Êsêkiên 12:11 - Sơ̆p Hlabơar Nơ̆r 'Bok Kei-Dei

¹¹ Khan bĕ kơ lu sư: ‘Inh boih jing tơdra kơ lu iĕm. Inh pơm thoi yơ boih, lu sư gô tơ'bơ̆p thoi noh. Đe gô rôp ba lu sư pơm bơnă.

Êsêkiên 12:11 ပူးပေါင်းရင်းမြစ်များ

II Pot 25:11

Nêbusarađan, yŏng wei linh pơtao rôp kon pơlei mă oei oei lăm pơlei păng lu bơngai mă hlôi kŭp kơ̆l yơ̆r ti kơ pơtao Babilôn bơih, lu bơngai hơgei hai dơ̆ng, lu sư ba pơđĭ phak tơ dêh char sư.

II Pot 25:7

Lu sư pơlôch kon drŏ-nglo pơtao Sêđekia tơm măt; na kuek lê̆ măt Sêđekia, chô̆ lê̆ sư hăm glang pơm hăm kong, đơ̆ng noh ba sư tơ Babilôn.

Je 10:17

Kon Pơlei mă đe oei wang, Iŏk pơpôi bĕ mŭk tơmam iĕm lĕch đơ̆ng dêh char âu.”

Je 15:2

Tơdah lu sư apinh ih: ‘Lu nhôn gô năm tơ yơ?’ Ih khan kơ lu sư: 'Nâu Kră Yang khan: “Bu Inh pơkă ăn kơ sư lôch kơ hơbuh, gô chu lôch kơ hơbuh, Bu Inh pơkă wă pơlôch hăm đao gưm, gô lôch kơ đao gưm. Bu Inh pơkă wă ăn kơ sư lôch pơngot rơwĕt, gô lôch kơ pơngot rơwĕt. Bu Inh pơkă wă ăn pơm bơnă, sư gô pơm bơnă.”

Je 52:15

Nêbusar Adan yŏng linh gak pơtao chông ba pơm bơnă lu bơngai dơnuh hin lu kon pơlei mă oei arih lăm pơlei Jêrusalem păng bơngai kơdâu mơ̆t tơ gah pơtao Babilôn; păng đĭ lu thơ̆ hơgei oei arih.

Êsêkiên 12:3

Thoi noh, ơ kon bơngai, ih athei hơmet tơmam chă jăk păng jăk weh yak kơ'năr 'bơ̆t anăp lu sư, ih athei jăk weh đơ̆ng anih ih oei na jăk tơ nai 'bơ̆t anăp lu sư. Lu sư gô 'bôh bưh. Rŏ lăng lu sư hlôh mă khan lu sư kon pơlei juăt kơ iung blah plơ̆.

Êsêkiên 12:6

'Bơ̆t lu sư oei lăng ih athei tôi tơmam ih kơpal hơngiĕng, na yak năm lăm kơsơ̆ măng. Athei gom lê̆ muh măt ih wă huay kơ 'bôh teh đak âu yua kơ Inh pơm kơ ih jing tơdra kơ lu adrĕch Isơrael.”

Êsêkiên 4:1

“Na ơ kon bơngai, iŏk minh hlak gŏch, dan gŏch noh 'bơ̆t anăp ih păng chhơ̆ rup pơlei Jêrusalem kơpal gŏch noh.

Êsêkiên 4:3

Ih iŏk minh hlak gŏ bơsei, pơdơ̆ng pơm thoi dur bơsei sơlam ih păng pơlei; na ih tơwih muh măt gah pơlei noh ih pơm thoi đe oei wang tăp kơ pơlei noh. Noh tơdrong tơdra kơ bơngai Isơrael.

Sa 3:8

Ơ Jôsua, 'bok soi tơm, ih hăm buăl ih mă oei 'bơ̆t anăp ih mơ̆ng bĕ, yua kơ lu bơngai âu wă pơm tơdra; 'nâu sĭt tơpă Inh gô pơm kơ lu đĭch đam Inh bluh tơmơ̆ng iung chăt.