Êsêkiên 12:3 - Sơ̆p Hlabơar Nơ̆r 'Bok Kei-Dei

³ Thoi noh, ơ kon bơngai, ih athei hơmet tơmam chă jăk păng jăk weh yak kơ'năr 'bơ̆t anăp lu sư, ih athei jăk weh đơ̆ng anih ih oei na jăk tơ nai 'bơ̆t anăp lu sư. Lu sư gô 'bôh bưh. Rŏ lăng lu sư hlôh mă khan lu sư kon pơlei juăt kơ iung blah plơ̆.

Êsêkiên 12:3 ပူးပေါင်းရင်းမြစ်များ

Horiso 81:13

Ơ! Rŏ kơ lu kon pơlei Inh oei mơ̆ng Inh. Rŏ kơ Isơrael chu yak kiơ̆ trong Inh!

Je 10:17

Kon Pơlei mă đe oei wang, Iŏk pơpôi bĕ mŭk tơmam iĕm lĕch đơ̆ng dêh char âu.”

Je 26:3

Băt lu sư gô mơ̆ng ih, na rim 'nu gô weh đơ̆ng tơdrong kơnê̆ wih tơ Inh, na Inh gô tơplih đon tơdrong Inh wă pơrăm lu sư, yua kơ tơdrong yoch kơnê̆ lu sư pơm.

Je 27:2

Kră Yang khan kơ inh thoi âu: “Iŏk tơlei akar păng 'long pơm bĕ 'long ăt, na 'băk tơ ako ih.

Je 36:3

Mưh lu bơngai Juđa kơtơ̆ng đĭ-đăng tơdrong răm Inh wă pơm kơ lu sư, rŏ lăng lu sư gô tơbral achăng lê̆ tơdrong kơnê̆ lu sư kơdih, na Inh huay jô̆ yo tơdrong yoch kơnê̆ lu sư.”

Je 36:7

Rŏ lăng lu sư gô krao apinh Kră Yang păng tơbral păng weh đơ̆ng trong pơm kơnê̆ yua kơ tơdrong hil Kră Yang wă pơm kơ kon pơlei 'nâu tih dêh tơpă.”

Je 7:26

Mă-lei lu sư arăng kơ̆l ưh kơ wă mơ̆ng Inh, kư̆m ưh kơ wă pơgling đon mơ̆n, lu sư rai pơm kơnê̆ hloh kơ lu 'bok yă sư.

Êsêkiên 12:7

Inh pơm kiơ̆ thoi Sư pơkă. Inh chĕp tơmam yak tŏk-bŏk kơ'năr thoi lu bơngai weh jăk. Truh kơsơ̆ măng inh bŏk dur hăm ti. Inh tôi tơmam tơ hơngiĕng jăk yak kơsơ̆ măng 'bơ̆t anăp lu sư.

Êsêkiên 3:26

Inh gô pơm kơ hơpiĕt ih klep tơ păk-'ngơk, ih gô kơmlo, ưh kơ gơh chrih kơ lu sư; lu sư jing bơngai ayăt.

Êsêkiên 3:27

Mă-lei mưh Inh khan kơ ih, Inh pơih 'bơ̆r ih păng Ih gô khan kơ lu sư, Kră Yang tih hloh khan thoi âu: Bu mơ̆ng athei mơ̆ng bĕ, bu sơngah kuă kơ mơ̆ng, lê̆ sư sơngah yua kơ lu sư adrĕch adrung ayăt plơ̆.

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Êsêkiên 43:11

Tơdah lu sư mơlâu kơ tôm tơdrong lu sư hlôi pơm, tơ'bôh ăn bĕ kơ lu sư rup đe pơdơ̆ng hnam akŭm âu, trong lu 'măng mơ̆t 'măng lĕch, đĭ-đăng lu rup chhơ̆, đĭ-đăng tôm tơdrong juăt Sư, lu rup sư păng đĭ-đăng khôi juăt ăn kơ sư. Athei chih roi tôm tơdrong 'bơ̆t anăp măt lu sư, đĭ-đăng rup păng đĭ-đăng khôi juăt sư wă kơ lu sư wei răk păng pơm kiơ̆.

Luka 13:34

“Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.

Luka 20:13

Na 'bok tơ'ngla mir hơmu noh khan: ‘Inh wă pơm thoi yơ kih? Inh athei wơh kon tơdăm inh mă 'mêm kơdih, rŏ lăng lu đe noh kư̆m chu yom kơ sư mơ̆n thâu.’

Both 32:29

Tơdah lu sư gơh hơgei, lei lu sư hlôh boih tơdrong âu păng băt tôch ning-mônh sư thoi yơ.

Both 5:29

Ô tơdah lu kon pơlei âu đei jơhngơ̆m hli yom kơ Inh hăm wei răk dôm lu nơ̆r Inh tơtă ling-lang lu sư păng kon sâu lu sư gơh đei tơdrong pŭn hiôk ling-lang.

II Tim 2:25

Sư bơtho lu bơngai pơjah pơjăng păng sư, sư athei bơtho mă 'lơ̆ng wă kơ bơngai mă pơjah pơjăng păng sư jah hơi jơhngơ̆m. 'Bok Kei-Dei phŏ Sư ăn kơ bơngai pơjah pơjăng 'noh tơbral hloi tơdrong yoch sư kơdih na hlôh hloi kơdih tơdrong Kră Yang.