Êsêkiên 12:10 - Sơ̆p Hlabơar Nơ̆r 'Bok Kei-Dei

¹⁰ Khan bĕ kơ lu sư: ‘'Nâu Kră Yang Tih Hloh khan: Nơ̆r tơjur âu pơma gah kon pơtao oei lăm pơlei Jêrusalem păng đĭ-đăng kơ adrĕch Isơrael mă oei tơ noh.’

Êsêkiên 12:10 ပူးပေါင်းရင်းမြစ်များ

II Pot 9:25

Na Jêhu khan kơ Bithan kuan wei sư: “Iŏk atâu sư 'nâu klơ̆m lê̆ lăm mir Nabôt Pơlei Jêsreel; ih hăm 'blŏk, minh 'măng ki ba đih hao gre aseh kiơ̆ 'moi Ahap, 'bă sư, na Kră Yang khan lê̆ gah sư:

Êsai 13:1

Nơ̆r khan lê̆ adrol gah dêh char Babilôn mă Êsai kon Amôt 'bôh.

Êsai 14:28

Sơnăm pơtao Ahas lôch đei nơ̆r khan lê̆ adrol thoi âu:

Je 21:7

Đơ̆ng rŏng kơ noh, Kră Yang khan: Inh gô jao Sêđekia, pơtao đe Juđa păng yŏng pơgơ̆r, hăm lu, kon pơlei sư mă oei arih lăm pơlei tih âu; oei arih huay kơ lôch rŭng, đơ̆ng đao gưm, hăm klaih đơ̆ng lôch kơ pơngot rơwĕt, Inh gô jao lu sư lăm ti Nebukatnessar pơtao Babilôn, lăm ti lu bơngai ayăt chă wă 'maih pơlôch lu sư. Pơtao Babilôn gô koh lu sư hăm đao gưm, pă đei mơnat, pă 'mêm kư̆m pă lăng lu sư boih.”

Je 24:8

Kră Yang khan: Bĕ lu plei hơra kơnê̆ dêh noh mah pă gơh sa, kư̆m thoi noh mơ̆n Inh gô pơm kơ Sêđekia pơtao đe Juđa, lu yŏng pơgơ̆r, lu bơngai oei arih đơ̆ng lăm pơlei Jêrusalem mă oei oei lăm char 'nâu, dah oei lăm char Êyiptơ.

Je 38:18

Mă-lei dah ih ưh kơ lĕch yơ̆r ti kơ lu bơngai pơgơ̆r Babilôn, lei pơlei tih âu lu bơngai Kalđê gô soh păng ih kư̆m ưh kơ gơh klaih đơ̆ng ti lu sư.

Êsêkiên 12:3

Thoi noh, ơ kon bơngai, ih athei hơmet tơmam chă jăk păng jăk weh yak kơ'năr 'bơ̆t anăp lu sư, ih athei jăk weh đơ̆ng anih ih oei na jăk tơ nai 'bơ̆t anăp lu sư. Lu sư gô 'bôh bưh. Rŏ lăng lu sư hlôh mă khan lu sư kon pơlei juăt kơ iung blah plơ̆.

Êsêkiên 21:30

Tah bĕ đao lăm hơnglop! Lăm anih mă pơjing ih sơ̆, lăm char mă 'bok yă ih, Inh gô sek tơlang ih.

Êsêkiên 7:27

Pơtao gô nhơ̆m hmoi. Lu kon pơtao gô pŭ iŏk tơdrong răm, pă hơmĕng tơpang ti lu kon pơlei pơla gô hli tơtey. Inh gô pơm kơ lu sư kiơ̆ kơ trong lu sư, oei arih sa thoi yơ Inh gô sek tơlang thoi noh. Lu sư gô băt Inh boih Kră Yang.”

Malachi 1:1

Nơ̆r Kră Yang pơma kơ lu bơngai Isơrael đơ̆ng Malachi chih.