Êsêkiên 1:19 - Sơ̆p Hlabơar Nơ̆r 'Bok Kei-Dei

¹⁹ Lăp lu kon sem arih noh năm, lu tang-wang gre kư̆m năm hơdai 'bơ̆t cheng. Na mưh lu kon sem arih hiŏng tŏk tơ kơpal lu tang-wang kư̆m hơdai hiŏng tŏk kiơ̆ thoi noh.

Êsêkiên 1:19 ပူးပေါင်းရင်းမြစ်များ

Horiso 103:20

Hơri bơnê kơ Kră Yang: Ơ lu linh jang Kră Yang, lu yang mă đei jơhngơ̆m pran kơtang pơm kiơ̆ nơ̆r tơtă Sư; mơ̆ng kiơ̆ nơ̆r Sư khan.

Êsêkiên 1:15

Kơplah inh lăng lu kon sem arih noh, inh 'bôh đei tang-wang gre tơ teh cheng lu kon sem arih, tang-wang gre noh 'bơ̆t cheng rim kơ kon sem arih puăn tŏ muh măt.

Êsêkiên 1:21

Lu kon sem arih năm, lu tang-wang gre kư̆m năm; lu kon sem arih dơ̆ng lu tang-wang gre kư̆m dơ̆ng păng lu kon sem arih hiŏng kơpal kơ teh lu tang-wang gre hiŏng hơdai, yua kơ yang bơhngol lu kon sem arih oei lăm tang-wang gre.

Êsêkiên 10:16

Mưh lu chêrubim năm, lu tang-wang gre kư̆m năm kiơ̆ cheng; mưh lu chêrubim bơyar pơnăr păr đơ̆ng teh tơ kơpal, lu tang-wang gre ưh kơ dăr weh đơ̆ng cheng lu sư ôh.

Êsêkiên 10:19

Lu chêrubim bơyar pơnăr păr tơ kơpal hloi đơ̆ng teh 'bơ̆t anăp inh; lu tang-wang gre kư̆m năm hơdai 'bơ̆t cheng lu sư. Lu sư dơ̆ng 'bơ̆t anăp 'măng mơ̆t gah hơlĕch hnam Kră Yang, tơdrong ư-ang rang mơnhal Kră Yang 'Bok Kei-Dei Isơrael oei kơpal lu sư.