh, sư jang wă 'me akâu sư kơdih đĕch, sư pơma kơ đe rơngơp dêh, na lu đe mă 'bônh kơ lui kiơ̆ kơ sư.

I Kor 8:11

Pơtih gia dah sư pơm kiơ̆ kơ iĕm thoi noh boih, inh hli kơ lu sư hơwơ̆l jing ưh pă băt kiơ̆ tơdrong lui thoi yơ, na jing achăng lê̆ tơdrong lui sư hloi. Sư bôl bơ̆n, bơngai lui thoi bơ̆n, Yêsu Krist lôch tang sư tơ 'long pơglang boih ră, mă-lei iĕm wă pơm pơ'brơh kơ sư jing răm.

I Pet 5:2

Iĕm athei wei-lăng kơ lu bơngai mă 'Bok Kei-Dei pơjao kơ iĕm mă 'lơ̆ng, thoi tơ'ngla triu wei-lăng triu sư. Iĕm jang 'nĕ gô đe bơtho, gô đe khan, iĕm athei jang kơdih mă tơnăp kiơ̆ thoi 'Bok Kei-Dei lăp đon; 'nĕ kơ jang pơtrŏ wă kơ gơh sa jên đĕch ôh, athei tơgŭm lu sư mă tơpă.

I Sam 9:7

Sôl khan kơ đam sư: Mă-lei ba iŏk yă kiơ wă pơyơ̆r ăn kơ sư? Lăm kơdŭng ba tơmam sa ba đĭ bơih, ba ưh pă đei tơmam kiơ wă pơyơ̆r ăn kơ bơngai mă Kră Yang 'Bok Kei-Dei yua noh. Ba ưh pă đei yă kiơ?