Êsai 9:3 - Sơ̆p Hlabơar Nơ̆r 'Bok Kei-Dei

³ Thoi lăm chăl Midian, Ih gơ̆ lê̆ bơih 'long ăt đêl lu sư tôi trăp, kư̆m gơ̆ lê̆ 'long hơnong đơ̆ng hơngiĕng lu sư păng 'long jra đêl đe pơjuă pơđep lu sư.

Êsai 9:3 ပူးပေါင်းရင်းမြစ်များ

Ne 9:23

Ih kư̆m thim ăn đei kon sâu hrôh ngôh lơ thoi lu sơnglŏng tơ kơpal plĕnh, ba lu sư mơ̆t tơ dêh mă Ih đei pơkă hăm 'bok lu sư sơ̆: Lu iĕm gô mơ̆t tơ noh na iŏk asong băl dêh noh.

Jop 12:23

Sư ăn kơ adrĕch adrung bơngai rai mơdrŏng, đơ̆ng noh pơlôch pơrăm lu sư, pơih ăn kơ lu teh đak rai să păng ăn kơ lu sư tơklah tơklang.a

Horiso 107:38

Kră Yang 'Bok Kei-Dei ăn tơdrong pŭn hiôk kơ lu sư, lu kon pơlei rai hrôh. Sư ưh kơ đei ăn kơ kon sem dơrong lu sư hrŏ hiong,

Horiso 119:162

Inh hiôk chơt kơ nơ̆r Ih pơkă thoi lu đe blah iŏk đei tơmam lơ.

Horiso 4:7

Kră Yang, Ih ăn boih kơ inh tơdrong chơt hiôk dêh. Hloh kơ lu sư chơt hiôk đei 'ba mi lơ, păng sik đak hơmu rơkah rơkai

Êsai 10:26

Kră Yang Tih Hloh gô chĕp sơnguĕt teh lu sư. Thoi Sư đei pơm kơ kon pơlei Midian 'bơ̆t tơmo Ôrep; păng Sư kư̆m yơ̆r 'long jra tơ kơpal đak dơsĭ, thoi Sư đei pơm tơ Êyiptơ sơ̆.

Êsai 12:1

Lăm năr noh ih gô khan: “Ơ Kră Yang inh bơnê kơ Ih. Mă khan Ih hil mĭl kơ inh ră, mă-lei tơdrong Ih hil mĭl ưh pă đei bơih păng Ih pơlung inh bơih.

Êsai 14:5

Kră Yang gơ̆ lê̆ bơih 'long băl lu bơngai pơm kơnê̆, păng gơ̆ lê̆ 'long jra lu pơtao pơgơ̆r.

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Êsai 26:15

Ơ Kră Yang Ih đei ăn kon bơngai dêh char âu rai lơ, Ih thim ăn kon bơngai dêh char âu rai lơ, Ih bơih đei tơdrong ư-ang, ih pơih ăn kơ hơdral teh đak nhôn rai să.

Êsai 35:10

Lu bơngai mă Kră Yang huai iŏk bơih gô brŏk. Năm mơ̆t tơ pơlei Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, na tơdrong ơh sơ'ngon chhŭr nuih gô hiong đĭ.

Êsai 35:2

Sư đei bluh pơkao lơ, păng 'nă hal hơri chơt hiôk. Tơdrong ư-ang Liban, hăm tơdrong 'lơ̆ng rŏ kông Karmel păng thŭng dơnă Sarôn, gô ăn kơ lu Sư. Lu sư gô 'bôh tơdrong ư-ang Kră Yang păng tơdrong 'lơ̆ng rŏ Kră Yang 'Bok Kei-Dei lu bơ̆n.

Êsai 54:1

Ơ bơngai drŏ-kăn hơwŏng, bơngai ưh kơ đei hơiơch hơri bĕ. Ơ bơngai tam mă jĭ rơneh, hơri jreo hiôk chơt bĕ, yua kơ kon hơ'lơ̆p bơngai drŏ-kăn tŭk gô đei lơ hloh kơ kon hơ'lơ̆p bơngai drŏ-kăn mă đei klo, Kră Yang khan thoi 'noh.

Êsai 55:12

Bĕ lu iĕm gô lĕch năm hiôk chơt păng ba lăm tơdrong hiôk-hian. Kông kơjung păng groi kơđeh gô đei nơ̆r hơri 'bơ̆t anăp lu iĕm. Rim kơ 'long tơ bri brah gô tơtap ti.

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Êsai 61:7

Tơplih đơ̆ng mơlâu. Kon pơlei Inh gô đei iŏk tơmam hloh 'bar wơ̆t tơplih đơ̆ng đe pơjăm. Lu sư gô chơt hiôk đơ̆ng tơmam đe asong bơih, na lu sư gô đei iŏk mŭk tơmam 'bar wơ̆t lơ hloh lăm dêh char lu sư păng đei tơdrong hiôk chơt ling-lang.

Êsai 65:14

'Nâu lu đĭch đam Inh gô hơri ư-ang yua kơ jơhngơ̆m chơt hiôk, Mă-lei lu iĕm gô nhơ̆m ôr yua kơ jĭ jơhngơ̆m. Lu iĕm gô nhơ̆m ôr yua kơ jơhngơ̆m pơmat-tat.

