Êsêkiên 11:6 - Sơ̆p Hlabơar Nơ̆r 'Bok Kei-Dei

⁶ Lu iĕm đei pơlôch lơ bơngai boih lăm pơlei âu, tơ rok trong lăm pơlei 'bĕnh lơ bơngai lôch.

Êsêkiên 11:6 ပူးပေါင်းရင်းမြစ်များ

II Pot 21:16

Hloh kơ noh dơ̆ng, Manase kư̆m pơlôch lơ bơngai ưh kơ đei yoch dĭng mah pham 'bĕnh-'bang kơ pơlei Jêrusalem, đơ̆ng pah âu truh tơ pah to, 'nguaih kơ tơdrong pơm kơ lu bơngai Juđa pơm yoch păng pơm kơnê̆ 'bơ̆t anăp Kră Yang hai dơ̆ng.

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

Je 2:30

“Inh đei teh bơtho boih kon sâu lu iĕm ưh kơ yua kiơ. Lu sư kư̆m ưh kơ wă chu Inh bơtho hơmet. Đao lu iĕm kơdih đei pơlôch boih lu bơngai khan lê̆ adrol iĕm thoi dăm-brang oei kăp sa.”

Je 2:34

Tơ tơdrơi ao lu iĕm đei 'bôh boih pham lu bơngai dơnuh hin ưh kơ yoch, Mă iĕm ưh kơ đei rôp lu sư teh 'măng wă mơ̆t tơtông, Mă khan đei hĭ tơdrong noh bưh.

Je 7:6

Tơdah iĕm huay kơ pơjuă pơđep lu bơngai tơmoi, lu bơngai mơti, lu drŏ-kăn adro păng huay kơ pơlôch tuh pham lăm anih âu păng kư̆m huay kơ kiơ̆ kơkuh kơ yang nai wă pơrăm kơ iĕm kơdih,

Je 7:9

Hăm trŏ lu iĕm tơtông, pơlôch bơngai, pơm pơyô kư̆ kă, pơkă hơlĕnh, soh 'long 'bâu phu kơ yang Baal, kiơ̆ yang nai mă iĕm ưh kơ băt

Nhom 4:13

Noh đơ̆ng tơdrong yoch lu bơngai khan lê̆ adrol sư păng tơdrong kơnê̆ lu 'bok soi sư. Lu sư tŭk boih pham lu bơngai tơpăt.

Êsêkiên 22:12

Lăm ih đei bơngai iŏk sa pơgâm wă pơm tơdrong đei tuh pham, ăn đe tŏk iŏk đei iŏk lơi adrol păng iŏk jên kon lơ dêh; ih pơjuă sa lu bơngai jê̆ ih păng ih hiơt kơ Inh, Kră Yang khan thoi noh.

Êsêkiên 22:27

Lu yŏng pơgơ̆r oei lăm lu sư nhen thoi kŏ-so kăp sa sem bri, pơm tuh pham pơlôch bơngai, wă tơgar iŏk tơmam.

Êsêkiên 22:9

Lăm ih đei bơngai chă đon hơlĕnh chă pơlôch tuh pham, sa tơmam đe soi kơ yang tơ kơpal kông; arih sa pơm pơyô kư̆ kă.

Êsêkiên 7:23

Hơmet lê̆ glang yua kơ lăm teh đak âu 'bĕnh kơ tơdrong pơm yoch kơnê̆ 'bet pơlôch băl păng lăm pơlei âu 'bĕnh kơ tơdrong pơrăm băl.

Êsêkiên 9:9

Kră Yang tơl inh: “Tơdrong yoch lăm adrĕch Isơrael păng Juđa tih dêh tơpă; teh 'bĕnh kơ pham pơlôch băl, lăm pơlei 'bĕnh kơ tơdrong kơnê̆ pơrăm băl. Lu sư khan: ‘Kră Yang achăng lê̆ boih teh âu, Kră Yang ưh kơ 'bôh.’

Mi 3:10

Lu iĕm pơjing pơlei Siôn hăm pham păng iŏk tơdrong kơnê̆ pơjing pơlei Jêrusalem.

Mi 7:2

Bơngai hli yom kơ 'Bok Kei-Dei hiong boih đơ̆ng lăm teh đak âu; ưh pă đei bơngai tơpăt lăm kon bơngai. Đĭ-đăng lu sư nŏng kơ 'maih chă pham lĕch sĕch huŏng; rim 'nu iŏk hơnhuăl dăng lua 'nhŏng oh kơdih.

Jêphania 3:3

Lu kuan tih mă oei pơgơ̆r lu sư thoi dăm-brang hơrum, lu kră sek tơlang lu sư thoi kŏ-so sa pơgoh kơmăng, ưh kơ đei 'măn lê̆ kơ pơgê dơning.

Mathiơ 23:35

Lu bơngai 'lơ̆ng lôch yua kơ lu bơngai thoi iĕm âu lơ boih tơpă, đơ̆ng Kain pơlôch Abel blŭng-a sơ̆ truh tơ iĕm pơlôch Sachari kon 'bok Barachi tơ hnam 'Bok Kei-Dei tơm.