Êsêkiên 1:24 - Sơ̆p Hlabơar Nơ̆r 'Bok Kei-Dei

²⁴ Mưh lu kon sem arih wă năm, inh kơtơ̆ng pơnăr lu sư re thoi jơwa đak chơkơi, thoi nơ̆r đơ̆ng Kră Yang Tih Hloh; re ơ-ôs thoi lu linh lơ yak, Mưh pơdơh, lu sư tơjruh pơnăr.

Êsêkiên 1:24 ပူးပေါင်းရင်းမြစ်များ

II Pot 7:6

Yua kơ Kră Yang hlôi pơm kơ lu linh Aram kơtơ̆ng jơwa gre aseh păng aseh mơdrâp mơdrăp, păng kơtơ̆ng jơwa khŭl linh lơ na lu sư pơma dơnuh: “Ei, pơtao đe Isơrael mưng iŏk lu pơtao đe Hêtit păng pơtao đe Êyiptơ wă blah bơ̆n.”

Jop 37:2

Mơ̆ng bĕ, nơ̆r Kră Yang re jơwa thoi grơ̆m, nơ̆r re jơwa lĕch đơ̆ng 'bơ̆r Sư.

Horiso 18:13

Kră Yang Sư pơm grơ̆m glaih tơ kơpal plĕnh. Kră Yang kơpal hloh ăn kơ đe kơtơ̆ng nơ̆r Sư. Tơ lăm 'mi prĕl hăm ngar ŭnh ngŭr

Horiso 68:33

Noh jơ̆ Kră Yang mă hao kơpal lu plĕnh, lu plĕnh so sơ̆. To Sư tơlĕch nơ̆r, nơ̆r Sư pơma mơsêh re jơwa dêh.

Êsêkiên 10:5

Re jơwa đơ̆ng pơnăr chêrubim tơtuh đe kơtơ̆ng truh tơ cham 'nguaih, re thoi nơ̆r Kră Yang 'Bok Kei-Dei Tih Hloh pơma.

Êsêkiên 3:13

Inh kư̆m kơtơ̆ng re đơ̆ng pơnăr lu kon sem arih tơtuh hơtŭt băl păng re jơwa lu tang-wang gre rơ̆m răm 'bơ̆t cheng lu sư.

Êsêkiên 43:2

Inh 'bôh tơdrong ư-ang rang mơnhal Kră Yang 'Bok Kei-Dei Isơrael năm đơ̆ng gah hơlĕch đei jơwa nhen thoi đak ro tih, hơdah rang mơnhal ư-ang Kră Yang jơ̆p kơ teh.

Da 10:6

Akâu sư thoi jơmŏng; muh măt sư kư̆m thoi kơmlat păng măt sư thoi pla ŭnh; jơ̆ng, ti sư rang thoi mam kong păng nơ̆r pơma sư thoi nơ̆r tơpôl bơngai lơ.

Tơdrông Tơ'bôh 1:15

Jơ̆ng Sư hơdah 'brŭng dreng thoi mam ngơr đe 'buh tơ ŭnh, 'bơ̆r Sư pơma mơ̆ng thoi jơwa đak chơkơi.

Tơdrông Tơ'bôh 19:6

Đơ̆ng noh inh kơtơ̆ng 'bơ̆r bơngai tơpôl pơma jơwa thoi đak chơkơi, thoi grơ̆m glaih thoi âu: “Halêluya, ư-ang kơ 'Bok Kei-Dei Kră Yang Tih Hloh. Sư wă pơgơ̆r tôm tơdrong ngăl boih.