Êsêkiên 11:5 - Sơ̆p Hlabơar Nơ̆r 'Bok Kei-Dei

⁵ Đei Yang Bơhngol Kră Yang jur tơ inh. Sư khan kơ inh; “'Nâu nơ̆r Kră Yang khan: 'Nâu tơdrong lu iĕm tơchĕng, ơ kon pơlei Isơrael, Inh băt tơdrong jơhngơ̆m đon lu iĕm tơchĕng.

Êsêkiên 11:5 ပူးပေါင်းရင်းမြစ်များ

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

Horiso 50:21

Noh boih mă tơdrong ih đei pơm. Mă-lei Inh hreh đĕch Ih tơchĕng Inh lei-lăi kơ ih, Mă-lei Inh gô chrih kơ ih, păng jô̆ hloi ih yoch 'bơ̆t anăp ih.

Horiso 7:9

Ơ Kră Yang 'Bok Kei-Dei tơpăt! Ih boih Kră Yang lăng lăm jơhngơ̆m kon bơngai, Apinh Ih pơtôch lê̆ dôm tơdrong kơnê̆ lu bơngai kơnê̆ wă pơm. Mă-lei pơm bĕ kơ lu bơngai tơpăt mă kơjăp.

Êsai 28:15

Lu iĕm pơma pơrŏ khan: “Lu nhôn pơgơ̆p bơih hăm tơdrong lôch, păng pơgơ̆p hăm dêh atâu, Tơdah tơdrong anat anot gô truh, ưh kơ 'bơm lu nhôn ôh. Lu nhôn yua tơdrong pơma hơlĕnh pơm anih nhôn kơ'nơp. Păng pơma bơkuĕch hơlĕnh wă kơdâu ôn.

Êsai 58:1

“Krao ôr mă re bĕ 'nĕ kơ ĕnh, ôr jreo mă re thoi keng, roi tơbăt bĕ kơ kon pơlei Inh tơdrong lu sư pơm plơ̆. Păng pơm plơ̆ kơ hnam Jakôp tơdrong yoch lu sư.

Je 11:20

Ơ Kră Yang Tih Hloh, Tơ'ngla sek tơlang tơpăt, Tơ'ngla mă băt, lăm jơhngơ̆m păng lăm kơ̆l 'ngok tơchĕng, Ăn kơ inh 'bôh tơdrong Ih iung kơting kơ lu sư. Yua kơ inh jao boih tơdrong inh kơ Ih.

Je 16:17

Măt Inh oei kiơ̆ lăng trong lu sư yak; ưh kơ đei hlơp kơ Inh ôh. Tơdrong yoch kơnê̆ lu sư kư̆m ưh kơ gơh ôn đơ̆ng măt Inh.

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Êsêkiên 2:2

Lăp Sư pơma hăm inh, Yang Bơhngol mơ̆t lăm inh tơiung inh dơ̆ng hăm jơ̆ng inh, inh kơtơ̆ng Sư khan kơ inh.”

Êsêkiên 2:7

Ih athei khan nơ̆r Inh âu kơ lu sư, mă lu sư mơ̆ng dah ưh, yua kơ lu sư jing adrĕch adrung ayăt.

Êsêkiên 20:32

Lu iĕm khan: Lu nhôn wă gô kơkuh kơ 'long păng tơmo, kiơ̆ thoi adrĕch adrung lu dêh char âu. Tơdrong lu iĕm tơchĕng lăm đon tơdrong noh ưh kơ đei truh ôh,

Êsêkiên 28:2

“Ơ kon bơngai, khan bĕ kơ pơtao Tirơ: Kră Yang khan thoi âu; yua kơ jơhngơ̆m ih pơang, ih khan: “Inh jing yang hơ-oei kơpal tang-dŏ pơtao yang lăm tŏk-bŏk đak dơsĭ,” mă-lei ih kon bơngai đĕch, ưh kơ sĭ yang ôh mă khan ih tơchĕng khan ih hơgei thoi yang.

