Êsai 9:15 - Sơ̆p Hlabơar Nơ̆r 'Bok Kei-Dei

¹⁵ Lu bơngai pơgơ̆r pơm kơ kon pơlei âu năm jrok trong bơih păng lu bơngai sư chông puh kơ sư hơlĕnh.

Êsai 9:15 ပူးပေါင်းရင်းမြစ်များ

I Pot 13:18

Bơngai khan lê̆ adrol kră 'noh tơl sư khan: “Inh kư̆m dai bơngai khan lê̆ adrol lei-lăi thoi ih. Đei minh 'nu linh jang 'lơ̆ng Kră Yang khan kơ inh: ‘Ih athei chông ba sư brŏk tơ hnam ih sŏng sa, nhă đak.’ ” Mă-lei bơngai khan lê̆ adrol kră hơlĕnh kơ sư.

Jop 22:8

Lu bơngai pran gơh kĕ ih ăn sư đei teh; Bơngai đei đe pơyom ih ăn oei tơ 'noh.

Êsai 19:15

Đe pă đei gơh pơm kiơ lăm dêh Êyiptơ, mă khan kơ̆l dah kiĕng. Dơng gao dah gơlar.

Êsai 23:9

Kră Yang Tih Hloh bơih pơkă pơm tơdrong âu, tơjur tơdrong pơang kơ đĭ-đăng tơdrong 'lơ̆ng rŏ păng pơm kơ lu bơngai đe pơyom lăm teh đak âu mơlâu.

Êsai 28:15

Lu iĕm pơma pơrŏ khan: “Lu nhôn pơgơ̆p bơih hăm tơdrong lôch, păng pơgơ̆p hăm dêh atâu, Tơdah tơdrong anat anot gô truh, ưh kơ 'bơm lu nhôn ôh. Lu nhôn yua tơdrong pơma hơlĕnh pơm anih nhôn kơ'nơp. Păng pơma bơkuĕch hơlĕnh wă kơdâu ôn.

Êsai 28:17

Inh gô iŏk tơdrong tơpăt hơnơ̆ng pơm tơlei pơtŏ, tơdrong 'lơ̆ng tơpăt pơm 'long hơgăt, 'mi prĕl gô pơrăm lê̆ anih pơma hơlĕnh lu iĕm ôn kơ'nơp, đak gô lơ̆p lê̆ iĕm lu sư wă kơdâu klĕnh.

Êsai 28:7

Mă-lei lu đe noh kư̆m wing măt yua kơ sik hơmu pơm. Nơnăm 'ma 'ngiĕo yua kơ suai kơ tơdrô 'lơ̆ng! 'Bok soi păng 'bok khan lê̆ adrol wing măt yua kơ suai kơ tơdrô 'lơ̆ng, tơdrô pơrăm đĭ đon tơchĕng lu sư, tơdrô pơm kơ lu sư yak năm we-wo 'ma 'ngiĕo oei mơngưt mơngat kơplah lu sư đei tơdrong tơ'bôh. Lu sư glăi lăm tơdrong sek tơlang.

Êsai 29:10

Kră Yang đei pơm bơih kơ lu iĕm tep blêk, chĭt lê̆ măt lu iĕm, jơ̆ lu bơngai khan lê̆ adrol, Kră Yang gom kơ̆l lu iĕm bơngai mă đei tơdrong tơ'bôh.

Êsai 3:12

Kon pơlei pơla Inh, lu đe hơ'lơ̆p gô pơjuă pơđep lu sư. Drŏ-kăn gô pơgơ̆r lu sư. Ơ kon pơlei Inh! Lu bơngai pơgơ̆r chông iĕm jrok trong, pơm kơ iĕm wơ̆l kơ trong.

Êsai 3:5

Kon pơlei pơjuă pơđep băl tơduă, rim 'nu tơblah băl, tơduă rông 'bôt tơblah băl, lu hơ'lơ̆p pơrăm lu kră. Lu bơngai răm-'băm pơm plơ̆ kơ lu bơngai mă đe ư-ang.

Êsai 43:27

'Bok tơm lu iĕm sơ̆ pơm yoch bơih, bơngai pơtruh nơ̆r lăm lu iĕm pơm glăi blah Inh bơih.

Êsai 5:13

Yua ưh kơhlôh kơwao na kon pơlei pơla Inh jing pơm đĭch đe, lu bơngai yŏng mơng jing lôch kơ pơngot rơwĕt, kon pơlei lu sư jing ol ăk yua kơ rơhing kơ đak.

Êsai 59:3

Ti lu iĕm 'mê̆-'mach đơ̆ng pham bơngai iĕm pơlôch. Hơnglâu iĕm 'mê̆-'mach đơ̆ng tơdrong yoch kơnê̆. 'Bơ̆r lu iĕm đĭ pơma hơlĕnh. Hơpiĕt lu iĕm pơma jŏk tơdrong kơnê̆.

Êsai 59:4

Chă tơkêng băl ưh kơ kiơ̆ tơdrong tơpăt. Pơjah băl kư̆m ưh kơ đei kiơ̆ tơdrong tơpăt hơnơ̆ng Đĭ-đăng tă kơ gơnang kơ tơdrong hiong răm, pơma hơlĕnh pơdăr, lu sư tơchĕng kơ tơdrong kơnê̆ păng pơm tơdrong răm.

Je 23:32

Tơpă Inh gô blah lu bơngai khan lê̆ adrol yua nơ̆r hơlĕnh roi tơdrong apo pơm ăn kơ kon pơlei pơla Inh jrok kiơ̆ nơ̆r hơlĕnh kư̆ kă. Inh ưh kơ đei wơh păng ưh kơ đei athei lu sư ôh. Tơpă lu sư ưh kơ đei tơgŭm kiơ kơ kon pơlei pơla âu.” Noh Kră Yang khan.

