Êsêkiên 1:13 - Sơ̆p Hlabơar Nơ̆r 'Bok Kei-Dei

¹³ Akâu lu kon sem arih noh nhen thoi ngar ŭnh khơ̆ng thoi hơchô̆ 'long ŭnh khơ̆ng năm rŏng anăp tŏk-bŏk lu kon sem arih noh; ŭnh hơdah păng đei kơmlat đơ̆ng ŭnh lĕch hơdah

Êsêkiên 1:13 ပူးပေါင်းရင်းမြစ်များ

Bl 15:17

Kơplah măt 'năr mơ̆t boih, glĭp kơmăng mu truh na đei minh pôm tơnuh ŭnh tih lĕch 'nhui păng đei pla ŭnh soh dơhlông tơ lu kon sem mă đei blah noh hei.

Horiso 104:4

Sư yua kial pơm bơngai pơtruh nơ̆r Sư. Pla ŭnh pơm đĭch đam Sư.

Êsêkiên 1:7

Jơ̆ng lu sư tơpăt, tơpang jơ̆ng thoi kơchôp kon rơmo, hơdah 'brŭng thoi kong rang rơgoh.

Êsêkiên 10:2

Kră Yang khan kơ bơngai hrŭk ao che 'bui: “Mơ̆t bĕ tơ sơlam tang-wang gre ala kơ chêrubim iŏk ngar ŭnh 'bĕnh kơ tơpang ti ih, đơ̆ng sơlam lu chêrubim na săi jơ̆p kơ pơlei noh”. Bơngai noh mơ̆t tơm măt inh.

Da 7:9

Inh oei lăng dĭng đe dan lu tang-dŏ pơtao păng đei kră mă oei arih đơ̆ng sơ̆ hơ-oei kơpal tang-dŏ noh. Ao sư kok thoi prĕl păng sŏk sư rơgoh thoi sŏk triu. Tang-dŏ pơtao sư noh pla ŭnh păng lu tang-wang gre sư kư̆m pla ŭnh.

Mathiơ 28:3

Lăng sư nhen lĕ kơmlat, ao sư rang kok dêh.

II Tes 1:7

Sư ăn đĭ-đăng kơ lu bơ̆n huay kơ đei tơdrong gleh đơ̆ng năr Kră Yang Yêsu Krist jur đơ̆ng plĕnh. Sư jur hơdai hăm lu linh pran kơtang jang tơdrong Sư.

Tơdrông Tơ'bôh 10:1

Klaih kơ noh dơ̆ng inh 'bôh minh 'nu linh jang 'lơ̆ng nai, sư jur đơ̆ng plĕnh đei hơmơ̆l gom akâu sư thoi hrŭk ao, sư pran tih. Păng đei plĕnh chro wăr kơpal kơ̆l sư; muh măt sư lăng mơnhal dang măt 'năr, jơ̆ng sư 'bak đum thoi pla ŭnh.

Tơdrông Tơ'bôh 18:1

Klaih kơ noh inh 'bôh minh 'nu linh jang nai jur đơ̆ng plĕnh pran kơtang 'lơ̆ng klă klang rang jơ̆p teh.

Tơdrông Tơ'bôh 4:5

Păng 'bôh kơchêr kơchar kơmlat lĕch đơ̆ng tang-dŏ 'Bok Pơtao mă oei tŏk-bŏk. Păng inh kơtơ̆ng grơ̆m glaih tơdrăng. 'Bơ̆t anăp tang-dŏ 'Bok Pơtao ei, đei tơpơh tŏ ŭnh kơđeng sư khơ̆ng ling-lang. Kơđeng ei wă pơtih gia kơ Yang Bơhngol 'Lơ̆ng Sư. Yang Bơhngol 'Lơ̆ng minh 'nu đĕch, mă-lei dang tơpơh 'nu.