Êsêkiên 11:16 - Sơ̆p Hlabơar Nơ̆r 'Bok Kei-Dei

¹⁶ Thoi noh, khan bĕ kơ lu sư: ‘'Nâu Kră Yang Tih Hloh khan: Mă Inh đei ăn kơ lu sư năm tơ lu dêh char nai, tơklah tơklang tơ jơ̆p lăm lu teh đak, mă-lei Inh oei 'măn anih 'lơ̆ng rơgoh kơ lu sư tơ lăm lu char mă lu sư oei ưh kơ đunh tŏ noh.’

Êsêkiên 11:16 ပူးပေါင်းရင်းမြစ်များ

Horiso 31:20

Ih ôn lu sư tơ anih hlơp 'bơ̆t anăp Ih. Klaih đơ̆ng lu đe wă pơm kơnê̆, Ih ôn lu sư lăm bơsŭn. Klaih đơ̆ng hơpiĕt lu bơngai blah tơgar.

Horiso 44:11

Ih jao lu nhôn nhen thoi triu wă pơm 'nhĕm, Păng pơm ăn kơ lu nhôn tơklah tơklang tơ jơ̆p-jang dêh char.

Horiso 90:1

Ơ Kră Yang, Ih jơ̆ anih lu nhôn oei.a Lăm đĭ jơhnơr.

Horiso 91:1

Bơngai bu oei lăm anih hlơp Kră Yang mă Tih Hloh. Gô oei lăm yơ̆p Tơ'ngla mơsêh mơyang.

Tơdrông Pơđơk 18:10

Anăn Kră Yang jing kơđông kơjăp; Lu bơngai tơpăt băt kơdâu tơ noh đei anih kơ'nơp hơđơ̆ng.

Êsai 4:5

Tơ jơ̆p anih kơpal kông Siôn, tơ kơpal anih kon pơlei akŭm, Kră Yang pơm hơmơ̆l hăm 'nhui gom kơ 'năr păng pla ŭnh pơchrang hơdah kơmăng. Tơpă, thoi đei minh blah che gom jơ̆p-jang kơ tơdrong ư-ang.

Êsai 8:14

Sư gô jing anih kơ'nơp kơjăp Mă Sư kư̆m thoi tơmo pơm kơ đe kơtơih pơ̆k păng tơmo tih pơm kơ Isơrael păng Juđa huŏng păng thoi hơđong hơnhuăl đăk kơ kon pơlei oei lăm pơlei Jêrusalem mơ̆n.

Je 26:11

Lu 'bok soi, lu 'bok khan lê̆ adrol, pơma hăm lu kră pơgơ̆r păng đĭ-đăng kon pơlei pơla khan: Bơngai âu trŏ kơ pơlôch, yua kơ sư đei pơma khan lê̆ adrol wă pơm kơ pơlei âu, đon lu iĕm đei kơtơ̆ng boih.

Je 26:7

Lu 'bok soi, lu 'bok khan lê̆ adrol păng đĭ-đăng kon pơlei pơla kơtơ̆ng Jêrêmi khan roi dôm tơdrong noh lăm hnam Kră Yang.

Je 29:11

Kră Yang khan: “Yua kơ Inh băt tơdrong kiơ Inh pơkă wă pơm kơ lu iĕm. Inh đei pơkă ăn tơdrong hiôk-hian phĭ jơnap ưh kơ trŏ tơdrong kơnê̆ răm ôh, wă kơ lu iĕm đei tơdrong gơnang hơmĕng.

Je 29:7

Chă bĕ tơdrong hiôk-hian jơnap kơ pơlei tih mă Inh đei ăn kơ lu iĕm oei tơ noh pơm bơnă; krao apinh Kră Yang bĕ; yua kơ lu iĕm đei hiôk jơnap noh đơ̆ng pơlei noh hiôk jơnap.”

Je 30:11

Kră Yang khan: “Inh oei păng iĕm, wă dŏng pơklaih iĕm. Inh gô pơlôch pơrăm đĭ lu dêh char, mă Inh đei puh iĕm tơklah tơklang lăm noh, mă-lei Inh huay kơ pơlôch iĕm. Inh gô phak bơtho lu iĕm kiơ̆ kơ tơdrong trŏ, Inh ưh kơ lê̆ ôh phak bơtho lu iĕm.”

Je 31:10

Mơ̆ng bĕ nơ̆r Kră Yang, ơ kon bơngai jơ̆p kơ dêh char; Ră roi bĕ nơ̆r âu tơ jơ̆p pơlei lăm bŏl đak dơsĭ ataih khan: ‘Kră Yang Tơ'ngla mă pơm ăn kơ adrĕch Isơrael tơklah tơklang, Sư wă akŭm pơpôi ba wih brŏk dơ̆ng, Sư gô wei thoi bơngai wei khŭl triu sư.’

Je 42:11

'Nĕ kơ hli kơ pơtao Babilôn, bơngai mă lu iĕm oei hli.’ ” Kră Yang khan: “'Nĕ pă hli dơ̆ng, yua kơ Inh oei hơdai iĕm gô dŏng pơklaih iĕm đơ̆ng ti sư.

Êsêkiên 20:23

Inh đei yơ̆r ti pơkăm pơkă hăm lu sư lăm char glă inh gô pơm kơ lu sư tơklah tơklang tơ jơ̆p lăm lu adrĕch adrung, tơrak 'brak tơ lăm dêh char,

Lêwi 26:44

Mă khan thoi ei kơplah lu sư oei lăm char lu bơngai ayăt kơ lu sư, Inh kư̆m ưh kơ đei hŭt lê̆ lu sư ôh, kư̆m ưh kơ areh kơ lu sư mơ̆n dĭng mah Inh pơrăm đĭ lu sư. Păng Inh ưh kơ hŭt lê̆ tơdrong pơgơ̆p hăm lu sư; yua kơ Inh Kră Yang 'Bok Kei-Dei lu sư.

Sa 2:6

Kră Yang khan: “Ơ! Lu iĕm kơdâu ôn bĕ, kơdâu lĕch đơ̆ng teh đak gah yă-nơ̆m; yua kơ Inh đei pơm kơ lu iĕm tơklah tơklang tơ puăn pah kial tơ plĕnh.” Kră Yang khan thoi noh:

Both 4:27

Kră Yang gô pơm kơ iĕm tơklah tơklang jơ̆p kơ teh đak đe, oei pă tŏ sĕt đĕch mă tơ anih Kră Yang puh lu iĕm.