Êsai 66:19 - Sơ̆p Hlabơar Nơ̆r 'Bok Kei-Dei

¹⁹ Inh gô dan minh tơdrong tơdra tơ lăm lu sư; lu bơngai mă lăm lu sư oei arih đơ̆ng tơdrong truh pơmat na inh gô wơh lu sư năm truh tơ jơ̆p-jang teh đak, wă khan truh tơ Tarsis, lu bơngai Phun, Lut, lu kon pơlei gơh hơgei kơ prah hră, lu bơngai Tubal păng Jawan, truh tơ lăm lu bŏl đak dơsĭ ataih, lu anih ưh tam mă kơtơ̆ng anăn Inh păng ưh tam mă 'bôh tơdrong ư-ang Inh, lu sư gô bơtho tơdrong ư-ang Inh tơ jơ̆p kơ teh đak.”

Êsai 66:19 ပူးပေါင်းရင်းမြစ်များ

Bl 10:13

Misraim pơjing Ludim, Anamim, adrĕch Lêhabim, adrĕch Naptuhim,

Bl 10:2

Kon drŏ-nglo Japhet anăn Gômer, Magok, Madai, Jawan, Tubal, Mêsiek păng Tiras.

Bl 10:22

Kon drŏ-nglo Sem anăn Êlam, Asur, Apaksat, Lut păng Aram.

Bl 10:4

Kon drŏ-nglo Jawan anăn Êlisa păng Tarsis, Kitim păng Đôdanim.

Bl 9:27

Apinh Kră Yang 'Bok Kei-Dei pơih teh mă să kơ Japhet ăn kơ sư oei hơdai hăm Sem; gah Kanaan athei pơm đĭch lu sư.”

I Ho 1:11

Misraim pơjing adrĕch Luđit, Anamim, Lêhabit, Naptuhit,

I Ho 1:7

Kon drŏ-nglo Jawan: Êlisa, Tarsis, Kittim păng Rôđanim. Adrĕch Cham

I Ho 16:24

Roi pơdah bĕ tơdrong ư-ang Sư tơ lăm lu adrĕch adrung bơngai. Tơdrong hlĭch Sư pơm bơih tơ lăm đĭ-đăng kon pơlei.

Horiso 72:10

Lu pơtao Tarêsi păng lu bŏl đak dơsĭ gô ăn thuê̆ kơ sư. Pơtao Seba păng Seba gô pơyơ̆r ăn kơ sư.

Êsai 11:12

Kră Yang gô pơdơ̆ng hla-kơ ăn kơ rim teh đak akŭm iŏk lu bơngai Isơrael mă đêl đe puh tơweh; pơpôi iŏk lu bơngai Juđa đêl lu sư tơklah tơklang đơ̆ng puăn pah mum teh đak.

Êsai 18:3

Ơ đĭ-đăng kon pơlei pơla lăm teh đak oei kơpal teh kơplah đe pơdơ̆ng hla-kơ kơpal kông iĕm gô lăng 'bôh mưh đe hlôm tơgiĕp iĕm gô kơtơ̆ng.

Êsai 18:7

Lăm kơplah noh, lu adrĕch adrung bơngai kơjung akâu akar rơmuăn, jơ̆ lu adrĕch adrung krưp dêh, kon pơlei mă jê̆ mă ataih hli ngăl, minh pôm teh đak đei bơngai pran kơtang chă tơgar pơjuă pơđep, teh đak đei lơ chơnglah krong klah asong teh đak sư, adrĕch adrung noh bơih gô chĕp ba tơmam pơyơ̆r ăn kơ Kră Yang Tih Hloh, lăm anih 'măn kơ anăn Kră Yang Tih Hloh oei, jơ̆ kông Siôn.

Êsai 2:16

Gô pơm kơ lu duk đe Tarsis păng dôm lu duk 'lơ̆ng rŏ.

Êsai 29:24

Lu bơngai đei đon tơchĕng wơ̆l glăi gô jing gơh hlôh, păng lu bơngai juăt kơ tơtok sư gô pơhrăm iŏk tơdrong đe bơtho.”

Êsai 42:12

Pơyơ̆r bĕ tơdrong ư-ang kơ Kră Yang păng roi tơdrong bơnê kơ Kră Yang tơ lăm jơ̆p-jang bŏl dơsĭ.

Êsai 42:4

Sư ưh kơ gleh lap, ưh kơ bơ̆l hăl ôh, dĭng truh kơ pơjing tơdrong tơpăt hơnơ̆ng tơ teh đak âu, lu bŏl đak dơsĭ chang gô hơmĕng kơ khôi juăt sư.

