Êsêkiên 11:24 - Sơ̆p Hlabơar Nơ̆r 'Bok Kei-Dei

²⁴ Lăm tơdrong tơ'bôh ăn kơ inh đơ̆ng Kră Yang 'Bok Kei-Dei, Yang Bơhngol hiŏng inh tơ kơpal, păng chông anhăk ba inh truh tơ anih lu bơngai mă đe pơpuh tơ Kalđê. Na tơdrong tơ'bôh weh đơ̆ng inh.

Êsêkiên 11:24 ပူးပေါင်းရင်းမြစ်များ

Bl 17:22

Đang kơ Kră Yang 'Bok Kei-Dei đei khan boih, na sư weh đơ̆ng Abraham tŏk tơ plĕnh.

Bl 35:13

Đơ̆ng noh Kră Yang 'Bok Kei-Dei tŏk wih đơ̆ng anih mă sư đei pơma hăm Jakôp.

II Pot 2:16

Păng khan kơ Êlisê: “Ơ 'bok thây, lăm lu đĭch đam ih âu đei pơđăm-jĭt 'nu bơngai nuih, apinh ih ăn lu sư năm chă yŏng tơ'ngla ih; băt jơ̆ Yang Bơhngol 'lơ̆ng Kră Yang anhăk ba sư klơ̆m hơtat lê̆ kơpal kông, dah klơ̆m hơtat lê̆ tơ thong ayơ bơih rŏ lăng?” Êlisê tơl: “'Nĕ kơ wơh lu sư năm.”

Horiso 137:1

Lu nhôn oei ngôi cheng đak glung Babilôn. 'Blŏk kơ Siôn, na nhơ̆m.

Je 50:10

Dêh char Kalđê đe gô blah tơgar iŏk, Đĭ-đăng lu bơngai mă blah iŏk lu sư noh gô phĭ hrăp, Kră Yang khan.

Êsêkiên 1:1

Lăm sơnăm pêng-jĭt, năr pơđăm khei puăn, kơplah inh oei hơdai hăm lu bơnă tơ krong Kêbar, lu plĕnh tơpơih păng inh lăng đei tơdrong tơ'bôh đơ̆ng Kră Yang 'Bok Kei-Dei.

Êsêkiên 1:3

Kră Yang khan tơ'bôh kơ Êsêkiên, kon drŏ-nglo 'bok soi Busi, kơplah sư oei lăm char Kalđê jih đak krong Kêbar; tơ noh Kră Yang dan ti kơpal sư.

Êsêkiên 11:1

Yang Bơhngol hơtŏk inh tơ kơpal păng 'nhăk ba inh tơ 'măng jang hnam Kră Yang gah hơlĕch. 'Bơ̆t trong mơ̆t tơ 'măng jang noh đei 'bar-jĭt pơđăm 'nu drŏ-nglo; lăm lu sư inh 'bôh Jaasania kon drŏ-nglo Asur, păng Phêlatia kon drŏ-nglo Bênaia, kră pơgơ̆r kon pơlei.

Êsêkiên 3:12

Na Yang Bơhngol hơtŏk inh tơ kơpal păng inh kơtơ̆ng re jơwa tih tơ rŏng inh. Kơkuh bơnê ư-ang kơ Kră Yang lăm anih Sư oei.

Êsêkiên 3:15

Inh năm truh tơ anih lu bơngai đe pơpuh oei tơ pơlei Têlabip, jê̆ tơ đak krong Kêbar inh dơ̆ng lăm anih lu sư oei păng inh oei hơdai lu sư tơpơh năr hăm jơhngơ̆m sơ'ngon hơwơ̆l hơwang.

Êsêkiên 37:1

Ti Kră Yang dan kơpal inh; Yang Bơhngol Kră Yang chông ba inh na tơoei inh tŏk-bŏk thŭng dơnă 'bĕnh kơ kơting.

Êsêkiên 43:5

Yang bơhngol hơtŏk inh păng chông ba inh mơ̆t tơ cham gah lăm; to tơdrong rang mơnhal Kră Yang 'Bok Kei-Dei 'bĕnh-'bang kơ hnam akŭm.

Êsêkiên 8:3

Sư yơ̆r kiơ noh thoi tơpang ti, rôp sŏk tơ kơpal kơ̆l inh. Yang Bơhngol pôk hơtŏk inh tŏk-bŏk teh hăm plĕnh, păng lăm tơdrong Kră Yang 'Bok Kei-Dei tơ'bôh sư ba inh mơ̆t tơ pơlei Jêrusalem tơ trong 'măng jang gah yă-nơ̆m kơ cham gah lăm, anih mă đe dan rup yang areh wă khan rup yang mă pơm kơ 'Bok Kei-Dei areh.

Jang 10:16

Pêng 'măng Pêtrôs kơtơ̆ng nơ̆r đơ̆ng plĕnh pơma thoi noh. Klaih kơ noh che noh tŏk dơ̆ng tơ plĕnh.

Jang 8:39

Philip pơm kơ sư 'batem đang boih, bre sư tŏk tơ kông. Na Yang Bơhngol 'Lơ̆ng hiŏng anhăk Philip tơ nai, na 'bok tih ei ưh kơ 'bôh sư tơ yơ dơ̆ng. Mă-lei 'bok ei kư̆ kơ brŏk tơ pơlei sư. Jơhngơ̆m sư chơt hiôk tơpă.