Êsai 65:13 - Sơ̆p Hlabơar Nơ̆r 'Bok Kei-Dei

¹³ Na Kră Yang khan thoi âu: “'Nâu, lu đĭch đam Inh gô đei sa, Mă-lei lu iĕm gô pơngot; 'Nâu đĭch đam Inh gô nhă, mă-lei lu iĕm oei rơhing kơ đak; 'Nâu đĭch đam Inh gô đei tơdrong hiôk chơt, mă-lei lu iĕm gô mơlâu ơh sơ'ngon,

Êsai 65:13 ပူးပေါင်းရင်းမြစ်များ

Horiso 34:10

Kon dăm-brang mơlôh khăi kơ tơmam sa păng pơngot. Mă-lei bơngai bu mă krao chă Kră Yang ưh kơ đei khăi kơ tơmam 'lơ̆ng ôh.

Tơdrông Pơđơk 13:25

Bơngai tơpăt đei tơmam sŏng sa phĭ mah Mă-lei đei klak lu bơngai kơnê̆ gô pơngot.

Êsai 1:19

Tơdah lu iĕm wă păng chu yom Inh, Lei lu iĕm gô sa tơmam 'lơ̆ng hloh lăm teh âu.

Êsai 41:17

Lu bơngai dơnuh păng lu bơngai kơ'bah tơmam chơchă đak. Mă-lei ưh kơ đei, hơpiĕt đĭ kro yua kơ rơhing dêh, Inh bơih Kră Yang gô tơl nơ̆r lu sư, Inh bơih Kră Yang 'Bok Kei-Dei Isơrael ưh kơ achăng tŭk lu sư ôh.

Êsai 41:18

Inh gô pơm kơ đak krong lĕch ro tơ kông groi mơ-mlưch păng tu đak glung gô ro 'bĕnh lăm thŭng, inh gô pơm kơ teh char glă jing dơnâu đak. Teh hrĕng kro gô jing đak mơlĕch.

Êsai 42:17

Mă-lei lu bơngai gơnang kơ rup yang lu sư traih lu bơngai khan kơ lu rup lu sư man: Lu iĕm bơih yang lu nhôn, tă kơ gô kơdŭn tơ rŏng păng mơlâu.

Êsai 44:11

Đĭ-đăng lu bơngai kơkuh kơ rup Yang gô mơlâu, lu bơngai thơ̆ pơm lu sư jơ̆ kon bơngai hmă đĕch. Lê̆ đĭ-đăng lu sư akŭm băl. Iung bĕ; lu sư gô hli tơrơ păng mơlâu.

Êsai 44:9

Đĭ-đăng lu bơngai pơm rup yang jơ̆ tơdrong kơ đei dôm tơmam lu sư hưch wă ưh kơ yua kiơ. Lu bơngai pơm kơdranh kơ lu rup yang noh ưh kơ gơh 'bôh păng ưh kơ băt, gô pơm kơ lu sư mơlâu đĕch.

Êsai 49:10

Lu sư gô ưh kơ đei pơngot, ưh kơ đei ol kơ đak, hơyuh tŏ dah măt 'năr ưh kơ đei pơm kơ lu sư tŏ. Yua kơ Tơ'ngla 'mêm mơnat lu sư, gô chông anhăk ba lu sư năm truh tơ jê̆ cheng đak glung.

Êsai 5:13

Yua ưh kơhlôh kơwao na kon pơlei pơla Inh jing pơm đĭch đe, lu bơngai yŏng mơng jing lôch kơ pơngot rơwĕt, kon pơlei lu sư jing ol ăk yua kơ rơhing kơ đak.

Êsai 50:11

'Nâu, đĭ-đăng lu iĕm bơngai tơkuh ŭnh păng tơ̆k ŭnh hơchô̆ hơpaih. Năm rok bĕ gah hơdah ŭnh hơchô̆ hơpaih mă iĕm tơ̆k, Tơdrong 'nâu lu iĕm gô pŭ iŏk đơ̆ng ti Inh, lu iĕm gô 'bĭch lăm tơdrong pơmat-tat!

Êsai 61:7

Tơplih đơ̆ng mơlâu. Kon pơlei Inh gô đei iŏk tơmam hloh 'bar wơ̆t tơplih đơ̆ng đe pơjăm. Lu sư gô chơt hiôk đơ̆ng tơmam đe asong bơih, na lu sư gô đei iŏk mŭk tơmam 'bar wơ̆t lơ hloh lăm dêh char lu sư păng đei tơdrong hiôk chơt ling-lang.

Êsai 62:9

Mă-lei lu bơngai yuă kĕch 'ba mi bơih lu sư gô đei sŏng sa 'ba mi noh, păng hơri bơnê ư-ang kơ Kră Yang, păng lu bơngai phĕ plei hơmu gô huch sik hơmu sư tơ lăm cham hnam 'lơ̆ng rơgoh Inh.”

Êsai 66:14

Lu iĕm gô 'bôh dôm tơdrong noh, na lăm jơhngơ̆m hiôk-hian, kơting lu iĕm gô bluh thoi 'nhĕt. Đe gô băt ti Kră Yang gô tơgŭm lu đĭch đam Sư, mă-lei tơdrong Sư hil mĭl gô phak lu bơngai ayăt kơ Sư.

Êsai 66:5

Ơ lu iĕm bơngai mơ̆ng nơ̆r Kră Yang pơma mă hli tơtey, mơ̆ng bĕ nơ̆r Kră Yang. “'Nhŏng oh lu iĕm bơngai mă hil areh kơ lu iĕm, hŭt lê̆ lu iĕm yua anăn Inh păng khan: ‘Hơpơi kơ Kră Yang đei ư-ang, wă kơ lu nhôn 'bôh tơdrong hiôk chơt lu iĕm.’ Mă-lei lu sư bơih gô mơlâu.

Êsai 8:21

Lu sư gô thông huang jơ̆p kơ lăm dêh char, pơmat-tat, đei pơngot rơwĕt, dah đei pơngot lu sư gô hil mĭl ngơk muh măt tơ kơpal hiap pơtao păng Kră Yang 'Bok Kei-Dei lu sư kơdih.

Je 22:22

Kial gô puh pơđông lê̆ đĭ-đăng lu bơngai wei triu ih, păng lu bơngai mă pơgơ̆p hăm ih gô jing bơnă, kơplah noh ih gô mơlâu păng hlơ̆l lĕm, yua kơ tơdrong kơnê̆ đêl ih pơm boih.

Da 12:2

Lơ bơngai tep lăm teh gô iung hơđơ̆r, lu mơ'nah đei tơdrong arih ling-lang, lu mơ'nah gô pŭ iŏk tơdrong mơlâu păng pơmat-tat ling-lang.

Hôsia 4:10

Lu sư gô sŏng sa mă-lei ưh kơ phĭ. Lu sư gô pơm pơyô kư̆ kă mă-lei ưh pă đei hơ'lơ̆p; yua kơ lu sư achăng lê̆ boih Kră Yang, thoi noh 'maih pơm pơyô kư̆ kă.

Malachi 3:18

Dang ei lu iĕm gô wih brŏk păng Inh klah lu bơngai tơpăt hăm lu bơngai pơm yoch kơnê̆ pha; lu bơngai bơ̆jang kơ 'Bok Kei-Dei hăm lu bơngai ưh kơ bơ̆jang kơ Sư pha.”