Êsêkiên 11:22 - Sơ̆p Hlabơar Nơ̆r 'Bok Kei-Dei

²² Lu chêrubim hăm tang-wang gre 'bơ̆t cheng lu sư iung bơyar pơnăr. Tơdrong ư-ang rang mơnhal Kră Yang 'Bok Kei-Dei Isơrael oei kơpal lu sư.

Êsêkiên 11:22 ပူးပေါင်းရင်းမြစ်များ

Êsêkiên 1:28

Inh 'bôh hơdah rang tăp dăr thoi plĕnh chro tơ hơmơ̆l wă 'mi. Tơdrong noh thoi 'lơ̆ng rŏ rang mơnhal Kră Yang. Lăp inh 'bôh inh kŭp muh măt tơ teh păng kơtơ̆ng nơ̆r minh 'nu pơma khan.

Êsêkiên 10:19

Lu chêrubim bơyar pơnăr păr tơ kơpal hloi đơ̆ng teh 'bơ̆t anăp inh; lu tang-wang gre kư̆m năm hơdai 'bơ̆t cheng lu sư. Lu sư dơ̆ng 'bơ̆t anăp 'măng mơ̆t gah hơlĕch hnam Kră Yang, tơdrong ư-ang rang mơnhal Kră Yang 'Bok Kei-Dei Isơrael oei kơpal lu sư.

Êsêkiên 10:4

Na tơdrong ư-ang rang mơnhal Kră Yang tŏk đơ̆ng chêrubim, tơ anăp 'măng hnam akŭm tơm. Na hnam akŭm tơm 'bĕnh kơ hơmơ̆l păng tơ cham hnam 'bĕnh kơ tơdrong hơdah ư-ang rang mơnhal Kră Yang.

Êsêkiên 43:2

Inh 'bôh tơdrong ư-ang rang mơnhal Kră Yang 'Bok Kei-Dei Isơrael năm đơ̆ng gah hơlĕch đei jơwa nhen thoi đak ro tih, hơdah rang mơnhal ư-ang Kră Yang jơ̆p kơ teh.

Êsêkiên 9:3

Na tơdrong rang mơnhal Kră Yang 'Bok Kei-Dei Isơrael tŏk đơ̆ng chêrubim, đơ̆ng anih Sư oei, năm truh 'bơ̆t 'măng hnam akŭm. Na Kră Yang krao bơngai hrŭk ao che 'bui mă bĕng kơdŭng 'long chih đak mơ̆k,