Êsai 65:22 - Sơ̆p Hlabơar Nơ̆r 'Bok Kei-Dei

²² Lu sư ưh kơ đei man hnam ăn kơ lu bơngai nai oei thoi sơ̆; ưh kơ đei pơtăm hơmu ăn kơ bơngai nai sa thoi sơ̆; sơnăm kon pơlei Inh arih gô nhen thoi dôm sơnăm 'long arih, lu bơngai mă Inh rơih iŏk gô đei yua đơ̆ng tơdrong jang lu sư kơdih.

Êsai 65:22 ပူးပေါင်းရင်းမြစ်များ

Bl 5:27

Thoi noh Mêtusêla arih đei tơsĭn-hrĕng tơdrâu-jĭt tơsĭn sơnăm, na sư lôch.

Bl 5:5

Thoi noh Ađam arih đei tơsĭn-hrĕng pêng-jĭt sơnăm, na lôch.

Horiso 21:4

Sư apinh Ih tơdrong arih, Ih ăn hloi kơ sư Ih ăn kơ sư năr đunh sot ling-lang hlŏng hloi.

Horiso 91:16

Inh gô ăn kơ sư arih sot păng chơt hiôk păng gô tơ'bôh ăn kơ sư tơdrong Inh dŏng pơklaih.”

Êsai 62:8

Kră Yang đei yơ̆r ti gah 'ma Sư păng kơkŏng ti mơsêh Sư pơkăm khan: “Inh ưh pă đei ăn bơih 'ba mi ih kơ lu bơngai ayăt kơ ih sŏng sa dơ̆ng, lu bơngai tơmoi gô ưh pă et sik hơmu 'nao ih. Sik mă đơ̆ng ih jang gleh hrat.

Êsai 62:9

Mă-lei lu bơngai yuă kĕch 'ba mi bơih lu sư gô đei sŏng sa 'ba mi noh, păng hơri bơnê ư-ang kơ Kră Yang, păng lu bơngai phĕ plei hơmu gô huch sik hơmu sư tơ lăm cham hnam 'lơ̆ng rơgoh Inh.”

Êsai 65:15

Lu bơngai mă Inh rơih iŏk gô yua anăn iĕm wă hiap pơtê̆ kơ đe. Kră Yang gô pơlôch iĕm; Mă-lei Kră Yang gô iŏk anăn plơ̆ng krao tơplih ăn kơ lu đĭch đam Sư.

Êsai 65:9

Inh gô ăn đei kon sâu lĕch đơ̆ng Jakôp, păng minh 'nu đơ̆ng Juđa gơh đei iŏk lu kông Inh; Lu bơngai mă Inh rơih iŏk gô đei dêh char noh, lu đĭch đam Inh gô oei tơ noh.

Êsai 66:22

Kră Yang khan: “Nhen thoi plĕnh 'nao teh 'nao mă inh pơjing gô oei kơjăp ling-lang 'bơ̆t anăp Inh thoi noh mơ̆n lu kon sâu iĕm păng anăn lu iĕm kư̆m oei kơjăp.

Lêwi 26:16

Mưh lei tơdrong âu Inh gô pơm kơ lu iĕm: Inh gô ăn kơ lu iĕm đei tơdrong hli truh tih, tơdrong jĭ jăn, bơlŏ chĕp tơngiĕt pơm kơ măt iĕm bơbôl, jơhngơ̆m rơmơ̆n rơmok. Lu iĕm rei pơtăm ră mă-lei hŭt đĕch jing tơdrong kơ đei, bơngai ayăt kơ iĕm gô iŏk sa yua đĭ.