Êsai 7:18 - Sơ̆p Hlabơar Nơ̆r 'Bok Kei-Dei

¹⁸ Lăm năr noh, Kră Yang gô hơhôch krao lu roi đơ̆ng tu đak glung Êyiptơ păng krao sut đơ̆ng dêh Asiri.

Êsai 7:18 ပူးပေါင်းရင်းမြစ်များ

Horiso 105:31

Sư pơma na đei hloi roi wŏng truh, Păng mur 'bĕnh-'bang kơ dêh lu sư,

Horiso 118:12

Lu sư wang inh lơ thoi sut; lu sư gô lôch păt thoi ŭnh sa bơmreh. Hăm anăn Kră Yang pơrăm đĭ lu sư.

Le 8:21

Tơdah ih ưh kơ achăng ăn lu sư năm, lei Inh gô ăn roi wŏng truh lơ iam tơ ih, tơ đĭch đam ih, tơ kon pơlei păng tơ lăm hnam ih; tơ hnam bơngai Êyiptơ, roi wŏng iam 'bĕnh-'bang, jơ̆p-jang kơpal teh hloi.

Le 8:24

Kră Yang pơm thoi nơ̆r Sư, Đei roi wŏng lơlap mơ̆t 'bĕnh lăm hnam Pharaôn, lăm hnam dơnŏ đĭch đam sư, roi wŏng kăp pơrăm jơ̆p-jang kơ teh lăm dêh Êyiptơ.

Êsai 13:5

Lu sư truh đơ̆ng dêh char ataih, đơ̆ng tôch kơ plĕnh teh. Kră Yang păng lu tơmam tơblah, Sư yua lăm tơdrong Sư hil mĭl wă pơrăm đĭ teh âu.

Êsai 31:1

Răm-'băm dêh kơ lu đe năm jur tơ Êyiptơ wă chă apinh tơdrong dŏng tơgŭm, gơnang kơ lu aseh, lu gre aseh, yua kơ lu sư lơ; gơnang kơ lu linh hao gre aseh yua kơ lu sư pran, Mă-lei ưh pă lăng gơnang kơ Tơ'ngla 'Lơ̆ng Rơgoh đe Isơrael, păng ưh kơ chă Kră Yang dŏng Tơgŭm.

Êsai 5:26

Kră Yang Sư pơdơ̆ng hla-kơ ăn kơ lu bơngai oei tơ dêh ataih, păng hơhôch krao lu sư đơ̆ng jơ̆p-jang tôch kơ teh đak, na lu sư hăt hot wă kơ jah truh tĕnh.

Êsai 7:17

Kră Yang gô ăn tơdrong truh kơ ih, kon pơlei ih păng hnam 'bă ih, đơ̆ng năr mă Êphraim tơklah đơ̆ng Juđa kư̆m tam mă đei 'bôh thoi noh wă khan sư gô chông ba pơtao Asiri truh.”

Sa 10:8

Inh wă krao pơpôi lu sư, yua kơ Inh huai iŏk lu sư boih; lu sư đei thim rai lơ thoi sơ̆.

Both 1:44

Kơplah noh lu bơngai Amôrit mă oei lăm kông groi noh, lĕch đơ̆ng kông druh puh lu iĕm thoi sut, blah pơrăm lu iĕm lăm Seir truh tơ Horma.

Both 28:49

Kră Yang gô ba minh adrĕch adrung đơ̆ng ataih, đơ̆ng tôch kơ plei teh năm blah lu iĕm, thoi klang păr rôp sa kon sem; iĕm ưh kơ hlôh nơ̆r lu sư pơma ôh.

Both 7:20

Na Kră Yang 'Bok Kei-Dei iĕm gô wơh ong năm druh sôch lu sư, dĭng mă lu bơngai kơdâu ôn, kư̆m pơlôch pơrăm đĭ lu sư.

Jôsuê 24:12

Inh wơh lu ong druh lu sư 'bơ̆t anăp lu iĕm, thoi druh 'bar 'nu pơtao kon pơlei Amôrit, thoi noh lu iĕm ưh pă kăl yua đao gưm hră đơ̆ng.