Êsai 66:4 - Sơ̆p Hlabơar Nơ̆r 'Bok Kei-Dei

⁴ Na Inh kư̆m gô rơih iŏk tơdrong pơmat ăn kơ lu sư, na tuh ăn tơdrong mă lu sư hli. Yua kơ mưh Inh krao ưh kơ đei bu tơl, Inh pơma lu sư ưh kơ wă mơ̆ng, Lu sư pơm bơih tơdrong kơnê̆ 'bơ̆t anăp Inh, păng rơih tơdrong mă Inh ưh kơ lăp đon.”

Êsai 66:4 ပူးပေါင်းရင်းမြစ်များ

II Pot 21:2

Sư pơm kơnê̆ 'bơ̆t anăp Kră Yang, păng kơkuh tơdrong 'mê̆-'mach kiơ̆ thoi lu adrĕch adrung mă Kră Yang hlôi puh tơweh lê̆ đơ̆ng lu bơngai Isơrael.

II Pot 21:6

Sư soh pơyơ̆r kon drŏ-nglo sư lăm ŭnh pơm yang păng sư pơjuăt tơwir, hơđa sư lui kơ pơjâu krao bơhngol bơngai lôch, sư pơm lơ tơdrong kơnê̆ 'bơ̆t anăp Kră Yang tơblĕk Kră Yang.

Horiso 81:12

Thoi noh, Inh achăng lê̆ lu sư pơm kiơ̆ kơ jơhngơ̆m arăng kơ chu lu sư. Kiơ̆ kơ tơdrong lu sư chă đon kơdih.

Tơdrông Pơđơk 1:24

Yua kơ Inh krao, mă-lei lu iĕm sơngah, Inh yơ̆r ti, kư̆m ưh kơ đei bơngai bu wă lăng;

Tơdrông Pơđơk 10:24

Tơdrong kiơ lu bơngai kơnê̆ hli hơmơt gô đei truh kơ sư tơpă. Mă-lei lu bơngai tơpăt gô đei thoi sư hơpơi wă.

Êsai 50:2

Lơliơ mưh Inh truh ưh kơ đei 'bôh bơngai bu? Mưh Inh krao ưh kơ đei bơngai bu tơl? Ti Inh kơđeh hă na ưh kơ gơh dŏng pơklaih? Dah Inh ưh kơ đei jơhngơ̆m pran wă dŏng pơklaih iĕm hă? 'Nâu wă Inh chrih na đak dơsĭ hrơ̆ hloi. Inh ăn kơ đak krong jing char glă; ka tơ ala đak krong gô lôch đĭ jing 'bâu ôm yua ưh kơ đei đak.

Êsai 59:15

Tơdrong tơpăt ưh pă đei bơih, lu bơngai weh đơ̆ng tơdrong kơnê̆ đe rôp tơgar iŏk. Kră Yang 'bôh na sư ơh sơ'ngon yua kơ ưh kơ đei tơdrong tơpăt hơnơ̆ng

Êsai 59:7

Jơ̆ng lu sư kơdâu năm wă pơm tơdrong kơnê̆, hăt hot pơlôch bơngai ưh kơ đei tơdrong yoch; đon lu sư tơchĕng jơ̆ hơlĕnh pơdăr, lu sư ba tơdrong pơrăm păng pơchah pơchek đĭ rok trong gơlong lu sư yak.

Êsai 65:12

Na Inh hơgăt ăn kơ lu iĕm lôch kơ đao gưm, păng đĭ-đăng lu iĕm gô kŭp kơ̆l ăn kơ đe pơlôch; Yua kơ Inh krao bơih lu iĕm ưh kơ tơl; Inh đei khan lu iĕm ưh kơ 'maih mơ̆ng, lu iĕm đei pơm bơih tơdrong kơnê̆ 'bơ̆t anăp Inh, păng rơih iŏk tơdrong Inh ưh kơ lăp đon.”