Je 23:9

Gah lu bơngai khan lê̆ adrol: Jơhngơ̆m inh pơchah boih lăm inh, kơting inh đĭ tơtơ̆, inh thoi bơngai suai kơ sik, thoi bơngai wing măt yua kơ sik pơm kơ sư, đơ̆ng Kră Yang hăm đơ̆ng nơ̆r 'lơ̆ng rơgoh Sư.

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”

Nhom 2:14

Lu bơngai khan lê̆ adrol iĕm 'bôh boih tơdrong hơlĕnh păng chă pơhlŭ iĕm. Lu sư ưh kơ đei tơ'bôh tơdrong yoch iĕm ôh, wă kơ lu iĕm huay kơ pơm bơnă. Tơ'bôh ăn kơ lu iĕm khan lê̆ adrol hơlĕnh păng chă pơhlŭ wă pơrăm iĕm.

Êsêkiên 13:19

Lu iĕm pơm pơ'mê̆ kơ Inh lăm lu kon pơlei Inh, wă kơ đei minh chup 'ba tơ'bâu păng minh tơpei 'bĕng, pơma hơlĕnh kơ kon pơlei Inh, lu sư mơ̆ng kiơ̆ nơ̆r hơlĕnh lu iĕm, na pơlôch bơngai mă ưh kơ trŏ kơ lôch, păng rong bơngai mă ưh kơ trŏ wă rong arih.

Êsêkiên 13:22

Yua kơ lu iĕm iŏk tơdrong hơlĕnh pơm kơ lu bơngai tơpăt rơdu sơ'ngon mă Inh tam pơm kơ lu sư rơdu sơ'ngon ôh, păng yua kơ lu iĕm pơhlŭ lu bơngai kơnê̆ wă kơ lu sư ưh kơ tơbral lê̆ trong kơnê̆, na gơh đei arih,

Hôsia 9:8

'Bok khan lê̆ adrol jơ̆ bơngai wei-lăng bơngai wei Êphraim Kră Yang 'Bok Kei-Dei athei; Iĕm pơm kơ 'Bok khan lê̆ adrol thoi hơnhuăl đe wŏk rôp sem păr oei jơ̆p kơ trong sư, kư̆m hil areh kơ sư lăm hnam Kră Yang 'Bok Kei-Dei sư.

Am 2:4

Kră Yang khan: Yua kơ đơ̆ng kon pơlei Juđa rai pơm yoch hloh kơ adrol, na inh ưh kơ lê̆ ôh wă phak lu sư; Yua kơ lu sư achăng lê̆ boih khôi juăt Kră Yang păng ưh pă pơm kiơ̆ dôm nơ̆r Sư tơtă, dôm lu yang hơlĕnh pơdăr mă đơ̆ng 'bok yă lu sư kiơ̆, pơm kơ lu sư wơ̆l jrok.

Mi 3:5

'Nâu jơ̆ nơ̆r Kră Yang khan gah lu bơngai khan lê̆ adrol, chông kon pơlei Inh na jrok trong, lu bơngai mă ăn rơnŭk rơnua tơmam sa lăm 'bơ̆r lu sư, lu sư khan: Wă tơblah hăm lu bơngai mă ưh kơ ăn tơmam sa kơ lu sư.

Malachi 2:9

“Yua kơ thoi noh na Inh kư̆m đei pơm ăn kơ lu iĕm rai iĕ jing pă rơ-a 'bơ̆t anăp đĭ kon pơlei pơla, yua kơ lu iĕm ưh kơ kiơ̆ trong Inh pơdah kơ đe khan lu iĕm oei lăm khôi juăt.”

Mathiơ 24:24

yua kơ năr noh kơnh đei lơ bơngai pơm Krist, đei lơ bơngai khan sư bơngai pơtruh nơ̆r 'Bok Kei-Dei. Lu sư kư̆m gơh pơm tơdrong mơsêh wă kơ lu bơngai mă 'Bok Kei-Dei rơih boih lui kơ lu sư pơhlŭ.

Mathiơ 7:15

“Iĕm kơchăng kơ lu bơngai hơlĕnh khan sư bơngai pơtruh nơ̆r 'Bok Kei-Dei. Lu sư bơngai 'bơ̆r đak klak ŭnh. Bơ̆n lăng gah 'ngoaih sư hơbŏ dim thoi triu, mă-lei lăm to sư dang kŏ-so 'maih chă kăp đe.

I Yo 4:1

Ơ lu 'nhŏng oh mă juăt păng inh, iĕm 'nĕ lui kơ đĭ-đăng bơngai mă khan sư đei Yang Bơhngol 'Lơ̆ng pơma hơgei. Iĕm athei jet pơlong lăng sư 'mơ̆i wă kơ băt sư đei Yang Bơhngol 'Lơ̆ng đơ̆ng 'Bok Kei-Dei, dah yang nai đĕch ăn kơ sư pơma. Kơlih kơ đei lơ bơngai jơ̆p kơ teh đak chă bơtho, sư khan sư pơtruh nơ̆r sư kơtơ̆ng đơ̆ng 'Bok Kei-Dei sơmă sư hơlĕnh đĕch.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.

I Sam 9:6

Bơngai đam ei drơ̆ng Sôl: Mơ̆ng bĕ, lăm pơlei âu đei minh 'nu bơngai Kră Yang 'Bok Kei-Dei yua, bơngai mă đe pơyom; dôm nơ̆r sư pơma adrol trŏ ngăl ưh kơ layơ glăi. Thoi noh, bĕ ba năm tơ ei, rŏ lăng sư gô tơ'bôh kơ ba trong chă aseh jrok noh tơ yơ.