Êsêkiên 11:17 - Sơ̆p Hlabơar Nơ̆r 'Bok Kei-Dei

¹⁷ Thoi noh khan bĕ: ‘'Nâu nơ̆r Kră Yang Tih Hloh khan: Inh gô akŭm lu iĕm đơ̆ng lu pơlei tơmoi, păng Inh gô iŏk lu iĕm đơ̆ng lu teh đak mă lu iĕm oei tơklah tơklang păng gô ăn teh đak Isơrael kơ lu iĕm dơ̆ng.’

Êsêkiên 11:17 ပူးပေါင်းရင်းမြစ်များ

Horiso 107:3

Lu bơngai mă đei krao akŭm boih đơ̆ng jơ̆p kơ dêh char, Đơ̆ng gah hơlĕch, gah bơmơ̆t, đơ̆ng gah yă-nơ̆m gah gơal.

Êsai 60:21

Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Je 24:5

“Kră Yang 'Bok Kei-Dei Isơrael khan: ‘Thoi plei hơra 'lơ̆ng 'nâu mơ̆n Inh gô jô̆ lu bơngai bơnă đơ̆ng dêh char Juđa mă Inh puh lu sư năm tơ char Kalđê.

Je 24:6

Inh oei răp lăng wă pơm 'lơ̆ng kơ lu sư, Inh gô chông lu sư wih brŏk tơ char âu, Inh gô tơiung pơdơ̆ng ming păng ưh pă pơrăm lu sư dơ̆ng, Inh wă pơtăm ưh kơ wă buch.

Je 24:7

Inh gô ăn kơ lu sư đei jơhngơ̆m băt kơ Inh boih Kră Yang. Lu sư gô jing kon pơlei Inh, Inh boih Kră Yang 'Bok Kei-Dei lu sư, yua kơ lu sư gô đĭ jơhngơ̆m wih brŏk tơ Inh.’ ”

Je 29:10

Kră Yang khan: “Layơ tôm tơpơh-jĭt sơnăm ăn kơ Babilôn pơgơ̆r, Inh gô năm hơpong tơ lu iĕm, Inh gô pơm trŏ thoi nơ̆r pơkă 'lơ̆ng rŏ Inh, gô chông ba lu iĕm brŏk tơ teh đak âu.”

Je 3:12

Năm bĕ tơ gah yă-nơ̆m ră roi tơdrong 'nâu: Kră Yang khan: ‘Ơ Isơrael bơngai mă ưh kơ tơpăt, brŏk bĕ! Inh lăng tơ iĕm muh măt Inh huay pă thoi 'maih hil boih, yua kơ Inh băt 'mêm mơnat: Inh ưh pă hil ling-lang dơ̆ng boih,’ Kră Yang khan.

Je 3:18

Truh tơ năr noh adrĕch Juđa gô pơgơ̆p hơdai hăm adrĕch Isơrael, lu sư gô yak hơdai weh đơ̆ng teh đak gah yă-nơ̆m na brŏk tơ dêh mă Inh đei ăn boih kơ 'bok yă lu iĕm jang sa.”

Je 30:18

'Nâu Kră Yang khan: “Inh gô iŏk tơwih bơsŭn anih hnam Jakôp đơ̆ng lu sư pơm bơnă, Inh gô mơnat ăn kơ sơnăm dơnŏ lu sư; pơlei tơm tih đe gô pơdơ̆ng tơ đêl teh so sơ̆, hnam pơtao đe gô pơdơ̆ng trŏ 'bơ̆t anih so sơ̆.

Je 31:16

Kră Yang khan: “'Nĕ pă nhơ̆m dơ̆ng, lê̆ pă lĕch đak măt, yua kơ tơdrong jang iĕm gô đei apah;” Kră Yang khan: “Lu iĕm gô wih brŏk đơ̆ng char lu bơngai ayăt,”

Êsêkiên 20:34

Inh gô chông tơlĕch lu iĕm đơ̆ng lu kon pơlei păng akŭm lu iĕm đơ̆ng lu dêh char mă Inh ăn lu iĕm tơklah tơklang hăm tơpang ti pran kơtang Inh gô yơ̆r ti tơ kơpal păng gô tuh tơdrong hil mĭl.

Êsêkiên 20:41

Inh gô sơng iŏk lu iĕm thoi tơmam 'bâu phu, kơplah Inh chông lu iĕm lĕch đơ̆ng lăm lu kon pơlei păng akŭm lu iĕm đơ̆ng char mă lu iĕm đêl oei tơklah tơklang; păng Inh gô tơ'bôh tơdrong 'lơ̆ng rơgoh Inh đơ̆ng lăm lu iĕm 'bơ̆t anăp kon pơlei nai.

Êsêkiên 20:42

Na lu iĕm gô băt inh boih Kră Yang, kơplah Inh chông ba lu iĕm mơ̆t lăm teh đak Isơrael, lăm dêh char mă Inh đei pơkă pơkăm wă ăn kơ 'bok yă lu iĕm.

Êsêkiên 28:25

Kră Yang khan thoi âu: “Kơplah Inh akŭm lu adrĕch Isơrael brŏk đơ̆ng lu kon pơlei mă lu sư oei tơklah tơklang, Inh gô tơ'bôh tơdrong 'lơ̆ng rơgoh Inh tơ lăm lu sư 'bơ̆t anăp lu teh đak. Na lu sư gô oei tơ lăm teh đak mă Inh ăn boih kơ đĭch đam Inh Jakôp.

Êsêkiên 34:11

'Nâu nơ̆r Kră Yang khan: Inh kơdih gô chă triu Inh păng rong bơwei lu sư.

Êsêkiên 34:13

Inh gô chông lu sư lĕch đơ̆ng lăm lu kon pơlei; Inh gô akŭm lu sư đơ̆ng jơ̆p kơ teh đak păng ba lu sư tơ dêh char lu sư kơdih. Inh gô wei rong lu sư tơ kông Isơrael, jê̆ thong đak păng tơ jơ̆p kơ anih mă kon pơlei oei lăm tơring.

Êsêkiên 36:24

Inh gô dui iŏk lu iĕm đơ̆ng lăm lu dêh char akŭm pơpôi lu iĕm đơ̆ng jơ̆p kơ teh đak, ba lu iĕm wih brŏk oei tơ char lu iĕm kơdih.

Sa 8:7

Kră Yang Tih Hloh khan thoi âu: “'Nâu Inh gô dŏng pơklaih kon pơlei Inh đơ̆ng gah hơlĕch gah bơmơ̆t,

Both 30:3

Na Kră Yang 'Bok Kei-Dei iĕm gô dŏng pơklaih iĕm đơ̆ng pơm đĭch păng gô chông ba iĕm brŏk. Kră Yang gô mơnat păng akŭm pơpôi lu iĕm đơ̆ng rim anih mă Sư pơm kơ iĕm tơklah tơklang.