Êsai 65:2

Inh yơ̆r ti Inh prăt năr tơ gah minh adrĕch kon pơlei mă arăng kơ̆l. Lu bơngai mă năm lăm trong ưh kơ 'lơ̆ng, kiơ̆ kơ đon kơdih tơchĕng.

Êsai 65:3

Minh adrĕch kon pơlei ling-lang tơblĕk Inh 'Bơ̆t anăp Inh soi sơmah kơ rup yang lăm pơgar, soh 'long 'bâu phu ăn kơ yang tơ kơpal chơnang găch.

Êsai 65:7

Tơdrong yoch kơnê̆ lu sư hăm tơdrong kơnê̆ yă 'bok lu sư.” Kră Yang khan: “Yua kơ lu sư soh bơih 'long 'bâu phu kơpal lu kông, păng pơma kơnê̆, blei hiap Inh kơpal lu groi na Inh gô phak jô̆ akŭm đĭ dôm tơdrong yoch đêl lu sư pơm bơih đơ̆ng adrol sơ̆.

Je 35:17

Thoi noh na Kră Yang mơsêh mơyang Tih Hloh. 'Bok Kei-Dei bơngai Isơrael khan: ‘'Nâu, Inh gô ăn đĭ lu tơdrong răm truh kơ Juđa păng lu kon pơlei Jêrusalem mă Inh khan lê̆ adrol, Inh đei bơtho tơ'bôh boih kơ lu sư; mă-lei lu sư ưh kơ wă mơ̆ng, Inh krao lu sư boih mă-lei lu sư kuă kơ tơl.’ ”

Je 7:13

Kră Yang khan: Yua kơ lu iĕm đei pơm boih tôm tơdrong noh mă Inh lơ wơ̆t khan kơ lu iĕm, mă-lei lu iĕm ưh kơ wă mơ̆ng; Inh krao lu iĕm mă-lei lu iĕm kuă kơ tơl nơ̆r Inh.

Je 7:30

Kră Yang khan: “Bơngai Juđa pơm boih tơdrong kơnê̆ 'bơ̆t anăp Inh, lu sư pơm boih rup yang mă Inh lăng krưp lăm hnam Anăn Inh, pơm kơ hnam noh 'mê̆-'mach.

Êsêkiên 11:8

Lu iĕm hli kơ đao hơlă, na Inh gô ăn đao hơlă blah lu iĕm, Kră Yang Tih Hloh khan thoi noh.

Êsêkiên 14:4

Na ih athei khan tơbăt kơ lu sư: ‘'Nâu nơ̆r Kră Yang Tih Hloh khan: “Bơngai bu lăm adrĕch Isơrael 'măn rup yang lăm jơhngơ̆m sư, păng dan tơdrong yoch wă pơm kơ kơtơih pơ̆k 'bơ̆t anăp muh măt lu sư, na năm tơ'bơ̆p bơngai khan lê̆ adrol, Inh boih Kră Yang gô tơl tơwih kơ lu sư trŏ thoi lơ rup yang lu sư.

Êsêkiên 20:25

Lei na Inh ăn kơ lu sư kiơ̆ khôi juăt ưh kơ 'lơ̆ng nơ̆r Inh tơtă ưh kơ đei ba tơdrong arih.

Mathiơ 24:24

yua kơ năr noh kơnh đei lơ bơngai pơm Krist, đei lơ bơngai khan sư bơngai pơtruh nơ̆r 'Bok Kei-Dei. Lu sư kư̆m gơh pơm tơdrong mơsêh wă kơ lu bơngai mă 'Bok Kei-Dei rơih boih lui kơ lu sư pơhlŭ.

I Sam 8:19

Kon pơlei sơngah ưh kơ wă mơ̆ng nơ̆r Samuel, na khan: Ưh ôh, wă kơ đei minh 'nu pơtao pơgơ̆r lu nhôn.