Êsêkiên 1:10 - Sơ̆p Hlabơar Nơ̆r 'Bok Kei-Dei

¹⁰ Muh măt lu sư thoi âu: Rim kơ lăm puăn tŏ noh đei muh măt thoi kon bơngai, rim lăm puăn tŏ noh đei muh măt dăm-brang gah 'ma; rim lăm puăn tŏ noh đei muh măt rơmo gah 'ngiĕo; păng rim lăm puăn tŏ noh đei muh măt sem klang.

Êsêkiên 1:10 ပူးပေါင်းရင်းမြစ်များ

I Ho 12:8

Lăm adrĕch adrung Gat đei lu bơngai năm kiơ̆ Đawit tơ anih kơjăp lăm tơmăn glă; lu sư bơngai nuih pran kơtang, gơh hơgei tơblah, chĕp khêl chĕp tơju. Muh măt lu sư nhen dăm-brang, hơbĕch hơbal nhen thoi juei kơpal kông.

Jop 39:27

Hăm trŏ kiơ̆ nơ̆r ih tơtă na sem klang dơsum păr tŏk, Pơm tơpu sư tơ anih kơjung?

Tơdrông Pơđơk 14:4

Tơ yơ ưh kơ đei kơpô rơmo tơ ei bơng 'nhĕt kư̆m hoh, Mă-lei đei kĕch 'ba lơ đơ̆ng rơmo tơno choh.

Êsai 40:31

Mă-lei bu chang gô Kră Yang sư gô đei jơhngơ̆m pran 'nao, sư gô păr kơjung thoi sem klang; kơdâu mă ưh kơ băt kơ lap, nơnăm mă ưh kơ gleh.

Êsai 46:8

'Blŏk hơdơ̆r bĕ dôm tơdrong âu, tơchĕng mă hơlen bĕ! Ơ lu bơngai kơchu lu iĕm athei tơchĕng 'blŏk bĕ tơdrong noh lăm kơ̆l.

Êsêkiên 1:6

Rim kơ lu sư đei puăn tŏ muh măt păng puăn tŏ pơnăr.

Êsêkiên 10:14

Rim kơ chêrubim đei puăn tŏ muh măt; mă minh muh măt chêrubim, mă 'bar muh măt bơngai, mă pêng muh măt dăm-brang, mă puăn muh măt sem klang.

Êsêkiên 41:19

măt bơngai tơwih tơ gah rup 'long gol pah âu păng măt dăm-brang tơwih gah rup 'long gol pah to jơ̆p tăp tang kơ lăm hnam akŭm đei chhơ̆ thoi noh.

Da 7:4

Sem brem mă adrol noh hơbŏ thoi dăm-brang păng đei pơnăr sem kring; inh lăng pơnhen dĭng truh tơ pơnăr sư tơbuch, na đe dui hơtŏk sư đơ̆ng teh, sư iung dang dơ̆ng năm 'bar pah jơ̆ng thoi kon bơngai bơ̆n păng kư̆m ăn kơ sư đei jơhngơ̆m kon bơngai.

Jo 2:10

Hla-kơ păng kơđông linh Rubên kiơ̆ kơ khŭl lu sư oei tơ gah gơal. Yŏng kơdră adrĕch Rubên noh Êlisur kon drŏ-nglo Sêdur;

Jo 2:18

Hla-kơ khŭl kơđông linh Êphraim păng lu linh sư athei oei tơ gah bơmơ̆t. Yŏng kơdră bơngai Êphraim noh Êlisama kon drŏ-nglo Amihut;

Jo 2:25

Hla-kơ kơđông linh Đan păng lu linh sư athei oei gah yă-nơ̆m. Yŏng kơdră adrĕch Đan noh Ahiser, kon drŏ-nglo Amisadai;

Jo 2:3

Kơđông linh Juđa oei tơ gah hơlĕch gah măt 'năr lĕch, đei hla-kơ khŭl lu sư. Yŏng kơdră adrĕch bơngai Juđa noh Nahsôn, kon drŏ-nglo Minađap.

Luka 15:10

Kư̆m thoi noh mơ̆n lu linh jang 'lơ̆ng 'Bok Kei-Dei hiôk tơpă mă 'bôh minh 'nu bơngai yoch băt băi tơbral kơdih tơdrong yoch.”

I Kor 14:20

Ơ 'nhŏng oh, gah tơdrong iĕm 'maih pơma nơ̆r hlĭch, iĕm athei tơchĕng kiơ̆ đon kră, 'nĕ pă kiơ̆ thoi đon bơngai nge. Bơ̆n băt kơ lu bơngai nge ưh kơ gơh pơm kơnê̆ kơ đe, dah bơ̆n kiơ̆ thoi noh 'lơ̆ng mơ̆n, mă-lei bơ̆n 'nĕ kơ kiơ̆ kơ đon sư tơchĕng, yua kơ sư ưh kơ hlôh ôh.

Both 28:49

Kră Yang gô ba minh adrĕch adrung đơ̆ng ataih, đơ̆ng tôch kơ plei teh năm blah lu iĕm, thoi klang păr rôp sa kon sem; iĕm ưh kơ hlôh nơ̆r lu sư pơma ôh.

Tơdrông Tơ'bôh 4:7

Sem mă mônh hơbŏ sư thoi dăm-brang, sem mă 'bar hơbŏ sư thoi rơmo, mă pêng muh măt sư thoi bơngai, sem mă puăn hơbŏ sư thoi sem klang păr kơpal plĕnh.

Tơdrông Tơ'bôh 5:5

Mă-lei đei minh 'nu lăm lu đe kră noh khan kơ inh thoi âu: “Ih 'nĕ pă nhơ̆m, to gô dăm-brang adrĕch adrung Juđa păng Đawit hek lăng hla bơar noh. Pôm Sư đĕch trŏ kơ hek lăng hla bơar noh, yua kơ Sư tơblah păng yang kơnê̆ jei Sư boih.”

Lu 14:18

Truh đĭ tơpơh năr boih adrol kơ 'năr wă mơ̆t, lu bơngai tơdăm lăm kon pơlei năm khan kơ Samsơn na roi tơblang tơdrong pơpơn noh: Đei kiơ mă 'ngam hloh kơ đah sut? Đei kiơ mă pran hloh kơ dăm-brang? Samsơn tơl khan: Tơdah lu iĕm ưh kơ choh rơuơ hăm rơmo adruh inh, lei lu iĕm ưh kơ gơh ôh tơlang nơ̆r inh pơpơn.