Êsai 7:6 - Sơ̆p Hlabơar Nơ̆r 'Bok Kei-Dei

⁶ “Bĕ bơ̆n năm tŏk blah char Juđa, pơm kơ sư hli tơrơ blah iŏk char noh asong băl bơ̆n, pôk kon drŏ-nglo Tabel pơm pơtao lu sư tơ noh.”

Êsai 7:6 ပူးပေါင်းရင်းမြစ်များ

I Pot 12:16

Lăp lu bơngai Isơrael 'bôh pơtao ưh pă mơ̆ng lu sư bơih, lu kon pơlei pơla khan kơ pơtao “Lu nhôn hăm đei kiơ lăm Đawit? Nhôn hăm đei yua tơmam kiơ lăm kon drŏ-nglo Jese. Ơ lu bơngai Isơrael! Iĕm athei brŏk tơ bơsŭn iĕm kơdih. Ơ Đawit! Ih athei lăng bĕ kơ hnam ih kơdih.” Na lu bơngai Isơrael wih brŏk tơ bơsŭn lu sư kơdih.

II Pot 11:2

Mă-lei Jêhôseba kon drŏ-kăn pơtao Jêhôram, sư noh mŏ Ahasia, rôp tơtông Jôas, kon drŏ-nglo Ahasia đơ̆ng lăm lu kon tơdăm pơtao mă yă Athalia wă pơlôch, đơ̆ng noh ôn lê̆ sư lăm anih tep, oei hăm yă mă rong sư păng ôn lê̆ sư wă kơ Athalia chă ưh kơ 'bôh; yua kơ thoi noh na đe huay kơ đei pơlôch sư.

II Ho 13:8

Na dang ei lu iĕm tơchĕng khan kĕ mơ̆n hă tơblah hăm char mă Kră Yang đei jao ăn boih kơ lu kon Đawit? Mă khan lu iĕm đei linh lơ chĕp ba rup man rơmo hăm maih mă Jêrôbôam đei man pơm yang iĕm.

II Ho 21:7

Lei ră Kră Yang ưh kơ wă pơlôch Sư adrĕch pơm pơtao, yua kơ Sư đei pơgơ̆p boih hăm Đawit, Sư đei pơkă boih wă ăn minh pôm ŭnh kơđeng kơ adrĕch Đawit kon sâu sư ling-lang, hlŏng hloi.

II Ho 28:5

Yua kơ thoi noh Kră Yang 'Bok Kei-Dei Sư jao sư tơ lăm ti pơtao char Siri; khŭl linh Siri blah rôp lu sư lơ pơm bơnă păng chông ba tơ pơlei Đamas. Kră Yang kư̆m jao sư tơ lăm ti pơtao Isơrael, lu sư thuơ tih tơpă,

Horiso 21:11

Mă lu sư wă pơm kơnê̆ kơ Ih ră Lu sư pơđâu chă đon ưh kơ jing ôh.

Horiso 83:3

Lu sư pơđâu wă blah kon pơlei Ih, Lu sư chă đon wă pơm kơ lu bơngai mă Ih đei bơwei.

Tơdrông Pơđơk 19:21

Jơhngơ̆m kon bơngai đei lơ tơdă wă pơm, Mă-lei đei tơdrong Kră Yang wă gô jing.

Êsai 7:1

Lăm chăl Ahas kon Jôtham, sâu Usia pơtao char Juđa, đei Rêsin, pơtao dêh char Siri păng Pêka kon Rômalia pơtao Isơrael, tŏk blah pơlei Jêrusalem mă-lei ưh kơ kĕ.

Êsai 7:5

Kơlih yua kơ Siri hăm Êphraim păng kon drŏ-nglo Rêmalia chă đon wă pơrăm ih lu sư khan:

Êsai 7:7

Kră Yang khan thoi âu: “Tơdrong noh ưh kơ jing, ưh kơ đei truh ôh!”

Êsai 8:6

“Yua kơ kon pơlei âu sơngah kơ krong đak Silôa ro 'lơ̆ng rơnang, mă-lei hiôk kơ Rêsin hăm kon drŏ-nglo Rêmalia.