Êsêkiên 29:3

Pơma khan kơ sư: Kră Yang khan thoi âu: “Ơ Pharaôn, pơtao Êyiptơ, âu Inh blah ih, ih jing sem brem tih kơnê̆ oei 'bĭch lăm đak glung. Ih khan: “Đak krong Nil noh gah Inh, đêl Inh kôch pơm sư.

Êsêkiên 3:11

Năm bĕ tơ lu bơngai mă đe puh boih lăm lu kon pơlei ih pơm bơnă, khan kơ lu sư 'nâu nơ̆r Kră Yang Tih Hloh khan, mă lu sư mơ̆ng dah ưh.”

Êsêkiên 3:24

Na Yang Bơhngol mơ̆t lăm inh tơiung inh dơ̆ng kơtă 'bơ̆t jơ̆ng inh, Kră Yang pơma hăm inh păng khan: “Năm mơ̆t lăm hnam, chĭt ih kơdih.

Êsêkiên 3:27

Mă-lei mưh Inh khan kơ ih, Inh pơih 'bơ̆r ih păng Ih gô khan kơ lu sư, Kră Yang tih hloh khan thoi âu: Bu mơ̆ng athei mơ̆ng bĕ, bu sơngah kuă kơ mơ̆ng, lê̆ sư sơngah yua kơ lu sư adrĕch adrung ayăt plơ̆.

Êsêkiên 8:1

Lăm sơnăm tăl mă tơdrâu, năr pơđăm khei tơdrâu, kơplah inh oei hơ-oei lăm hnam, lu kră pơlei Juđa, oei 'bơ̆t anăp inh, tơpang ti Kră Yang tih hloh tơ'bôh kơ inh.

Markôs 2:8

Yêsu băt hloi kơ lu sư pơma mơmơnh lăm đon lu sư, jô̆ kơ Sư tơdrong 'noh, na Yêsu khan kơ lu sư: “Yua kơ kiơ iĕm pơma mơmơnh lăm đon thoi noh lĕ?

Yo 21:17

Yêsu jet truh pêng 'măng khan: “Ơ Simôn, kon Yôhan, ih hăm 'mêm kơ Inh?” Thoi noh Pêtrôs jing sơ'ngon kơlih kơ Yêsu jet sư pêng 'măng boih, na Pêtrôs khan: “Ơ Kră Yang, Ih băt tôm tơdrong, tơdrong inh 'mêm kơ Ih, Ih băt mơ̆n.” Yêsu khan kơ sư: “Lei ih rong triu Inh.

Jang 10:44

Kơplah Pêtrôs oei pơma na Yang Bơhngol 'Lơ̆ng jur oei tơ rim 'nu lu bơngai mă mơ̆ng nơ̆r Sư bơtho.

Jang 11:15

Lăp inh oei bơtho đĕch, Yang Bơhngol 'Lơ̆ng jur oei păng lu sư kư̆m thoi sư jur oei păng bơ̆n blŭng-a sơ̆ mơ̆n.

Hêbrơ 4:13

Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.

Ya 3:6

'Bơ̆r kon bơngai bơ̆n kư̆m thoi ŭnh, pơma kơ đe mrĕp, gơh pơma tôm tơdrong kơnê̆; pơm kơ akâu bơ̆n kơdih kư̆m jing răm kơnê̆ 'mê̆-'mach; pơrăm akâu akar, pơrăm tơdrong arih jing hiong hiach. Ŭnh 'noh apoh iŏk đơ̆ng ŭnh khŭl sơmăt.

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.

I Sam 10:10

Wă Sôl truh tơ Gibêah, đei minh khŭl 'bok khan lê̆ adrol sơng sư. Yang Bơhngol Kră Yang mơ̆t lăm sư, sư kư̆m khan lê̆ adrol hơdai lu sư.

I Sam 10:6

Yang bơhngol Kră Yang gô mơ̆t lăm ih gô suang khan lê̆ adrol hăm lu sư, ih gô jing bơngai nai.