Êsai 8:15 - Sơ̆p Hlabơar Nơ̆r 'Bok Kei-Dei

¹⁵ Đei lơ lăm lu sư gô kơtơih pơ̆k. Lu sư gô pơ̆k huŏng păng, pơchah pơchek, gô hrơ̆p hơnhuăl păng đe gô rôp.

Êsai 8:15 ပူးပေါင်းရင်းမြစ်များ

Êsai 28:13

Na nơ̆r Kră Yang pơma kơ lu sư: Pơm păng pơm bĕ, pơm păng pơm dơ̆ng, tơdrong juăt 'nâu tơdrong juăt noh Tŏ sĕt tơ âu, tŏ sĕt tơ to, wă lu sư yak truh pơ̆k hraih đang, păng jĭ rơka, 'leh hơđong păng đe rôp ba!

Êsai 28:16

Na Kră Yang khan thoi âu: “Inh dan tơ Siôn minh pôm tơmo tih, minh pôm tơmo đe pơlong lăng bơih, jơ̆ tơmo mum hnam gĭt kăl dêh, pơm hơnă jrăng kơjăp, bu lui gơnang jơhngơ̆m sư gô huay kơ hli ôh.

Êsai 59:10

Lu bơ̆n chă pơpel hơbơ̆ rok kiơ̆ tơnăr thoi bơngai măt tol; chă hơbơ̆ thoi bơngai ưh kơ đei măt; kơplah 'năr dơ̆ng bơ̆n nơnăm pơ̆k iung thoi yak lăm măng mu; lăm lu bơngai pran kơtang mă bơ̆n thoi bơngai lôch.

Êsai 7:22

Yua kơ sư đei đak toh jrah jrai na sư gô sa đak toh krăl, yua kơ lu bơngai oei oei lăm dêh noh sư 'me akâu sư păng đak toh krăl hăm đak sut.

Je 6:21

Yua kơ thoi noh Kră Yang khan: “'Nâu Inh gô găn anăp lu sư wă kơ lu sư pơ̆k. 'Bă păng kon drŏ-nglo lu sư gô răm; buăl juăt rông 'bôt lu sư gô lôch hiong đĭ.”

Mathiơ 11:6

Lu bơngai mă lui kơ Inh khŏm khŏm ưh kơ achăng lê̆ Inh, lu sư hiôk dêh.”

Mathiơ 15:14

Na iĕm 'nĕ mah hiơ̆k tơdrong sư ơh noh, yua kơ lu sư bơngai bơtho đe ră mă-lei dang bơngai măt tol. Dah bơngai măt tol chông ba bôl sư măt tol bre sư nơnăm gô huŏng tơ sơlŭng đĕch ưh kơ yua kiơ kơ bre sư ôh.”

Mathiơ 21:44

Tơmo mă iĕm kuă noh, dah bơngai bu huŏng hơtat 'bơ̆t tơmo noh, bơngai noh gô tơgơ̆ jơ̆ng ti sư păng pơchah kơ̆l sư. Dah tơmo noh huŏng 'bơm bơngai bu, akâu bơngai noh gô pơchah hĕch hoch thoi 'mui teh.”

Yo 6:66

Đơ̆ng năr noh boih lơ bơngai achăng lê̆ Yêsu ưh pă kiơ̆ Sư dơ̆ng.

Rom 9:32

yua kơ lu sư ưh kơ gơnang kơ Yêsu gơh tơgŭm sư jing bơngai 'lơ̆ng hăm 'Bok Kei-Dei. Lu sư gơnang kơ akâu lu sư kơdih đĕch wă kiơ̆ tơdrong juăt 'Bok Kei-Dei pơkă khan jing bơngai 'lơ̆ng hăm 'Bok Kei-Dei. Lu sư băt mơ̆n kơ Yêsu, mă-lei ưh kơ wă gơnang kơ Yêsu ôh. 'Noh hơmơt tơblĕnh kơ lu sư dêh thoi lĕ kơ đe 'bôh boih tơmo tŏk-bŏk trong mă-lei ngê̆ kơ kơtơih pơ̆k 'mơ̆i.

I Kor 1:23

Gah bơ̆n bơtho khan kơ đe tơdrong Yêsu lôch tơ 'long pơglang, mă-lei bơngai Juđê ơh klai, na mă lu bơngai nai lăng bơ̆n bơtho tơdrong 'noh nhen tơdrong kơtul đĕch.