Êsai 43:6

Inh gô khan kơ gah yă-nơ̆m: ‘Achăng lu sư bĕ’ păng khan kơ gah gơal: ‘Lê̆ pă rôp pơkơ̆ng lu sư.’ Chông ba bĕ lu kon drŏ-nglo Inh brŏk đơ̆ng dêh ataih, chông ba lu kon drŏ-kăn Inh brŏk đơ̆ng tôch kơ teh.

Êsai 49:1

Ơ lu bơngai oei lăm bŏl đak dơsĭ mơ̆ng Inh bĕ! Ơ lu kon pơlei oei ataih mơ̆ng bĕ, Kră Yang krao iŏk inh đơ̆ng lăm klak mĕ inh. Anăn ăn kơ inh đơ̆ng inh oei lăm klak mĕ inh.

Êsai 49:12

Lăng to lu sư gô truh đơ̆ng ataih; mơ'nah gô truh đơ̆ng gah yă-nơ̆m, lu mơ'nah gô truh đơ̆ng gah bơmơ̆t păng lu bơngai nai dơ̆ng đơ̆ng dêh char Sinim.a

Êsai 49:22

Kră Yang khan thoi âu: “'Nâu, Inh gô yơ̆r ti Inh tơ kơpal lu teh đak, hơtŏk hla-kơ Inh tơ lăm kon pơlei. Na lu sư gô pôk lu kon drŏ-nglo 'bơ̆t kơtơh, koi lu kon drŏ-kăn tơ kơpal hơngiĕng na yak năm.

Êsai 51:5

Tơdrong 'lơ̆ng tơpăt Inh wă jê̆ truh; tơdrong dŏng pơklaih Inh truh bơih. Tơpang ti Inh gô wei pơgơ̆r đĭ-đăng kon pơlei. Lu bơngai oei lăm bŏl dơsĭ chang gô Inh păng lu sư hơmĕng gơnang kơ tơpang ti Inh.

Êsai 52:10

Kră Yang tơ'bôh ăn bơih tơdrong jang ti rơgoh Sư 'bơ̆t anăp măt rim kơ teh đak; đĭ-đăng teh đak gô 'bôh tơdrong dŏng pơklaih Kră Yang 'Bok Kei-Dei lu bơ̆n!

Êsai 52:15

Thoi noh Sư gô pơm kơ lơ teh đak lăng hlĭch. Lu pơtao gô pơŏm 'bơ̆r yua kơ Sư; yua kơ lu sư 'bôh tơdrong ưh tam đei bơngai bu roi ăn kơ lu sư. Păng lu sư gô hlôh băt tơdrong lu sư tam mă kơtơ̆ng.

Êsai 55:5

Na iĕm gô krao pơtơm teh đak mă iĕm ưh tam mă băt. Teh đak ưh tam mă băt kơ iĕm gô kơdâu năm tơ iĕm. Yua kơ đơ̆ng Kră Yang 'Bok Kei-Dei iĕm păng Tơ'ngla 'Lơ̆ng Rơgoh Isơrael, jơ̆ Tơ'ngla pôk ư-ang kơ iĕm.”

Êsai 60:9

Tơpă lu bŏl đak dơsĭ răp gô Inh ngơ-ngei, lu duk Tarêsi adrol hloh gô năm ba lu kon drŏ-nglo ih wih đơ̆ng ataih, hơdai hăm hu maih lu sư, wă kơkuh kơ anăn Kră Yang, 'Bok Kei-Dei ih Tơ'ngla 'lơ̆ng Rơgoh Isơrael, yua kơ sư pơm bơih kơ ih đei tơdrong ư-ang.

Êsai 62:10

Lĕch năm bĕ, rok trong 'măng dur hơmet bĕ trong ăn kơ kon pơlei Man hơmet bĕ, man ming bĕ trong tih. Bơ'nguơih bĕ tơdrong găn pơdơ̆ng bĕ hla-kơ ăn kơ lu kon pơlei Inh.

Êsai 65:1

Lu bơngai mă ưh kơlah krao apinh Inh, na Inh pơdah akâu kơ lu sư bơih. Lu bơngai mă ưh kơlah chơchă Inh na tơ'bơ̆p Inh bơih. Inh khan hăm minh adrĕch adrung kon pơlei nai ưh kơ đei krao chă anăn Inh: “Inh tơ âu, Inh tơ âu!”

Je 46:9

Drong tơ anăp bĕ, ơ aseh! Puh mă tĕnh bĕ ơ lu bơngai hao gre aseh! Lu linh năm tơblah yak năm tơ anăp: Lu linh char Êthiôpi păng lu linh char Phut chĕp khêl. Lu linh char Liđi prah hră đam.

