Êsai 7:4 - Sơ̆p Hlabơar Nơ̆r 'Bok Kei-Dei

⁴ Na khan kơ sư: ‘Ih kơchăng oei mă hơđơ̆ng bĕ, 'nĕ kơ hli, 'nĕ kơ rơdu ôh, yua kơ đei 'bar tŏ 'long ŭnh sa lĕch 'nhui noh wă khan tơdrong hil blĕk lĕch đơ̆ng Rêsin, Siri păng kon drŏ-nglo Rêmalia.

Êsai 7:4 ပူးပေါင်းရင်းမြစ်များ

II Pot 15:27

Lăm sơnăm mă pơđăm-jĭt 'bar, chăl Asaria, pơtao đe Juđa pơgơ̆r, na Pêka, kon drŏ-nglo Rêmalia, tŏk pơm pơtao đe Isơrael lăm Pơlei Samari păng sư pơgơ̆r 'bar-jĭt sơnăm.

II Ho 20:17

Lu iĕm huay kơ kăl kơ tơblah; săp bĕ, lu linh oei hreh tơ noh, na lăng tơdrong Kră Yang, Tơ'ngla oei hơdai iĕm gô dŏng pơklaih iĕm. Ơ bơngai Juđa păng kon pơlei Jêrusalem 'nĕ kơ hli 'nĕ kơ tơrơ. Dơning năm tơ'bơ̆p lu sư bĕ! Kră Yang oei hơdai iĕm.”

Êsai 10:24

Thoi noh, na Kră Yang Tih Hloh khan: “Ơ kon pơlei pơla Inh oei lăm Siôn, 'nĕ kơ hli kơ lu bơngai Asiri, mă khan lu sư iŏk sơnguĕt teh iĕm păng yơ̆r 'long jra wă pơjuă pơđep kơ lu iĕm thoi bơngai Êyiptơ pơm sơ̆.

Êsai 30:15

'Nâu Kră Yang, Tơ'ngla 'Lơ̆ng Rơgoh đe Isơrael khan: “Lu iĕm gơh klaih đơ̆ng lu iĕm wơ̆t brŏk dơ̆ng păng pơdơh lăm Inh. Lu iĕm gô đei jơhngơ̆m pran, yua kơ lu iĕm oei hơđơ̆ng păng gơnang kơ Inh. Mă-lei lu iĕm ưh kơ wă kơ thoi noh.

Êsai 30:7

Tơdrong lu bơngai Êyiptơ tơgŭm jơ̆ tơdrong ưh kơ yua, na Inh anăn sư Rahap, wă khan bơngai oei minh 'bôt ưh kơ pơm kiơ.

Êsai 35:4

Akhan bĕ kơ lu bơngai đei jơhngơ̆m hli tơtăm; “Chơ̆n jơhngơ̆m 'nĕ pă hli dơ̆ng! To, Kră Yang 'Bok Kei-Dei lu iĕm gô truh wă pơm 'mong păng pơrăm Sư gô truh dŏng pơklaih lu iĕm!”

Êsai 37:6

Êsai khan: “Roi bĕ kơ yŏng lu iĕm, Kră Yang đei khan thoi âu: ‘'Nĕ kơ hli ôh kơ dôm nơ̆r mă lu iĕm đei kơtơ̆ng bơih nơ̆r đơ̆ng lu đam pơtao Asiri, pơma blông kơ Inh.

Êsai 41:14

Ơ adrĕch Jakôp thoi hơdrông, ơ lu kon pơlei Isơrael, 'nĕ kơ hli kơ kiơ, Inh gô tơgŭm iĕm, Kră Yang pơma thoi noh, Tơ'ngla 'Lơ̆ng tơpăt đe Isơrael păng Tơ'ngla huai iŏk lu iĕm.

Êsai 7:1

Lăm chăl Ahas kon Jôtham, sâu Usia pơtao char Juđa, đei Rêsin, pơtao dêh char Siri păng Pêka kon Rômalia pơtao Isơrael, tŏk blah pơlei Jêrusalem mă-lei ưh kơ kĕ.

Êsai 7:8

Yua kơ kơ̆l char Siri jơ pơlei Đamas, kơ̆l pơlei Đamas jơ̆ Rêsin lăm tơdrâu-jĭt pơđăm sơnăm Êphraim gô răm đĭ ưh pă jing kon pơlei pơla dơ̆ng.

Êsai 7:9

Kơ̆l kơ char Êphraim jơ̆ pơlei Samari, kơ̆l kơ pơlei Samari jơ̆ kon drŏ-nglo Rêmalia. Tơdah lu iĕm ưh kơ lui ngeh lei iĕm dơ̆ng ưh kơjăp ôh.”

Êsai 8:4

Yua kơ adrol kơ kon nge noh gơh pơma krao, 'Bă ơi! Mĕ ơi! Đe gô iŏk lê̆ mŭk tơmam gĭt đơ̆ng pơlei Đamas păng tơmam tơgar iŏk đơ̆ng Samari năm ba 'bơ̆t anăp pơtao Asiri.

Êsai 8:6

“Yua kơ kon pơlei âu sơngah kơ krong đak Silôa ro 'lơ̆ng rơnang, mă-lei hiôk kơ Rêsin hăm kon drŏ-nglo Rêmalia.

Nhom 3:26

'Lơ̆ng dêh bơngai bu chang gô păng kĕ ĕnh gô tơdrong dŏng pơklaih đơ̆ng Kră Yang.

Am 4:11

Inh đei pơrăm boih mơ'nah lăm lu iĕm, thoi Kră Yang 'Bok Kei-Dei đei pơrăm pơlei Sôđôm păng Gômôrơ, lu iĕm nhen thoi kơ tôch ŭnh sa đe dui iŏk đơ̆ng ŭnh. Mă-lei lu iĕm kư̆m ưh kơ wă wih brŏk tơ inh, Kră Yang khan thoi noh.

Habakuk 2:3

Yua kơ tơdrong tơ'bôh gô 'blep trŏ lăm năr đêl pơkă, gô keh thoi noh, ưh kơ đei pơngiĕl ôh; tơdah sư hiơ̆ 'biơ̆, ih kư̆ gô; yua kơ gô truh tơpă, ưh kơ hiơ̆ ôh.

Sa 3:2

Kră Yang khan kơ Satan thoi âu: “Ơ Satan, thŭ Kră Yang hil hiap ih; Kră Yang Tơ'ngla mă rơih iŏk boih Jêrusalem hil chrih kơ ih. 'Nâu hăm trŏ thoi kơtôch đe 'nao dui đơ̆ng ŭnh?”

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.

Mathiơ 24:6

Păng iĕm kơtơ̆ng đe tơblah mă jê̆ mă ataih, iĕm 'nĕ kơ hli hŏ. Tơdrong noh ưh kơ jor ôh, gô đei 'mơ̆i, mă-lei năr tôch ưh tam mă truh ôh kơplah noh.

Both 20:3

Na sư khan: Ơ lu bơngai Isơrael mơ̆ng bĕ! Năr âu lu bơ̆n gô năm tơblah hăm lu bơngai ayăt lu iĕm 'nĕ rơdu lêl 'nĕ kơ hli, 'nĕ kơ tơrơ, 'nĕ kơ lăng krưp.

I Sam 17:32

Đawit khan kơ Sôl: Apinh 'nĕ ăn bơngai bu mă hli kơ bơngai Philistin noh! Inh đĭch đam pơtao gô năm tơblah hăm sư.