Êsai 66:23 - Sơ̆p Hlabơar Nơ̆r 'Bok Kei-Dei

²³ Kră Yang khan: “Đĭ-đăng kon bơngai gô năm kơkuh 'bơ̆t anăp Inh. Đơ̆ng Khei 'Nao Tơ'bang 'nâu truh tơ khei tơ'bang to, đơ̆ng năr Sa'bat 'nâu truh tơ năr Sa'bat nai.

Êsai 66:23 ပူးပေါင်းရင်းမြစ်များ

II Pot 4:23

Klo duch ei jet: “Năr 'nâu ưh kơ trŏ năr khei plơ̆ng ôh, kư̆m ưh kơ trŏ năr pơdơh Sa'bat mơ̆n. Thoi noh yua kơ kiơ wă năm tơ sư?” Duch ei tơl: “Huay ôh”

Horiso 22:28

Tơdrong Kră Yang pơgơ̆r, Sư pơgơ̆r đĭ kon bơngai.

Horiso 65:2

Ơ Kră Yang mă mơ̆ng nơ̆r krao khan, Đĭ-đăng kon bơngai gô năm tơ Ih.

Horiso 65:3

Tơdah jei tơdrong kơnê̆. Tơdrong mă lu nhôn pơm yoch Ih gô mơnat ăn.

Horiso 86:9

Đĭ-đăng lu teh đak mă Ih pơjing, gô năm kơkuh 'bơ̆t anăp Ih, ơ Kră Yang Păng hơri ư-ang kơ anăn Ih.

Êsai 19:21

Kră Yang gô ăn kơ bơngai Êyiptơ băt kơ Sư, lăm năr noh lu bơngai Êyiptơ gô băt kơkuh kơ Kră Yang, lu sư gô pơyơ̆r tơmam soi 'buh kơ Kră Yang, lu sư pơkă pơkăm hăm Kră Yang păng pơm keh tơdrong lu sư pơkă noh.

Êsai 19:23

Lăm năr noh kơnh gô đei minh pôm trong glung tih đơ̆ng dêh Êyiptơ truh tơ dêh Asiri, lu bơngai Asiri gô năm tơ dêh Êyiptơ, lu bơngai Êyiptơ gô năm tơ dêh Asiri, lu bơngai Êyiptơ păng bơngai Asiri wang hơdai kơkuh kơ Kră Yang.

Êsai 2:2

Gô đei tơdrong truh lăm lu năr hơtuch kơnh: Kông hnam Kră Yang gô oei kơjăp tơ kơpal lu kơ̆l kông, kơjung hloh kơ đĭ-đăng lu groi. Păng rim kơ teh đak gô luh leng năm tơ noh.

Êsai 27:13

Lăm năr noh đe gô hlôm tơgiĕp re tih: Kơplah noh lu bơngai wơ̆l jrok lăm dêh Asiri păng lu bơngai pơm đĭch đam đơ̆ng Êyiptơ, gô brŏk kơkuh 'bơ̆t anăp Kră Yang tơ kơpal kông rơgoh 'lơ̆ng tơ pơlei Jêrusalem.

Êsai 49:7

Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.

Êsêkiên 20:40

Kră Yang khan: Tơ kơpal kông rơgoh Inh, tơ kơpal kông Isơrael, tơ noh đĭ adrĕch Isơrael, đĭ-đăng kơ lu sư lăm dêh char gô awih awăn kơ Inh. Tơ noh Inh gô sơng iŏk lu sư; Inh gô iŏk tơmam pơyơ̆r păng tơmam pơyơ̆r plei blŭng-a, hăm tơmam soi 'lơ̆ng rơgoh lu sư.

Êsêkiên 45:17

Mă-lei yŏng pơgơ̆r athei hơmet lu tơmam soi 'buh, tơmam soi phe 'ba păng tơmam sa et sa năr kơ̆m giĕng lăm khei blŭng-a năr Sa'bat, lăm rim năr kơ̆m giĕng et sa lu bơngai Isơrael. Sư athei pơyơ̆r lu tơmam soi huai đơ̆ng yoch, tơmam soi phe 'ba, tơmam soi 'buh, tơmam soi 'blŏk bơnê wă huai đơ̆ng yoch ăn kơ kon pơlei Isơrael.

Êsêkiên 46:1

Kră Yang khan thoi âu: 'Măng jang cham gah lăm, tơ gah hơlĕch, athei tang chĭt lê̆ lăm tơdrâu năr oei jang, mă-lei gô pơih lăm năr phĕt Sa'bat păng lăm năr phĕt Khei 'Nao.

Êsêkiên 46:6

Lăm phĕt năr Khei 'Nao, sư gô pơyơ̆r minh pôm rơmo dăm ưh kơ đei jĭ rơka, tơdrâu tŏ kon triu kon păng minh triu tơno ưh kơ jĭ rơka.

Sa 14:14

Juđa gô tơblah hăm Jêrusalem păng dôm tơmam đơ̆ng rim kơ dêh char gô pơpôi akŭm đĭ tơ noh; hu maih păng lu ao tai hơ'bơ̆l lơ tơpă.

Sa 14:16

Đei tơdrong truh kơ đĭ-đăng lu bơngai mă oei đei lăm jơ̆p kơ dêh char gô tŏk blah Jêrusalem, gô tŏk tơ noh rim sơnăm wă kơkuh 'bơ̆t anăp pơtao, noh boih Kră Yang Tih Hloh păng kư̆m năm kơ năr giĕng bơsŭn.

Sa 14:18

Tơdah lu adrĕch adrung bơngai Êyiptơ ưh kơ tŏk dah ưh kơ truh tơ noh, na 'mi kư̆m ưh kơ truh tơ lu sư; păng lu sư gô lôch hơbuh 'nâu, noh toi mă Kră Yang yua wă phak lu dêh char mă ưh kơ tŏk tơ pơlei Jêrusalem wă kơkuh năr giĕng bơsŭn.

Sa 14:19

Noh tơdrong phak đe Êyiptơ păng tơdrong phak lu dêh char mă kuă tŏk kơkuh năr giĕng bơsŭn kư̆m thoi noh.

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.

Yo 4:23

Ning-mônh, kư̆m thoi dang ei mơ̆n, lu bơngai mă kơkuh kơ 'Bă bơ̆n 'Bok Kei-Dei mă trŏ ưh kơ sĭ sư kơkuh păng jơ̆ng dah păng ti sư đĕch ôh. Sư kơkuh lăm jơhngơ̆m đon sư. Sư kơkuh mă tơpă na 'Bok Kei-Dei lăp đon kơ lu bơngai mă kơkuh kơ Sư thoi noh.

Tơdrông Tơ'bôh 15:4

Ơ Kră Yang, đĭ-đăng bơngai băt hli kơ Ih, păng ư-ang anăn Ih, yua kơ pôm Ih đĕch pơm 'lơ̆ng tơpăt. Đĭ rim khŭl bơngai băt năm kơkuh 'bơ̆t anăp Ih, yua kơ Ih sek tơlang tơpăt ngăl.”