Êsêkiên 12:4 - Sơ̆p Hlabơar Nơ̆r 'Bok Kei-Dei

⁴ Chĕp ba tơmam ih kơdih thoi đe pơpuh tơjăk kơ'năr 'bơ̆t anăp lu sư; wă kơ lu sư 'bôh; kơsơ̆ ih lĕch yak 'bơ̆t anăp lu sư wă lu sư lăng, ih lĕch yak nơnăm thoi lu bơngai đe pơpuh.

Êsêkiên 12:4 ပူးပေါင်းရင်းမြစ်များ

II Pot 25:4

Kơplah noh, lu linh đe Kalđê bŏk dur pơlei minh pôm bơlôh kơplah kơmăng, pơtao Juđa păng đĭ-đăng lu linh kơdâu klĕnh trong 'măng jang sơlam 'bar pah dur, jê̆ pơgar pơtao. Mă khan kơplah noh lu linh đe Kalđê oei wang pơlei ră, na lu đe pơtao kơdâu klĕnh trong tơpăt tơklă Araba.

Je 39:4

Sêđekia, pơtao đe Juđa, hăm lu linh tơblah 'bôh tơdrong noh lu sư kơdâu lĕch đơ̆ng pơlei, kơmăng rok trong pơgar 'nhot pơtao, lĕch trong 'măng jang sơlam dur, lu sư yak tơpăt tơ Araba.

Je 52:7

Dur pơlei đe bŏk bơlih hlôh, Sêđekia 'bôh sư hăm lu linh sư kơdâu klĕnh kơmăng lĕch rok trong 'măng jang sơlam dur jê̆ pơgar pơkao pơtao; kơplah lu bơngai Kalđê oei wang pơlei, lu sư kơdâu lĕch yak klă tơ gah thŭng Arabah.

Êsêkiên 12:12

Kon pơtao lăm lu sư gô tôi tơmam tơ hơngiĕng kơdih yak kơmăng. Lu sư bŏk bơlôh dur, sư gô lĕch trong noh. Sư gô gom muh măt wă ưh kơ 'bôh teh đak âu.

Êsêkiên 12:5

'Bơ̆t anăp lu sư, oei lăng ih athei bŏk dur, chĕp tơmam ih lĕch yak rok bơlôh noh.