Êsai 65:21 - Sơ̆p Hlabơar Nơ̆r 'Bok Kei-Dei

²¹ Kon pơlei Inh gô man hnam păng oei lăm noh; pơtăm pơgar hơmu păng gô sa plei.

Êsai 65:21 ပူးပေါင်းရင်းမြစ်များ

Horiso 107:37

Lu sư pơm mir rei adrĕch păng pơtăm tơm hơmu lăm mir chŭn tơm hơmu đei plei lơ.

Êsai 30:23

Kră Yang gô ăn 'mi jur tơ adrĕch iĕm rei tơ mir chŭn, tơmam sŏng sa 'lơ̆ng đei đơ̆ng mir chŭn păng mah rơkah rơkai, lăm năr noh sem dơrong iĕm gô sa 'nhĕt 'lơ̆p bluh đơ̆ng tơmăn glă.

Êsai 32:18

Kon pơlei Inh gô pơdơh oei lăm anih hiôk-hian, lăm hnam hiôk hơđơ̆ng, lăm anih pơdơh rơnŭk rơnua.

Êsai 37:30

Ơ Hesekia tơdrong âu jơ̆ tơdra wă kơ ih kơnăl: Sơnăm 'nâu ih gô đei sa plei chăt bluh kơdih đơ̆ng lăm mir chŭn, sơnăm đơ̆ng rŏng ih oei sŏng sa phe 'ba chăt kơdih mơ̆n, truh sơnăm mă pêng, ih athei rei păng yuă, ih pơtăm bĕ 'long hơmu păng sa plei sư.

Lêwi 25:19

Teh gô chăt lơ plei 'long sa, lu iĕm gô sa phĭ jơnap păng arih hiôk hơđơ̆ng lăm char iĕm.

Lêwi 26:16

Mưh lei tơdrong âu Inh gô pơm kơ lu iĕm: Inh gô ăn kơ lu iĕm đei tơdrong hli truh tih, tơdrong jĭ jăn, bơlŏ chĕp tơngiĕt pơm kơ măt iĕm bơbôl, jơhngơ̆m rơmơ̆n rơmok. Lu iĕm rei pơtăm ră mă-lei hŭt đĕch jing tơdrong kơ đei, bơngai ayăt kơ iĕm gô iŏk sa yua đĭ.

Am 9:14

Inh gô chông lu bơngai Isơrael brŏk đơ̆ng pơm bơnă, lu sư gô pơjing pơdơ̆ng dơ̆ng lu pơlei tih mă đêl đe pơrăm păng oei hloi tơ noh. Lu sư gô choh pơtăm mir hơmu păng huch đak sư, gô choh pơtăm war mir pơgar hla 'nhot, plei 'long păng gô sa plei sư.