Êsêkiên 12:12 - Sơ̆p Hlabơar Nơ̆r 'Bok Kei-Dei

¹² Kon pơtao lăm lu sư gô tôi tơmam tơ hơngiĕng kơdih yak kơmăng. Lu sư bŏk bơlôh dur, sư gô lĕch trong noh. Sư gô gom muh măt wă ưh kơ 'bôh teh đak âu.

Êsêkiên 12:12 ပူးပေါင်းရင်းမြစ်များ

II Pot 25:4

Kơplah noh, lu linh đe Kalđê bŏk dur pơlei minh pôm bơlôh kơplah kơmăng, pơtao Juđa păng đĭ-đăng lu linh kơdâu klĕnh trong 'măng jang sơlam 'bar pah dur, jê̆ pơgar pơtao. Mă khan kơplah noh lu linh đe Kalđê oei wang pơlei ră, na lu đe pơtao kơdâu klĕnh trong tơpăt tơklă Araba.

II Pot 7:5

Thoi noh, kơplah drơ̆m kơsơ̆ lu sư năm tơ anih linh Aram; kơplah lu sư truh 'bơ̆t anih noh ưh kơ đei 'bôh bu 'bơ̆t ei.

Jop 24:16

Lu bơngai tơtông bŏk tơnăr hnam kơmăng, na kơ'năr lu sư chă ôn; Ưh kơ băt kơ hơdah.

Je 24:8

Kră Yang khan: Bĕ lu plei hơra kơnê̆ dêh noh mah pă gơh sa, kư̆m thoi noh mơ̆n Inh gô pơm kơ Sêđekia pơtao đe Juđa, lu yŏng pơgơ̆r, lu bơngai oei arih đơ̆ng lăm pơlei Jêrusalem mă oei oei lăm char 'nâu, dah oei lăm char Êyiptơ.

Je 32:5

Pơtao Babilôn gô rôp anhăk ba pơtao Sêđekia tơ Babilôn, sư gô oei tơ noh truh tơ Inh hơmet sư, tơdah Lu iĕm tơblah hăm bơngai Kalđê, ưh kơ đei jei iĕm ôh?”

Je 37:17

Pơtao Sêđekia wơh đe năm krao Jêrêmi ba tơ hnam pơtao, sư jet Jêrêmi hơdrô̆ lăm hnam sư: “Kră Yang hăm đei khan kiơ?” Jêrêmi tơl: “Đei mơ̆n, đe gô jao ih tơ lăm ti pơtao Babilôn.”

Je 39:4

Sêđekia, pơtao đe Juđa, hăm lu linh tơblah 'bôh tơdrong noh lu sư kơdâu lĕch đơ̆ng pơlei, kơmăng rok trong pơgar 'nhot pơtao, lĕch trong 'măng jang sơlam dur, lu sư yak tơpăt tơ Araba.

Je 42:7

Mơjĭt năr đơ̆ng rŏng, đei nơ̆r Kră Yang khan kơ Jêrêmi.

Je 52:7

Dur pơlei đe bŏk bơlih hlôh, Sêđekia 'bôh sư hăm lu linh sư kơdâu klĕnh kơmăng lĕch rok trong 'măng jang sơlam dur jê̆ pơgar pơkao pơtao; kơplah lu bơngai Kalđê oei wang pơlei, lu sư kơdâu lĕch yak klă tơ gah thŭng Arabah.

Êsêkiên 12:4

Chĕp ba tơmam ih kơdih thoi đe pơpuh tơjăk kơ'năr 'bơ̆t anăp lu sư; wă kơ lu sư 'bôh; kơsơ̆ ih lĕch yak 'bơ̆t anăp lu sư wă lu sư lăng, ih lĕch yak nơnăm thoi lu bơngai đe pơpuh.

Êsêkiên 12:6

'Bơ̆t lu sư oei lăng ih athei tôi tơmam ih kơpal hơngiĕng, na yak năm lăm kơsơ̆ măng. Athei gom lê̆ muh măt ih wă huay kơ 'bôh teh đak âu yua kơ Inh pơm kơ ih jing tơdra kơ lu adrĕch Isơrael.”