Êsêkiên 12:14 - Sơ̆p Hlabơar Nơ̆r 'Bok Kei-Dei

¹⁴ Lu bơngai oei jum dăr kơ sư păng lu linh sư, inh gô pơm kơ lu sư tơklah tơklang jơ̆p kơ puăn pah, păng Inh gô chĕp đao druh 'moi lu sư.

Êsêkiên 12:14 ပူးပေါင်းရင်းမြစ်များ

Je 42:16

na đao gưm mă lu iĕm hli dêh gô druh tam lu iĕm lăm teh đak Êyiptơ, tơdrong pơngot rơwĕt mă lu iĕm hli tơtăm kư̆m druh kiơ̆ iĕm năm tơ Êyiptơ păng lu iĕm gô lôch tơ noh.

Je 42:22

Na dang ei lu iĕm athei băt lu iĕm gô lôch kơ đao gưm, lôch kơ pơngot rơwĕt, lôch hơbuh, tơ lăm anih dêh char mă lu iĕm 'maih năm oei noh.

Je 49:32

Plah tơgar iŏk, lu lăk-đa lu sư đe gô Kŭm plah tơgar iŏk lơ sem dơrong, triu lu sư. Inh gô pơm ăn kơ lu bơngai hơkôih sŏk kơ̆l, tơklah tơklang tơ jơ̆p-jang puăn pah teh đak. Inh gô ăn tơdrong truh pơrăm lu sư, đơ̆ng tăp dăr kơ lu sư. Noh Kră Yang khan.

Êsêkiên 14:17

Dah mă Inh ăn đei tơdrong tơblah hăm char noh păng khan: ‘Athei ăn kơ đe iŏk đao hơlă tơblah lăm char’ păng pơlôch pơrăm đĭ kon bơngai păng lu sem dơrong,

Êsêkiên 14:21

Kră Yang Tih Hloh khan thoi âu: “Rai krưp kơnê̆ hloh dơ̆ng mưh Inh ăn puăn tơdrong sek tơlang trăp; tơdrong đao hơlă tơblah, tơdrong pơngot rơwĕt, tơdrong sem bri pơrăm păng tơdrong lôch hơbuh truh tơ Jêrusalem wă pơlôch đĭ bơngai păng sem dơrong.

Êsêkiên 17:21

Đĭ-đăng lu linh sư mă pran kơtang hloh gô lôch kơ đao, hơlă, mă lu bơngai oei arih gô tơklah tơklang jơ̆p kơ kial. Na ih gô băt kơ, Inh boih Kră Yang, đei khan thoi noh.

Êsêkiên 5:2

Lăm năr mă wang pơlei đĭ boih, ih soh minh lăm pêng sŏk noh lăm pơlei tih noh. Ih iŏk minh lăm pêng chơ̆ng hăm đao tơ tăp dăr kơ pơlei păng minh lăm pêng oei oei noh ih săi tơ kial yua kơ Inh gô iŏk đao gưm druh lu sư đơ̆ng rŏng.

Lêwi 26:33

Inh pơrŭng lu iĕm tơklah tơklang jơ̆p kơ adrĕch adrung bơngai păng Inh gô iŏk đao gưm 'bet lu iĕm; na char lu iĕm gô juơ rơhiăng, pơlei tih lu iĕm hrơ-hrĕng kơkot.