Êsai 65:18

Mă-lei athei 'nă hal păng chơt hiôk ling-lang khŏm khŏm lăm tôm tơdrong kiơ Inh đei pơjing. Tơpă Inh đei pơjing pơlei Jêrusalem thoi tơm tơdrong hiôk chơt păng pơjing kon pơlei lăm pơlei noh thoi minh tơdrong hiôk chơt.

Êsai 66:10

“Hiôk chơt bĕ hơdai hăm pơlei Jêrusalem ơ lu bơngai mă 'mêm kơ pơlei Jêrusalem. Hiôk chơt bĕ yua kơ sư, ơ lu bơngai mă nhơ̆m hmoi kơ Jêrusalem, athei đĭ jơhngơ̆m chơt hiôk 'nă hal hơdai hăm sư.

Je 31:7

Kră Yang khan: “Bĕ bơ̆n hơri chơt hiôk kơ Jakôp; tơkĕch tơjroh bĕ kơ lu adrĕch adrung gĭt kăl, pôk bơnê pơyom bĕ na khan: ‘Kră Yang dŏng pơklaih boih kon pơlei pơla Sư, lu kon pơlei Isơrael mă oei arih.’

Hôsia 4:7

Lu sư hrôh rai lơ dang yơ, lu sư kư̆m pơm yoch hăm Inh dang noh. Inh gô tơplih tơdrong ư-ang lu sư jing tơdrong mơlâu.

Lêwi 26:13

Inh jing Kră Yang, 'Bok Kei-Dei lu iĕm, Tơ'ngla mă chông anhăk iĕm lĕch jăk đơ̆ng char Êyiptơ, wă kơ iĕm klaih đơ̆ng pơm đĭch đam đe; Inh hlôi gơ̆ lê̆ 'long ăt đơ̆ng lu iĕm păng ăn kơ lu iĕm yak ngơk tơpăt.

Sa 10:8

Inh wă krao pơpôi lu sư, yua kơ Inh huai iŏk lu sư boih; lu sư đei thim rai lơ thoi sơ̆.

Sa 2:11

Lăm năr noh, đei lơ teh đak gô chu drap kơkuh kơ Kră Yang păng gô jing kon pơlei Inh, Inh gô oei hơdai lu iĕm, lu iĕm gô băt Kră Yang Tih Hloh đei wơh inh truh tơ iĕm.

Sa 8:23

Kră Yang Tih Hloh khan thoi âu: “Gô đei mơjĭt 'nu đơ̆ng rim nơ̆r pơma păng rim kơ dêh char, rôp kơjăp ao minh 'nu bơngai Juđa păng khan: Ăn kơ nhôn năm hơdai ih, yua kơ nhôn kơtơ̆ng Kră Yang oei hơdai ih.’ ”

Luka 11:22

Bơngai noh sư gơnang kơ tak đao sư, mă-lei dah đei bơngai bu pran hloh năm blah iŏk pơjei tak đao sư, na bơngai 'nei gơh iŏk đĭ dôm mŭk tơmam sư đei păng asong kơ lu bôl buăl sư. Inh kư̆m tơblah hăm yang Satan thoi noh mơ̆n.

Jang 8:8

Na pơlei ei chơt hiôk tơpă.

Philip 4:4

Hiôk bĕ iĕm yua kơ iĕm lui kơ Kră Yang Yêsu Krist boih. Inh wă khan kơ iĕm dơ̆ng: Hiôk bĕ iĕm.

I Pet 1:8

Đơ̆ng sơ̆ iĕm ưh kơ 'bôh Yêsu Krist thoi yơ, mă iĕm 'mêm kơ Sư tơpă. Dang ei iĕm kư̆m ưh kơ 'bôh Sư mă iĕm kư̆m lui kơ Sư kơjăp, jơhngơ̆m iĕm hiôk ling-lang măng năr.

Lu 5:3

Ơ lu pơtao, mơ̆ng bĕ! Ơ lu 'bok pơgơ̆r, pơđêng bĕ đon! Inh gô hơri ăn kơ Kră Yang, minh bai. Inh gô hơri bơnê kơ Kră Yang, 'Bok Kei-Dei Isơrael.

Lu 7:22

Kơplah lu sư hlôm pêng-hrĕng tŏ tơgiĕp, Kră Yang pơm lu linh Miđian iŏk đao gưm 'bet pơlôch băl tơduă. Păng đĭ-đăng khŭl linh pơlôch băl tơduă Khŭl linh kơdâu ôn hlôi truh tơ pơlei Bet Sita tơklă char Sêrêra, păng truh tơ hơdral pơlei Abel Mêhôla jê̆ pơlei Tabat.

Lu 8:12

Sêba păng Salmuna kơdâu ôn ră mă-lei Giđêôn rôp bre sư pơtao Miđian, lu linh sư kư̆m kơdâu đĭ.

I Sam 30:16

Bơngai Êyiptơ chông ba lu sư năm truh. Lu sư 'bôh kon pơlei Amalek jơ̆p-jang kơ teh, et sa, chơt hiôk, yua kơ lu sư tơgar iŏk lơ tơmam đơ̆ng lăm dêh Philistin păng lăm dêh Juđa.