Êsai 9:16 - Sơ̆p Hlabơar Nơ̆r 'Bok Kei-Dei

¹⁶ Yua kơ thoi noh Kră Yang ưh kơ lăp đon kơ lu tơdăm păng ưh pă mơnat ôh kơ lu bơngai adro po, kon mơti mơtuei lu sư, yua kơ lu sư ưh kơ pơyom kơ Kră Yang 'Bok Kei-Dei păng pơm kơnê̆, 'bơ̆r lu sư pơma kơnê̆ kơtul bơlŭk, mă khan thoi noh ră Kră Yang oei hil pơma kơ lu sư, ti Kră Yang oei yơ̆r tơ kơpal wă pơm kơ lu sư 'mơ̆i!

Êsai 9:16 ပူးပေါင်းရင်းမြစ်များ

II Ho 30:27

Lu 'bok soi păng lu bơngai Lêwi iung sơkat pŭn hiôk ăn kơ kon pơlei; nơ̆r sơkat nơ̆r lu sư krao khan kơtơ̆ng truh tơ anih rơgoh Kră Yang, truh tơ plĕnh na Kră Yang tơl tơwih ăn pŭn hiôk.

Êsai 10:4

Ưh pă đei kiơ oei oei. Lăp kŭp kơ̆l drap lăm lu bơngai bơnă păng pơ̆k hơdai hăm lu bơngai lôch đĕch. Mă-lei ră, Kră Yang oei hil mĭl kơ lu sư 'mơ̆i, ti Kră Yang oei yơ̆r tơ kơpal wă pơm kơ lu sư.

Êsai 19:14

Kră Yang tuh ăn tơdrong tơchĕng hơwơ̆l kơ bơngai Êyiptơ, lu sư gô wơ̆l jrok lăm tôm tơdrong jang, thoi bơngai suai hăk rah năm rah tơ 'ma tơ 'ngiĕo kơ hăk sư.

Êsai 3:12

Kon pơlei pơla Inh, lu đe hơ'lơ̆p gô pơjuă pơđep lu sư. Drŏ-kăn gô pơgơ̆r lu sư. Ơ kon pơlei Inh! Lu bơngai pơgơ̆r chông iĕm jrok trong, pơm kơ iĕm wơ̆l kơ trong.

Êsai 5:25

Thoi noh bơih na Kră Yang hil mĭl kơ kon pơlei Sư; Kră Yang hiŏng ti teh lu sư, kông tơdrŏ, akâu bơngai lôch 'bĕnh-'bang kơ trong. Mă-lei tơdrong Kră Yang hil oei ưh kơ ngach oei hiŏng ti hil kơ lu sư 'mơ̆i.

Je 18:21

Mă-lei ăn kơ kon sâu sư pơngot rơwĕt, ăn kơ lu sư lôch kơ đao gưm. Lê̆ lu drŏ-kăn hiong kon, sư păng adro po, Klo lu sư lôch hơbuh, ăn kơ lu kon tơdăm lu sư lôch kơ đao hơlă tơ anih tơblah.

Je 23:13

“Inh 'bôh hơđăl boih tơdrong glăi yoch krưp, lăm bơngai khan lê̆ adrol char Samari; Lu sư yua anăn yang Baal na khan lê̆ adrol, ba bơngai Isơrael Inh wơ̆l jrok.

Je 9:4

“Ăn kơ rim 'nu kơchăng kơ rông 'bôt sư, 'nĕ kơ lui gơnang kơ lu 'nhŏng oh; yua kơ 'nhŏng noh gô hơlĕnh pơdăr kơ 'nhŏng oh sư. Lu rông 'bôt chă pơma kơnê̆ sơlam băl.

Am 2:4

Kră Yang khan: Yua kơ đơ̆ng kon pơlei Juđa rai pơm yoch hloh kơ adrol, na inh ưh kơ lê̆ ôh wă phak lu sư; Yua kơ lu sư achăng lê̆ boih khôi juăt Kră Yang păng ưh pă pơm kiơ̆ dôm nơ̆r Sư tơtă, dôm lu yang hơlĕnh pơdăr mă đơ̆ng 'bok yă lu sư kiơ̆, pơm kơ lu sư wơ̆l jrok.

Mi 3:5

'Nâu jơ̆ nơ̆r Kră Yang khan gah lu bơngai khan lê̆ adrol, chông kon pơlei Inh na jrok trong, lu bơngai mă ăn rơnŭk rơnua tơmam sa lăm 'bơ̆r lu sư, lu sư khan: Wă tơblah hăm lu bơngai mă ưh kơ ăn tơmam sa kơ lu sư.

Mathiơ 15:14

Na iĕm 'nĕ mah hiơ̆k tơdrong sư ơh noh, yua kơ lu sư bơngai bơtho đe ră mă-lei dang bơngai măt tol. Dah bơngai măt tol chông ba bôl sư măt tol bre sư nơnăm gô huŏng tơ sơlŭng đĕch ưh kơ yua kiơ kơ bre sư ôh.”

Hêbrơ 7:7

Thoi noh na ưh kơ đei bu pơma kiơ kơ Mêlkisêdek gah tơdrong sư krao khan kơ Abraham, yua kơ sư tih hloh kơ Abraham tơpă.