Êsai 7:12 - Sơ̆p Hlabơar Nơ̆r 'Bok Kei-Dei

¹² Ahas tơl khan: “Inh ưh kơ apinh, inh kư̆m ưh kơ pơlong lăng Kră Yang.”

Êsai 7:12 ပူးပေါင်းရင်းမြစ်များ

II Pot 16:15

Đơ̆ng noh, pơtao Ahas athei 'bok soi Uria khan: “Ih gô soh kơpal chơnang soi tih 'nâu tơmam soi 'buh pơkhôi rim pơgê păng tơmam soi phe 'ba tơ gơsơ̆ păng tơmam soi 'buh tơmam soi phe 'ba đơ̆ng pơtao 'mơ̆i păng tơmam soi 'buh đơ̆ng đĭ kon pơlei lăm char păng tơmam soi lu sư pơyơ̆r phe 'ba păng tơmam soi et huch Ih athei tơtreh pham lu tơmam soi 'buh kơpal chơnang tih noh. Mă-lei chơnang soi păng pơm kong 'măn lê̆ kơ inh krao apinh Kră Yang.”

II Ho 28:22

Lăm kơplah đei tơdrong truh pơmat-tat, Ahas rai pơm yoch hăm Kră Yang

Êsai 7:11

“Apinh bĕ Kră Yang 'Bok Kei-Dei ih, tơ'bôh kơ ih tơdra, tơ anih jrŭ dơnâu ŭnh sŭng dah tơ kơpal plei 'lơ̆ng tơ plĕnh ti.”

Êsai 7:13

Na Êsai khan: “Ơ hnam Đawit mơ̆ng bĕ! Lu iĕm khan pơm pơơh kơ đe noh jơ̆ tơdrong iĕ đĕch, na lu iĕm kư̆m 'maih pơm kơ Kră Yang 'Bok Kei-Dei inh ơh dơ̆ng mơ̆n hă?

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.

Malachi 3:15

Âu lu bơ̆n jô̆ lu bơngai pơrŏ pơang đei pŭn hiôk, lu sư pơm tơdrong kơnê̆ tă kơ rai tŏk. Lu sư pơlong Kră Yang 'Bok Kei-Dei păng đei klaih hlôi boih!”

Jang 5:9

Pêtrôs khan kơ sư: “Lơliơ ih hơdai wang pôm đon păng klo ih lĕ na biĕm wă pơlong Yang Bơhngol 'Lơ̆ng 'Bok Kei-Dei? To ih lăng deh, lu bơngai mă 'bŭ klo ih, lu sư 'nao wih đơ̆ng 'bŭ sư, dơ̆ng 'bơ̆t 'măng to, lu sư wă tung 'bŭ ih lei-lăi thoi klo ih mơ̆n.”

I Kor 10:9

Bơ̆n 'nĕ pơm pơhloh kơ Kră Yang thoi lu yă 'bok bơ̆n mơ'nah sơ̆, na 'Bok Kei-Dei pơrăm lu sư ăn kơ 'bih choh pơlôch.

Both 6:16

'Nĕ kơ pơlong lăng Kră Yang 'Bok Kei-Dei iĕm, thoi iĕm đei pơlong lăng Sư tơ Masa.