Êsêkiên 27:10

Lu bơngai char Pherơsơ, bơngai char Lŭt, bơngai char Phŭt lăm khŭl, linh ih, lu sư jing linh nuih kơtang lu sư hơtol khêl păng môk tơblah 'bơ̆t tơnăr ih, lu sư ba tơdrong ư-ang kơ ih.

Êsêkiên 27:13

Lu bơngai char Jawan, Tubal păng Mêsêk mơdro hăm ih, lu sư iŏk kong, iŏk lu bơngai đĭch tơplih iŏk tơmam đơ̆ng ih.

Êsêkiên 30:5

Bơngai Êthiôpi, bơngai Put bơngai Lut, đĭ-đăng lu bơngai Arabi păng lu bơngai Libi, lu dêh char mă pơgơ̆p hăm bơngai Êyiptơ gô pơ̆k lôch kơ đơ̆ng đao.”

Êsêkiên 32:26

Mesek hăm Tubal păng đĭ-đăng lu kon pơlei sư oei tơ noh; bơsat lu sư oei jum dăr kơ sư. Đĭ-đăng lu sư ưh kơ kăt tơdra akar ngăl, đe pơlôch hăm đao. Lu sư đei pơm kơ char lu bơngai arih hli tơrơ.

Êsêkiên 39:1

Ơ kon bơngai, khan lê̆ adrol blah Gôk, khan bĕ kơ sư: “Kră Yang khan thoi âu: Ơ Gôk pơtao đe Rôs, Mêsêk păng Tubal, Inh blah ih.

Êsêkiên 39:6

Inh gô ăn ŭnh soh Magôk, păng lu bơngai mă oei hiôk-hian tơ lu anih đak dơsĭ, na lu sư gô băt Inh boih Kră Yang.

Da 11:18

Đơ̆ng noh lu sư weh drong tơ lu bŏl đak păng blah iŏk đei lơ anih. Mă-lei gô đei minh 'nu pơtao găn lê̆ tơdrong sư chă pơrăm đe noh păng pơm ăn kơ tơdrong noh tuh plơ̆ kơ lu sư.

Jêphania 2:11

Kră Yang gô tơ'bôh kơ lu sư hli krưp tơpă; yua kơ Sư gô pơlôch lu yang kơpal teh âu hăm tơdrong pơngot rơwĕt na rim 'nu bơngai lăm teh đak gô kơkuh kơ Kră Yang, lăm dêh char sư kơdih. Mă đĭ-đăng kơ bŏl đak păng dêh lei-lăi.

Jêphania 3:10

Lu bơngai mă krao chă Inh, wă khan lu kon drŏ-kăn lu bơngai jrok tơklah tơklang tơ pah to đak krong Êthiôpi, gô năm pơm yang pơyơ̆r tơmam soi kơ Inh.

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.

Mathiơ 28:19

Thoi noh năm bĕ lu iĕm, bơtho kơ đĭ-đăng lu khŭl bơngai jơ̆p kơ teh đak, athei lu sư lui kiơ̆ kơ Inh, pơm 'batem kơ lu sư krao anăn Yang 'Bă, Yang Kon, hăm Yang Bơhngol 'Lơ̆ng wă kơ đe nai băt kơ lu sư lui boih.

Markôs 16:15

Yêsu khan kơ lu sư: “Iĕm athei năm jơ̆p-jang kơ teh đak bơtho tơdrong 'nao 'lơ̆ng kơ đĭ-đăng bơngai.

Luka 2:34

Đơ̆ng noh Simiôn apinh 'Bok Kei-Dei tơgŭm bre sư. Sư kư̆m khan kơ Mari thoi âu: “'Bok Kei-Dei ăn kơ bơ̆n kon nge âu wă tơgŭm lu bơngai Isơrael jing hiôk, mă-lei lu bơngai kuă kơ lui kơ Sư jing răm. Sư bơngai 'Bok Kei-Dei ăn wă tơgŭm bơ̆n ră mă-lei đei lơ bơngai gô pơjĭp pơjăm Sư. Yua kơ thoi noh na bơ̆n gô băt jơhngơ̆m lu đe ei kơnê̆ tơpă.

Rom 15:21

Inh jang kiơ̆ kơ đe chih lăm sơ̆p hla bơar 'Bok Kei-Dei sơ̆ thoi âu: “Lu bơngai ưh tam mă kơtơ̆ng gô 'bôh, lu bơngai ưh kơ hlôh gô nhên.”

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.