Êsêkiên 10:5 - Sơ̆p Hlabơar Nơ̆r 'Bok Kei-Dei

⁵ Re jơwa đơ̆ng pơnăr chêrubim tơtuh đe kơtơ̆ng truh tơ cham 'nguaih, re thoi nơ̆r Kră Yang 'Bok Kei-Dei Tih Hloh pơma.

Êsêkiên 10:5 ပူးပေါင်းရင်းမြစ်များ

I Pot 7:9

Đĭ-đăng hnam pơtao âu, sư pơm păng tơmo gĭt ngăl, sư bŏk blah teh tơmo âu pơtŏ hơgăt trŏ kiơ̆ gah rŏng păng gah klak. Mă đơ̆ng lăm truh tơ 'nguaih đơ̆ng ala truh tơ kơpal mă gah rŏng anăp.

II Ho 4:9

Sư kư̆m đei man cham ăn kơ 'bok soi păng cham să, lu 'măng kơ cham să na lôm hăm kong rim kơ 'măng noh.

Jop 40:9

Ih hăm đei kơkŏng ti pran kơtang thoi Kră Yang 'Bok Kei-Dei ưh? Ih hăm gơh tơlĕch nơ̆r grơ̆m re thoi Inh ưh?

Horiso 68:33

Noh jơ̆ Kră Yang mă hao kơpal lu plĕnh, lu plĕnh so sơ̆. To Sư tơlĕch nơ̆r, nơ̆r Sư pơma mơsêh re jơwa dêh.

Horiso 77:17

Lu hơmơ̆l pruh đak 'mi, Tơ rơwơ̆ng đei re jơwa grơ̆m glaih đei kơmlat thoi 'brơ̆m tơ jơ̆p-jang.

Le 19:16

Pơgê năr mă pêng, đei grơ̆m glaih kơmlat, hơmơ̆l kok hơ'bơ̆l dêh gom tơ kơpal kông păng kơtơ̆ng đei jơwa hlôm tơgiĕp re dêh pơm kơ đĭ-đăng kon pơlei oei lăm bơsŭn hli tơrơ ngăl.

Le 19:19

Păng Jơwa tơgiĕp re rai dêh; kơplah noh Môis pơma, na Kră Yang 'Bok Kei-Dei tơl sư jơwa thoi grơ̆m.

Êsai 6:8

Păng inh kơtơ̆ng nơ̆r Kră Yang khan: “Inh gô wơh bu năm? Bu gô năm kơ lu bơ̆n?” Inh tơl: “Đei inh tơ âu, apinh ih wơh inh năm.”

Êsêkiên 1:24

Mưh lu kon sem arih wă năm, inh kơtơ̆ng pơnăr lu sư re thoi jơwa đak chơkơi, thoi nơ̆r đơ̆ng Kră Yang Tih Hloh; re ơ-ôs thoi lu linh lơ yak, Mưh pơdơh, lu sư tơjruh pơnăr.

Êsêkiên 10:6

Kơplah Sư tơtă khan kơ bơngai hrŭk ao che 'bui: “Iŏk ŭnh đơ̆ng sơlam tang-wang gre lu chêrubim,” bơngai noh mơ̆t dơ̆ng 'bơ̆t cheng tang-wang gre.

Êsêkiên 40:17

Sư chông ba inh năm tơ cham gah 'nguaih, tơ noh đei lăm lu anih, pơm hơnă păng tơmo jum dăr kơ cham; đei pêng-jĭt tŏ anih pơm tơklă hơnă păng tơmo.

Êsêkiên 46:21

Sư kư̆m chông ba inh tơ cham gah 'nguaih, chông inh năm tơ puăn pah mum cham; âu inh 'bôh tơ rim mum cham đei minh hlak cham nai.